हिब्रु 10:35 - डोटेली नयाँ करार

³⁵ तबइकिलाइ तमरो बिश्वासलाइ जन छाड, ताकि तमनले परमेश्वर बठेइ ठुलो इनाम पाउन सक।

हिब्रु 10:35 Referans Kwoze

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

हिब्रु 3:6

तर ख्रीष्ट भण्या परमेश्वरका घरका मान्सनसित चेलोका रुपमि बिश्वासयोग्य थ्या। यदि हाममि साहस रे हामरा आसामि भरोसा छ भण्या जो ख्रीष्ट बठेइको हो, तब हाम परमेश्वरका मान्सन हौ।

लूका 14:14

रे तुइले आशिस पाउन्या हइ, क्याकि तिननले तेरो गुण फर्काउन सक्दाइन्न। तर जब धर्मिजन मर्या बठेइ जिउना हुनाहान परमेश्वरले तुइले यइको प्रतिफल दिन्या हुन।”

हिब्रु 11:26

मिश्र देशको धन-दौलत भण्ना ख्रीष्टको निउति निन्दित हुनाइ तइले किमति सम्पत्ति माण्यो। क्याकि तइले आफ्नो इनाम पाउन्या बाटो हेरिराइथ्यो।

मत्ती 5:12

तइ बेला तमन रमा रे भौत खुशी हो, क्याकि स्वर्गमि तमरो इनाम ठुलो हुन्या हो। क्याकि इसेरि तमन भण्ना अगाडी रन्या अगमबक्तालाइ तिननले सताइराइथ्यो।”

हिब्रु 4:14

तबइकिलाइ स्वर्गमि गया परमेश्वरको चेलो येशूइ हुन। उन हाम सबइका माहान यहुदि प्रधान पुजारि हुन। तबइकिलाइ सब मान्सनका अगाडी ग्रहण अर्या बिश्वासलाइ थामिबर बलिया होउ।

हिब्रु 3:14

यदि हामले हामरो पइल्ली अर्या बिश्वासमि हाम छाड्डीबार सम्म बलिया भया भण्या हाम ख्रीष्टसित सज्जा हकदार हुन्या हौ।

मत्ती 10:32

तबइकिलाइ जइले लगइ मान्सनका अगाडी मलाइ स्वीकार अरन्छ, म लगइ तइलाइ स्वर्गमि हुन्या मेरा पिताका अगाडी स्वीकार अद्द्या हु।

मत्ती 10:42

जइले यिन नानामि हइ एकलाइ मेरो शिष्या माणिबर एक लोटा ठन्न पानी मान्तर भया लगइ पिनाइ देलो, म तमलाइ भण्नउ, परमेश्वरले पक्‍का तइ मान्सलाइ इनाम दिन्या हुन।

हिब्रु 2:2

परमेश्वरले स्वर्गदुत बठेइ बोल्या कानुन सत्य साबित भया छ, रे जइले यइको अनुसरण अरेइन अथवा पालन अरेइन, तिननले परमेश्वर बठेइ पाउनु पड्डया दण्ड पायो।

एफिसी 3:12

ख्रीष्ट सितको हामरो सम्बन्धका लाग्दा रे हामरो उनमी भया बिश्वासका लाग्दा हाम परमेश्वरका अगाडी साहस रे पक्‍का भरोसासित आउन सक्दाउ।

हिब्रु 10:19

येशूले बलिका रुपमि आफ्नो रगत दियो। तबइकिलाइ बिश्वासि भाइन हो, हाम बिना डरले स्वर्गको महापबित्र ठाउँमि साहससित पस्स सक्दाउ।

२ यूहन्ना 1:8

तबइकिलाइ तमन होशियार बस, कि तमनलाइ यिन मान्सनले धोका जनदिउन, क्याकि तमनले त्यो गुमाउन्या होइन जो पाउनाइलाइ हामले कडा काम अद्दाछौ, तर परमेश्वरले तमरो सेवाको पुरा इनाम दिन्या हुन।