हिब्रु 10:28 - डोटेली नयाँ करार

²⁸ मोशा कानुनलाइ कसइले नमाणनज्या दुइ-तीन जाना साक्षि भया भण्या, त्यो मान्स बिना दया मद्दु पणन्छ।

हिब्रु 10:28 Referans Kwoze

हिब्रु 2:2

परमेश्वरले स्वर्गदुत बठेइ बोल्या कानुन सत्य साबित भया छ, रे जइले यइको अनुसरण अरेइन अथवा पालन अरेइन, तिननले परमेश्वर बठेइ पाउनु पड्डया दण्ड पायो।

२ कोरिन्थी 13:1

पबित्र सास्त्रमि इसेरि लेखिया छ, “सब दोस दुइ या तीन साचि गवाही बठेइ साबित अरिनु पणन्छ” जब म दोसरा बेरका भेटमि ताँ थ्या, मइले पापमय काम अद्द्यालाइ पइल्ली चेताउनी दिसक्या थ्या। पइल्लिका चिठ्ठीमि तमनलाइ चेताउनी दिया जसेरि आजी म तमनलाइ रे औरलाइ लगइ चेताउनी दिनउ। आब म तेसरी बेर तमरा वाँ आउन्यावालो छु, यदि तिननले आजी लगइ पाप अद्द छाड्या आथिन भण्या कोइलगइ दण्ड बठेइ उम्कन सक्द्या आथिन।

यूहन्नाले लेख्या सुसमाचार 8:17

मोशाले दिया तमरा कानुनमी लेखिया छ कि दुइ मान्सले दिया गवाही सत्य ठहरिन्छ।

मत्ती 18:16

तर यदि तइले सुणेइन भण्या आफसित और एक कि दुइ जाना मान्स लैजा, क्याकि मोशाको कानुन अनसार, “सब दोस दुइ अथवा भौत साक्षि बठेइ सत्य साबित हुनु पणन्छ।”

याकुब 2:13

क्याकि जइ मान्सले औरलाइ दया धेकाया आथिन, उइलाइ लगइ दया धेकाइन्या आथिन तर यदि तमनले दया धेकाया भण्या, जब परमेश्वरले न्याय अद्द्या हुन उनले लगइ तमनलाइ दया धेकाउन्या हुन।

रोमी 9:15

क्याकि परमेश्वरले मोशालाइ भण्नाहान, “जइलाइ म दया अद्द चाहानउ, तइलाइ म दया अद्दया हु, रे जइलाइ म कृपा अद्द चाहानउ, तइलाइ म कृपा अद्दया हु।”

हिब्रु 12:25

होशियार होउ, रे तमनसित बोलल्या परमेश्वरको बचन पालन अर। क्याकि यदि धर्तीमि चेताउनी दिन्या मोशालाइ इन्कार अद्द्या इस्राएलका मान्सन परमेश्वरको दण्ड बठेइ बचेइन भण्या, स्वर्ग बठेइ चेताउनी दिन्या परमेश्वरलाइ सुण्ना बठेइ इन्कार अर्या भण्या हाम पक्‍का तइ दण्ड बठेइ बच्च सक्द्या होइन।