गलाती 6:12 - डोटेली नयाँ करार

¹² यहुदि मान्सनलाइ खुशी पड्डाइ तिननले तमनलाइ खतना अददाइ दबाब दिनाहान। तिननले यिसो अर भण्नाहान, ताकि मान्सनले येशू ख्रीष्ट क्रुसमि मर्या भणन्या कुरणीमि बिश्वास अरिबर मान्तर उद्दार पाइन्छ भणन्या प्रचार अर्यामी जन सताउन।

गलाती 6:12 Referans Kwoze

गलाती 5:11

भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।

कलस्सी 2:23

इसो लागन्छ कि यिन नियमले एक बुद्दिमान बाटो धेकाउनाहान जो ठीक छ, तिनरो झुटो नम्रता रे आफ्ना शरीरलाइ कठोर ब्यबहार अरिबर तिननले आफलाइ परमेश्वरतिर समर्पित अददाहान। तर वास्तवमि यिन नियमले मान्सनलाइ तिनरा खराब इच्छालाइ नियन्त्रण अद्दाइलाइ सहयोग अद्दाइन्न।

२ कोरिन्थी 11:13

क्याकि इसा मान्सन येशू ख्रीष्टका साचो छान्या शिष्या होइन रे छलि काम अद्द्या हुन रे येशू ख्रीष्टका छान्या शिष्याका भेष लिइबर हिट्टया मान्त्तर हुन।

प्रेरित 15:1

आब केइ यहुदि बिश्वासीनले यहुदिया जिल्ला बठेइ एन्टिओखिया सहरमि आइबर बिश्वासि भाइनलाइ यिसो सिकाउन पस्या, “तमनले मोशाको कानुनको अन्सार खतना अर्यानु भण्या तमनले उद्दार पाउन सक्दाहान।”

गलाती 2:3

मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन।

लूका 16:15

तब उनले तिननलाइ भण्यो, “मान्सनका अगाडी तमन धर्मि धेकिनाइ निको माण्न्छौ, तर परमेश्वरले तमरा हृदय जाण्नाहान, क्याकि मान्सका बिचइनि जी महत्वपूर्ण माणिन्छ, परमेश्वरको दृष्टिमि त्यो खराब माणिन्छ।”

फिलिप्पी 3:18

मइले तमनलाइ भौत बेर भणि सक्या छु, अइल लगइ रोइबर भण्नाछु, भौत मान्सन तिनरो व्यबहारले यो धेकाउनाहान कि तिननले ख्रीष्ट क्रुसमि मर्या सन्देसलाइ बिरोध अददाहान।

फिलिप्पी 2:4

तमन हरेकले आफ्नो मान्तर फाइदा जन खोजउ, तर औरको फाइदा लगइ हेर।

फिलिप्पी 1:15

यो साँच्चि हो कि केइ मान्सन जलन रे इखले ख्रीष्टको बारेमि सुसमाचार प्रचार अददाहान रे कोइ मान्सन आफ्ना निका बिचारले प्रचार अद्दहान।

गलाती 6:13

क्याकि खतना अर्या मान्सनले लगइ मोशाको सब कानुन पालन अद्दाइन, तर तिननले तमरो खतना भया चाहानान ताकि तिनन बठेइ तमरो खतना भया हो भणबर तिननले और यहुदि मान्सनका अगाडी घमण्ड अद्द सकुन।

गलाती 2:14

तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”

२ कोरिन्थी 10:12

आफनी बडुवाँइ आफइले अद्द्या कसइ कसइ मान्ससित हाम आफइलाइ एकै दर्जामि राख्द चाहानाइन, अथवा आफइलाइ तिननसित दाँज्ज हाम साहस अद्दाइन। तर तिनन आफले-आफइलाइ एक अर्खासित तुलना अरिबर तिनन समज नभया हुनाहान।

प्रेरित 15:5

तब फरिसि मान्सनका दलका केइ बिश्वास अद्द्याले कलिबर भण्यो, “गैर-यहुदि मान्सन बठेइ आउन्या येशू ख्रीष्टका शिष्याले यहुदि रित अन्सार खतना हुनुइ पणन्छ रे तिननलाइ मोशाको कानुन पुराइ पालना अद्द लाउनु पणन्छ।”

यूहन्नाले लेख्या सुसमाचार 7:18

जइले आफनाइ तिर बठेइ बोलन्छ, उइले आफनोइ सम्मान खोजन्छ, तर जइले आफलाइ पठाउन्याको सम्मान खोजन्छ, त्यो इमानदार हो, रे उइमि छल हुनइन।

लूका 20:47

तिनन धोका दिइबर बिधवाका घरको सब सम्पति लइनाहान, रे तिनन मान्सलाइ आफ निको हु धेकाउनाइलाइ सार्वजनिक ठाउँमि लामा-लामा प्रार्थना अद्दाहन, यिसा मान्सलाइ परमेश्वर पक्‍का आजी बड्ता दण्ड दिन्या हुन।”

मत्ती 23:28

यिसेरी तमन लगइ बाइर भण्या मान्सका अगाडी धार्मि जसा धेकिन्छौ तर भित्तर कपटि रे दुष्टताले भरिएका हुन्छौ।”

मत्ती 23:5

तर तिनन आफना जम्माइ काम मान्सलाइ धेकाउनाइ अद्दाहान। तबइकिलाइ तिननले आफ्ना चाना रे नाडिमि पबित्र सास्त्रका बचन भया ठुला प्रार्थनाका बट्टा बाद्दाहान, रे आफना लत्ताका छेउ लामा बनाउनाहान।

मत्ती 6:16

“जब तम बर्त बसन्छौ, तब कपटि अनार जन धेका। क्याकि मान्सनलाइ बर्त बस्या धेकाउनाइलाइ तिनन आफना मुख अनारा बनाउनाहान। साँच्चि म तमनलाइ भण्नउ, तिननले मान्सन बठेइ प्रसंसा पाइ सक्या छ।

मत्ती 6:2

तसेरि जब तमन दान दिन्छौ, तब धेकाउनाइलाइ बिगुल जन बजा, जसो कपटिले यहुदि सभाघरमी रे सडकमि मान्स बठेइ प्रसंसा पाउनाइ अद्दाहन। साँच्चि, म तमनलाइ भण्नउ, तिननले मान्सन बठेइ महिमा पाइ सक्या छन।

मत्ती 6:5

“जब तु प्रार्थना अरन्छइ तब कपटि मान्स जसो जन होइ, क्याकि तिनन यहुदि सभाघरमी रे सडकका कुना-कुनामि मान्सनले धेकुन रे तिननलाइ महिमा अरुन भणि कलिबर प्रार्थना अद्दया मन अद्दाहन। साँच्चि म तमनलाइ भण्नउ, तिननले आफ्नो पुरा इनाम पाइ सक्या छन, त्यो भण्या मान्सनको प्रसंसा हो।

मत्ती 5:10

धन्य हुन जो धार्मि भइबर बाँच्या हुनाले सताइय्या छन, क्याकि स्वर्गको राज्य तिनरोइ हो।”

मत्ती 23:27

“तमन भयानक समस्यामि छौ! तम मोशाको कानुन सिकाउन्यावाला रे फरिसि मान्सनको समुह हो, कपटि! क्याकि तमन चुना लाया चिहान जसा छौ, जो बाइर सुन्दर धेकिनाहान तर भित्तर भण्या मर्या मान्सका हाड खोड रे सब अशुद्ताले भरिएका हुनाहान।