गलाती 5:11 - डोटेली नयाँ करार

¹¹ भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।

गलाती 5:11 Referans Kwoze

१ कोरिन्थी 1:23

तर हाम प्रचार अददाउ कि ख्रीष्ट हामरा पाप बठेइ छुटकारा दिनइ क्रुसमि मर्या। जो यहुदि मान्सनका निउति बाधा रे गैर-यहुदि मान्सनकि निउति मुर्खता हो।

गलाती 6:12

यहुदि मान्सनलाइ खुशी पड्डाइ तिननले तमनलाइ खतना अददाइ दबाब दिनाहान। तिननले यिसो अर भण्नाहान, ताकि मान्सनले येशू ख्रीष्ट क्रुसमि मर्या भणन्या कुरणीमि बिश्वास अरिबर मान्तर उद्दार पाइन्छ भणन्या प्रचार अर्यामी जन सताउन।

गलाती 4:29

तइ बेला मानब योजना अन्सार जन्मयाको चेलाले परमेश्वरको आत्माको सक्ति बठेइ जन्मयाको चेलालाइ सताया थ्यो। तसेरि अइल हाम तिन मान्सन बठेइ सताइया छौ, जइले परमेश्वरसित धर्मि ठहराउनाइ हामलाइ मोशाको कानुन पालन अर्या चाहानाहान।

गलाती 2:3

मेरा साथी तीतस जो ग्रीक हुन तिनरो कभइ खतना भया आथिन। तर यरुशलेम सहरमि भया तिन मण्डलिका अगुवानले उइलाइ स्वीकार अर्यो। तिननले उइलाइ खतना अददाइ कर अरेइन।

१ कोरिन्थी 15:30

यदि मर्या मान्सनलाइ मर्या बठेइ जिउना भयइन भण्या हामले आफलाइ खतरामी पड्डु मुर्खता हो।

प्रेरित 21:21

तिनन यहुदि बिश्वासीनले तमरा बारेमि और बठेइ बताया छन, गैर-यहुदि मान्सनका बिचइनि बस्या यहुदि मान्सनलाइ मोशाको कानुन छाडदिय रे तिनरा बच्चाको खतना जन अर रे यहुदि रिति अन्सार जन चल भणि सिकाउन्नाछन भण्न्या रैबार पाया छु।

गलाती 6:17

आब बठेइ कसइले मलाइ कष्ट जन देउ, क्याकि मेरा सरीरमि भया डामले म येशूको दास हु भणबर धेकाउन्छ।

१ कोरिन्थी 1:18

क्याकि दण्ड पाउनाइ परमेश्वर बठेइ अलग भया मान्सनले क्रुसमि भया ख्रीष्टको मृत्युको शिक्षालाइ मुल्यहिन सोच्चाहान, तर हाम जाण्नाउ कि हाम उद्दार पाइरयाका निउति, यो परमेश्वरको सक्तिको प्रमाण हो।

प्रेरित 21:28

तिनन यिसो भणबर कला हाल्ल पस्या, “हे इस्राएल देशका मान्सन हो, सहयोग अर, मान्सनलाइ जाँ पायो ताँइ हामरा जातिलाइ मोशाको कानुन जन माण रे मन्दिरमि पुजा जन अर भण्न्या शिक्षा दिन्या यइ मान्स हो, इति मान्तर होइन, यइले गैर-यहुदि मान्सनलाइ लगइ मन्दिर भित्तर लेइबर यइ पबित्र ठाउलाइ असुद्द पाण्यो।”

प्रेरित 16:3

तिनलाइ पावलले आफसित लैन्या मन अर्यो। तिन ठाउँमि रन्या यहुदि मान्सनका लाग्दा पावलले तिनलाइ लैजाइबर खतना अर्यो। क्याकि तिनरा बा ग्रीक देशमि बस्यावाला हुन भण्न्या उन सबलाइ थाथ्यो।

गलाती 3:1

हे बहकाइया गलाती बासि हो, कसइले तमनलाइ धोका दिया हुनु पणन्छ। मइले तमनलाइ निक्केरि भण्या छु कि येशू ख्रीष्ट क्रुसमि मद्दया कारण कि थ्यो।