गलाती 4:3 - डोटेली नयाँ करार

³ यिसेरी हाम बालक जसाइ हुन्ज्या हाम लगइ यइ संसारमी भया चालचलन रे कानुनका अधिनमी थ्या।

गलाती 4:3 Referans Kwoze

कलस्सी 2:20

तमरो पापी स्वभाव ख्रीष्टसित मर्या हुनाले, तमनले यइ संसारका नियम पालन अददु पडइन। तबइकिलाइ तमनलाइ आजी लगइ यइ संसारले नियत्रण अर्या जसेरि क्याइ तमन संसारका नियम पालन अरन्छौ?

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

गलाती 4:9

तर आब तमरो परमेश्वरसित सम्बन्ध छ, अथवा मइले भणनु पणन्छ कि उनले हामलाइ उनरा सन्तानका रुपमि स्वीकार अर्याछ। आजी क्याकि तमन कमजोर रे बेकामका शिक्षाका अधिनमि हुनाइ फर्कन्छौ? कि तमन आजी तिन कुरणिका अधिनमी हुन चाहन्छौ?

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 4:31

तबइकिलाइ बिश्वासि भाइन हो, हाम नौकरनिका सन्तान होइन, जो कानुन हो, तर हाम तइ स्वतन्त्र स्वानिका सन्तान हौ, जो बिश्वास हो।

प्रेरित 15:10

तबइकिलाइ हामरो यहुदि कानुन रे रितको पालन अद्दाइकिलाइ यिन गैर-यहुदि बिश्वासीमि ठुलो भारि राखिबर क्याइ परमेश्वरको परिक्षा अर्न्छौ, जइलाइ न त हामरा पुर्खानले न त हामले बोक्द सक्या।

रोमी 8:15

क्याकि भण्या आजी डरमि पड्डाइलाइ दासत्वको आत्मा तमनले पाया आथिनु, तर परमेश्वरको आत्माले हामलाइ परमेश्वरका सन्तान बनाउनाहान। तबइकिलाइ जब हाम परमेश्वरलाइ “बा” भणि बोलाउनाउ,

यूहन्नाले लेख्या सुसमाचार 8:31

तब आफलाइ बिश्वास अद्द्या तिनन यहुदि मान्सनलाइ येशूले भण्यो, “तमन मेरा बचनमी लागिरया भण्या साँच्चि तमन मेरा शिष्या हौ।

हिब्रु 7:16

येशू लेविको बंस भया नियम कानुन अनसार पुजारि भया होइन। तर उन आफना जीवनको सक्तिका लाग्दा पुजारि बन्या जइको कभइ अन्त हुनइन।

गलाती 4:25

अरब देशमि भया सीनै पर्बत अइल यरुशलेम सहरका मान्सन जसोइ हो। क्याकि हागार रे तइका सन्तान मोशाको कानुनको दासत्वमि बस्साहान।

गलाती 3:19

तसो भया कानुनको कि काम? पापकी हो भणबर धेकाउनाइ परमेश्वरले कानुन दियो, ताकि अब्राहामका बंस बठेइ ख्रीष्ट आउन्ज्या सम्म तइको मान्यता होउ। यो तइ बंशका बारेमि थ्यो, जो परमेश्वरले बाचा अरिराइथ्यो। परमेश्वरले आफ्नो कानुन मोशालाइ स्वर्गदुत बठेइ दियो, जो परमेश्वर रे मान्सनका बिचमि मध्यस्थकर्ता थ्या।

मत्ती 11:28

ए सब कठीन काम अद्दयावाला रे बोजले चेपिया हो, मेरा वाँ आस, म तमनलाइ आराम दिन्या हु।

रोमी 7:14

क्याकि हाम जाण्नाउ कि कानुन आत्मिक हो, तर म मान्स हु, रे म पापको अधिनमी छु।

२ कोरिन्थी 11:20

क्याकि यदि कसइ मान्सले तमनलाइ नौकर बनाउछ अथवा तमनलाइ आफ्नो सिकार बनाउछ अथवा तमन बठेइ फाइदा उठाउछ अथवा धाक लाउन्छ अथवा तमनलाइ मुखमि थप्पडी लाउछ भण्या लगइ तमन सब सन्या रइछौ।

गलाती 4:2

मालिक हुन्या उमेर नपुगन्ज्या उ अभिभावक रे संरक्षकका अधिनमी हुन्छ। मालिक हुन्या उमेर तइका बाले निर्धारण अरन्छ।

गलाती 4:8

पइल्ली जब तमनले परमेश्वरलाइ पछयाणा थ्यानु, तब तमन तिन देबताका अधिनमी थ्या, जइको केइ अस्तित्व हुनइन।

गलाती 4:24

यिन दुइ स्वानीनको तुलना दुइ करारसित अद्द सकिन्छ, सीनै पर्बतमी परमेश्वरले इस्रायली मान्सनसित अर्या करार हागार जसोइ हो। उइले सन्तान जन्माउछिन जो नौकर बन्नाहान।

हिब्रु 5:12

अइल सम्म त तमन औरलाइ सिकाउन सकद्या भइसक्दु पड्डयाथ्यो, तर आजी लगइ तमनलाइ परमेश्वरको बचनको बारेमि प्राथमिक कुरणी था नभया और कसइले सिकाउनु पणन्छ। खदिलो खानेकुरणीको सट्टा आजी तमनलाइ बालकइ जसेरि दुध चाइन्छ।