गलाती 4:29 - डोटेली नयाँ करार

²⁹ तइ बेला मानब योजना अन्सार जन्मयाको चेलाले परमेश्वरको आत्माको सक्ति बठेइ जन्मयाको चेलालाइ सताया थ्यो। तसेरि अइल हाम तिन मान्सन बठेइ सताइया छौ, जइले परमेश्वरसित धर्मि ठहराउनाइ हामलाइ मोशाको कानुन पालन अर्या चाहानाहान।

गलाती 4:29 Referans Kwoze

गलाती 5:11

भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।

रोमी 8:13

क्याकि यदि तमन पापी स्वभाव अन्सार जिउन्छौ भण्या, तमन परमेश्वर बठेइ अलग हुन्या हो, तर यदि परमेश्वरका आत्मा बठेइ तमरो पापी स्वभाबले चायाकि कुरणी बन्द अरन्छौ भण्या तमन जिउन्या हउ।

गलाती 4:23

नौकरनिको चेलो मानब योजना अन्सार मान्तर जन्मियो। तर जो चेलो उइकी स्वानी बठेइ जन्मियो त्यो परमेश्वरको बाचा अन्सार जन्मियो।

यूहन्नाले लेख्या सुसमाचार 15:9

जसेरि पिताले मलाइ प्रेम अरिराइछ उसेरि मइले लगइ तमनलाइ प्रेम अरिराइछु तमन मेरा प्रेममि रइर।

यूहन्नाले लेख्या सुसमाचार 3:5

येशूले भण्यो, “साँच्चि, म तमनलाइ भण्नउ, कोइ पानी रे आत्मा बठेइ जन्मनइन भण्या तइले कभइ लगइ परमेश्वरको राज्यमि पस्स पाउन्या होइन।

रोमी 8:1

तबइकिलाइ आब येशू ख्रीष्टसित सम्बन्ध भया मान्सनलाइ परमेश्वरले दोस लाउनाइन।