गलाती 4:18 - डोटेली नयाँ करार

¹⁸ सदाइ असल उद्देश्यकि निउति जोसिलो हुनु असल हो, तर म तमनसित हुन्ज्या मान्तर जोस धेकाउनु असल होइन।

गलाती 4:18 Referans Kwoze

फिलिप्पी 2:12

मेरा प्यारा भाइन, म तमनसित हुन्ज्या तमनले सदाइ आज्ञापालन अर्या छौ। अइल म तमन बठेइ टाडा छु, तमन झिक बड्ता आज्ञाकारी हुनु पणन्छ। तमन हरेकले डराइबर रे कामीबर त्यो काम अददु पणन्छ जो और मान्सकीलाइ ठीक छ, जइलाइ परमेश्वरले बचाया छ।

प्रकाश 3:19

जइलाइ म प्रेम अद्दउ तिननलाइ म हप्काउनउ रे सुधार अद्दउ। तबइकिलाइ सहि अददाइलाइ उत्सुक होउ, रे पाप अद्द छाडिबर परमेश्वरतिर फर्क।

तितस 2:14

हामलाइ दुष्ट काम बठेइ छुटकारा दिनाइ रे हामलाइ नैतिक रुपमि सुद्द अददाइ यिन येशू ख्रीष्टले हामरा निउति आफइलाइ बलि अर्यो ताकि हाम उनरा खास मान्सन हुन सकु, जो असल काम अद्दाइ पुरा समर्पित हुनाहान।

फिलिप्पी 1:27

जी भया लगइ तमरो जीवनको चाल ख्रीष्टका सुसमाचारको योग्य होस। म तमरा वाँ आइबर तमलाइ भेटु वाँ नभेटु, म तमरा बारेमि यो कुरणी सुण्न चाहानउ कि तमन एकमान्तरइ उदेश्यमि बलियो भइबर कल्लिया छौ, रे सुसमाचारमि आधारित बिश्वासकी निउति संगै मिलिबर मेहेनत अरउ,

गलाती 4:13

तमनलाइ याद होलो, कि शारीरिक कमजोरिका लाग्दा म तमरा वाँ पइल्ली बेर आया, रे सुसमाचार प्रचार अर्या।

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

यूहन्नाले लेख्या सुसमाचार 2:17

उनरा शिष्यालाइ पबित्र सास्त्रमि लेखिया यिन कुरणी याद भयो, “हे परमेश्वर, तमरा मन्दिरका निउति मेरो भक्ति म भितर आगाकी जसेरि बल्ला छ”।

गलाती 4:20

म चाहनउ कि म तमनसित रउ, ताकि म तमनसित नम्र भइबर बोल्ल सकु, क्याकि म तमरा बिसयमि भौत चिन्तित छु।

गलाती 4:17

तमनलाइ भ्रममि पाड्या मान्सनले तमनलाइ आफना पक्षमि ल्याउनाइ उत्सुक छन, तमरि निउति तिनरो उद्देश्य असल आथिन, तर तिनरो उद्देश्य तमनलाइ म बठेइ अलग अददु हो, ताकि तमन तिनरा शिष्य बन्न सक।