गलाती 3:29 - डोटेली नयाँ करार

²⁹ रे तमन ख्रीष्टमी एकतामी छौ भण्या, तमन अब्राहामका पक्‍का सन्तान हउ रे तमन परमेश्वरले बाचा अर्या आशिषमी उत्तराधिकारी भयाछौ।

गलाती 3:29 Referans Kwoze

एफिसी 3:6

रे परमेश्वरको गोप्य योजना: हामरो येशू ख्रीष्ट सितको सम्बन्धका लाग्दा, सुसमाचार बठेइ गैर-यहुदि मान्सनले यहुदि मान्सनकि जसेइ एकइ आशिस पाउन्या हुन, तिनन एकइ शरीरका भाग हुन रे परमेश्वरले अर्या प्रतिज्ञामि सहभागी हुन्या हुन।

गलाती 3:7

तबइकिलाइ तमनले यो जाण्नु पणन्छ कि जो मान्सनले अब्राहामका जसेरि परमेश्वरमि बिश्वास अद्दाहान, तिनन अब्राहामका साच्चिका सन्तान हुन।

रोमी 8:17

रे सन्तान हु भण्या उत्तराधिकारी लगइ हु, परमेश्वरका उत्तराधिकारी रे ख्रीष्टसित सज्जि उत्तराधिकारी हु। यदि हाम अइल येशूकी जसेरि दु:ख भोग्दाछौ भण्या हाम उनरो महिमामि लगइ सहभागी हुन्या हु।

तितस 3:7

ताकि हाम त्यो अनन्त जीवन पाउन्या आसा अद्द सकु जो परमेश्वरले हाम उनरा सन्तानलाइ दिन्या बाचा अर्याछ। रे हाम यइ बारेमि पक्‍का हुन सक्दाउ क्याकि परमेश्वरले आफ्नो अनुग्रह बठेइ हामलाइ उनरा नजरमि आफसित ठीक बनायो।

प्रकाश 21:7

जइ मान्सनले दुष्टका सक्तिलाइ परास्त अरन्छ, तिननले म बठेइ यिन सब आशिस पाउन्या हुन रे म तिनरा परमेश्वर हुन्या हुँ, रे त्यो मेरो चेलो हुन्या हो।

गलाती 4:7

तबइकिलाइ तमन आब नौकर होइनु, तर परमेश्वरका सन्तान हौ। रे तमन परमेश्वरका सन्तान भया हुनाले तमनले त्यो सब कुरणी पाउन्या हौ, जो परमेश्वरले आफ्नो सन्तानलाइ दिन्या प्रतिज्ञा अर्याछ।

याकुब 2:5

मेरा प्यारा भाइन हो, ध्यान दिय! परमेश्वरले संसारका नजरमि गरिबलाइ बिश्वासमि धनि बनाया छ, रे उनरा राज्यका हकदार हुनलाइ लगइ प्रतिज्ञा अर्याछ, जो उनलाइ प्रेम अद्द्या सबलाइ दिन्या हुन।

२ कोरिन्थी 10:7

तमन बाइर धेकिन्या कुरणीलाइ हेरन्छौ। यदि कसइ मान्सलाइ यो भरोसा छ कि उ ख्रीष्टको हो भण्या, उइले आजी आफइलाइ याद अराओस कि जसो उ ख्रीष्टको हो, हाम लगइ ख्रीष्टइका हौ।

हिब्रु 6:17

प्रतिज्ञा पाया मान्सनलाइ भण्नाइ निउति, “मइले दिया प्रतिज्ञालाइ म कभइ परिबर्तन अद्द्या आथिन”, परमेश्वरले आफनाइ नाउँमि कसम खायो।

गलाती 3:16

तसेरि परमेश्वरले अब्राहामसित करार अर्यो, “तेरा एक बंस बठेइ सब मान्सनले आशिस पाउन्या हुन।” पबित्र सास्त्रमि यिसो लेखिया आथिन, तर “तमरा बंशलाइ” लेखिया छ यइको अर्थ एक जाना मान्सको बारेमि मान्तर भणन्छ, जो ख्रीष्ट हुन।

हिब्रु 11:18

परमेश्वरले उनलाइ भण्याथ्यो, “मइले प्रतिज्ञा अर्या अनसार इसहाक बठेइ तेरो बंस बड्डया हो।”

हिब्रु 11:7

बिश्वास बठेइ नोआ नाउ भया मान्सले कभइ नधेक्या बाढीका बारेमि परमेश्वर बठेइ चेताउनी पाया पछा उनरो आज्ञापालन अरिबर आफ्नो परिवारलाइ बचाउनाइ एक ठुलो जहाज बनायो। रे नोआको बिश्वास भणना पइल्ली, और बिश्वास नअद्द्या मान्सन दोषि ठहरिया, रे बिश्वास बठेइ परमेश्वरले नोआलाइ धर्मि घोषणा अर्यो।

हिब्रु 1:14

स्वर्गदुतको उद्देश्य कि हो पइ? तिनन परमेश्वरका सेवक मान्तर हुन। परमेश्वरले तिननलाइ मुक्ति पाउन्या मान्सनको हेरचाह अददाइ निउति पठाउनाहान।

गलाती 5:24

रे जो मान्सन उद्दारकर्ता येशू ख्रीष्टका हुन तिननले उत्कट चाहाना रे इच्छासितको पापमय स्वभाबलाइ छाड्या छन, अथवा तिनरा पापमय स्वभाव क्रुसमि मार्या छन।

गलाती 3:28

ख्रीष्टमी यहुदि मान्सन अथवा गैर-यहुदि मान्सन, नौकर अथवा स्वत्रन्त्र मान्समि केइ फरक आथिन। तमन बैकान अथवा स्वानी भया लगइ केइ फरक आथिन। ख्रीष्ट येशूमि हाम सब बराबर छौ।

१ कोरिन्थी 15:23

तर हरेक क्रम अन्सार मर्या बठेइ जिउना हुन: पइल्ली ख्रीष्ट मर्या बठेइ जिउना भया, ख्रीष्ट फर्कि आया पछा, उनसित निजिकको सम्बन्ध भया मान्सन मर्या बठेइ जिउना हुन्या हुन।

मत्ती 3:9

“हाम अब्राहामका सन्तान हउ भणि आपसमी भण्न्या जन अर। क्याकि म तमनलाइ भण्नउ, परमेश्वरले यिन ढुङा बठेइ लगइ अब्राहामकिलाइ सन्तान जन्माउन सक्दाहान।”

गलाती 3:18

क्याकि मोशाको कानुन पालन अर्या हुनाले परमेश्वरले तिननलाइ आशिस दिया होइन, तर उनले करार अर्या हुनाले आशिस दिनाहान। तसेरि परमेश्वरले आफना अनुग्रहले अब्राहामलाइ आशिस दियो क्याकि परमेश्वरले अब्राहामलाइ यो प्रतिज्ञा अरिराइथ्यो।

गलाती 4:1

यो उदाहरण बठेइ म ब्याख्या अद्दया हु: एक धनि मान्सको चेला हुन्छ। जबसम्म उ ठुलो हुनइन, तब सम्म तइमि रे एक नौकरमी केइ फरक हुनइन, जबकि उ पछा पुरा सम्पतिको मालिक हुन्या हो।

गलाती 6:16

यिन आज्ञापालन अद्द्या सब मान्सन प्रति परमेश्वर दयालु होउन, रे तिनन सान्ति पाउन सकुन। तिनन परमेश्वर बठेइ छानिया इस्राएल देशका मान्सन हुन।