गलाती 3:24 - डोटेली नयाँ करार

²⁴ तबइकिलाइ ख्रीष्ट नआया सम्म हामलाइ डोर्याउनाइ रे हामरो हेरचाह अददाइ परमेश्वरले हामलाइ कानुन दियो। ताकि येशू ख्रीष्टमी बिश्वास बठेइ हाम परमेश्वरका अगाडी धर्मि बनाइन सकु।

गलाती 3:24 Referans Kwoze

रोमी 10:4

कानुनको उद्देश्य ख्रीष्ट आइबर आब पुरा भयो तबइकिलाइ ख्रीष्टमी बिश्वास अद्द्या सब धर्मि ठहरिया छन।

गलाती 2:16

हाम यहुदि बिश्वासिन जाण्नाउ कि मोशाको कानुन पालन अद्दया एक मान्स परमेश्वरका नजरमि धर्मि ठहरिनइन, तर येशू ख्रीष्टमी बिश्वास बठेइ धर्मि ठहरिन्छ। तबइकिलाइ हामले लगइ येशू ख्रीष्टमी बिश्वास अर्या, ताकि हाम मोशाको कानुन पालन अरिबर होइन तर ख्रीष्टमी बिश्वास अर्या हुनाले बिश्वास बठेइ धर्मि ठहरिन सकौ। क्याकि कोइलगइ कानुन पालन अरिबर परमेश्वरका नजरमि धर्मि ठहरिन सक्दइन।

कलस्सी 2:17

तिन सब कानुन परमेश्वरले हामलाइ प्रतिज्ञा अर्या आउन्या कुरणिका छाँया जसा मान्तर हुन, तर बास्तबिकता त ख्रीष्टमी हुन्छ।

गलाती 2:19

क्याकि म बुज्जउ कि मोशाको कानुन पालन अरिबर म धर्मि ठहरिन सक्दइन। तबइकिलाइ म सम्झनउ कि म कानुनकिलाइ मर्या छु ताकि म परमेश्वरका निउति जिउन सकु।

गलाती 3:25

तर आब हामले ख्रीष्टमी बिश्वास आर्याछौ। आब बठेइ कानुनले हामलाइ डोर्याउनाइ रे सहयोग अददु जरुरी आथिन।

१ कोरिन्थी 4:15

क्याकि ख्रीष्टमी मार्गदर्सन अद्दाइ तमरा हजार शिक्षक भया लगइ, म मान्तर तमरा बा जसोइ हु। क्याकि तमनलाइ सुसमाचार सुणाउन्या म पइलो मान्स हु, जइका लाग्दा तमनले येशू ख्रीष्टमी बिश्वास अर्या।

रोमी 9:30

हामले भणनुको अर्थ यो हो कि तिन गैर-यहुदि मान्सनले आफइलाइ परमेश्वरसित धर्मि बनाउन्या कोशिस अरेइन, तर तिनन आफ्नो बिश्वास बठेइ परमेश्वरसित धर्मि ठहरिया।