गलाती 3:15 - डोटेली नयाँ करार

¹⁵ बिश्वासि भाइन हो, म सामान्य जीवन बठेइ एक उदाहरण दिन्नाछु, जब दुइ जानाले केइ कुरणी करार अददाहान रे तइ पक्‍का अददाहान, तब कसइले तइलाइ रद्द अद्द सक्दइन, अथवा न त तइमि केइ थप्द सक्दाहान।

गलाती 3:15 Referans Kwoze

हिब्रु 9:17

क्याकि सम्पतिको मालिक बाँचन्ज्या सम्म तइ इच्छापत्रको केइ महत्व हुनइन। त्यो मान्स मर्या पछा मान्तर तइ इच्छापत्रको महत्व हुन्छ।

रोमी 6:19

म दिनदिनका जीवन बठेइ उदाहरण दिनउ जसेरि एक बेर तमनले आफ्ना शरीरका अंगलाइ अशुद्द्ता रे दुष्ट कामकीलाइ समर्पण अर्या, तसेरि आब आफ्ना शरीरका अंगलाइ पबित्र हुनाइ रे धार्मिक जीवन जिउनाइ समर्पण अर।

रोमी 3:5

तर हामरा दुष्ट कामले परमेश्वरको धार्मिकतालाइ प्रकासमि ल्याउछ भण्या, हाम कि भण्नाउ? कि परमेश्वर रिसाउनु रे हामलाइ दण्ड दिनु गलत हो? (म मान्सले जसेइ तर्क अद्दउ।)

१ कोरिन्थी 15:32

याँ एफिसस सहरमि, मेरा सतुर दुष्ट जंगली जनाबर जसाइ छन, जो मेरो हानि अद्दया इच्छा अददाहान। यदि मेरो इनाम यइ संसारमी मान्तर छ भण्या, क्याइ मइले अइल सम्म यो सहनु? यदि म अन्तका दिनमि मर्या बठेइ जिउनो हुनइन भणन्या कुरणी सत्य हो भण्या, मइले ब्या अर्या भया असल हुनेइथ्यो, जसो भणाइ छ, “हाम खाँउ रे पिउ, क्याकि भोल त हाम मरि जान्या हु।”

प्रेरित 1:15

तिन दिनमि भाइनका बिचइमि पत्रुस कलिया (यिन मान्सनको संख्या लगभग; एक सय बीस थ्यो), रे भण्यो,

रोमी 1:13

बिश्वासि भाइन हो, तमनलाइ यो था होउ भण्न्या म चाहानउ कि मइले गैर-यहुदि मान्सनका बिचमि काम अर्या जसेरि तमनलाइ आत्मिक रुपमि बड्डाइ सहयोग अददाइ म आउन चाहानथ्या। तर मलाइ अइल सम्म केइ कुरणीले रोकिराइछ।

गलाती 6:18

बिश्वासि भाइन हो, म प्रार्थना अद्दउ कि हामरा प्रभु येशू ख्रीष्टको अनुग्रह तमनसित होइरउ। आमेन।

हिब्रु 6:13

परमेश्वरले अब्राहामसित बाचा अरनज्या उनले आफ्नो कसम खायो, क्याकि उन भण्ना ठुला और कोइ आथिन, जइको नाउ लिबर उनले कसम खान सकनथ्या।

हिब्रु 6:16

कसम खानज्या मान्स आफ भण्ना ठुलाको नाउ लिन्छ। कसमले प्रमाणित अरन्छ कि तिननले जी भण्नाहान त्यो सत्य हो, रे यइले सब बहस समाप्त अरन्छ।