गलाती 3:12 - डोटेली नयाँ करार

¹² मोशाको कानुन पालन अददाइ परमेश्वरमि बिश्वास अददु जरुरी आथिन। जसेरि पबित्र सास्त्रमि लेखिया छ, “जइले कानुनमिका सब नियम पालन अरन्छ, तिनन तसइ बठेइ जिउन्या हुन।”

गलाती 3:12 Referans Kwoze

रोमी 4:14

यदि अब्राहाम रे उनरा बंसले कानुन पालन अर्या हुनाले यो करार दियाथ्यो भण्या त बिश्वास व्यर्थ रे प्रतिज्ञा बेकामको हुन्छ।

रोमी 4:16

तबइकिलाइ यो करार परमेश्वरमि भया बिश्वासको आधारमी छ, ताकि परमेश्वरको प्रतिज्ञा उनरो अनुग्रह बठेइ पक्‍का होउ। यो प्रतिज्ञा अब्राहामका बंस जइसित कानुन छ, तिननकिलाइ मान्तर होइन। तर यो त सब अब्राहामका बंशकिलाइ हो क्याकि उनले बिश्वास अर्या जसेइ तिननले लगइ बिश्वास अददाहान। अब्राहाम हाम सबका पुर्खा हुन।

रोमी 11:6

यो असल काम अर्या आधारमी होइन तर अनुग्रह बठेइ परमेश्वरले तिननलाइ छान्या हो। यदि यइ काम बठेइ हो भण्या अनुग्रह आब अनुग्रह रयइन।

मत्ती 19:17

पइ येशूले तइलाइ भण्यो, “तम मसित क्याइ असल भणन्छौ? एक जना अथवा परमेश्वर बाहेक और कोइ असल आथिन यदि तु जीवन पाउन चाहन्छइ भण्या आज्ञापालन अर।”

रोमी 7:10

त्यो आज्ञा जइले जीवन ल्याउन पडद्या थ्यो, तइले मलाइ परमेश्वर बठेइ अलग बनायो।