गलाती 3:1 - डोटेली नयाँ करार

¹ हे बहकाइया गलाती बासि हो, कसइले तमनलाइ धोका दिया हुनु पणन्छ। मइले तमनलाइ निक्केरि भण्या छु कि येशू ख्रीष्ट क्रुसमि मद्दया कारण कि थ्यो।

गलाती 3:1 Referans Kwoze

२ कोरिन्थी 11:3

तर जसेरि सैतान स्यापका रुपमि आफना चलाकिले पइल्ली आइमाइ हव्वालाइ छल्यो, तसेरि तमरा बिचारले छ्लल्या हो रे तमनले ख्रीष्टको आदरमि आफ्नो पुरा रे सुद्द भक्ति अद्द छाड्डया हौ भणबर मलाइ डर लाग्या छ।

प्रकाश 2:20

तर तमरा बिरोधमी मेरो यो गुनासो छ: तमन तइ आइमाइ इजेबेललाइ झुटा शिक्षा फैलाउन दिन्छौ। उन भणन्छिन उन एक अगमबक्ता हु, तर उनरो शिक्षाले उन मेरा मान्सनलाइ यौन पापमि भाग लिनाइ रे मुर्तिलाइ चडाइया खाना खानाइ लाउँछिन।

गलाती 1:6

म निरास छु कि उनरा मान्सन हुनाइ ख्रीष्टका अनुग्रह बठेइ तमनलाइ बोलाउन्या परमेश्वरलाइ इति छट्टाइ त्यागिबर तमन अर्खो शिक्षामि बिश्वास अद्द लागिरइछौ, जइलाइ मान्सनले सुसमाचार भण्ना हान।

१ पत्रुस 4:17

क्याकि परमेश्वरको आफ्नोइ परिबार बठेइ न्याय सुरु हुन्या समय आया छ। यदि परमेश्वरले पइल्ली हाम बिश्वास अद्द्याको न्याय अरेले उन बठेइ आया सुसमाचारलाइ नमाण्न्यालाइ कसो होलो तइ कुरणिका बारेमि सोच।

२ पत्रुस 2:18

तिननले तिन मान्सनलाइ लोपमि पाड्डाहान जो भर्खरइ बिश्वासि भया छन रे दुष्ट मान्सनले अद्द्या काम अद्द छाडया छन। तिननले तिनरो पापी मानब स्वभाबले अद्द चाया खराब काम अददाइ उत्साहित अरिबर तिननलाइ पापको लोपमि फसाउनाहान।

हिब्रु 11:8

बिश्वास बठेइ अब्राहाम भणन्या मान्सले परमेश्वरले बोलाया बेला आज्ञापालन अर्यो, जा भण्या ठाउँ तिर गया, जइ ठाउँ, परमेश्वरले उत्तराधिकारका रुपमि उनलाइ पछा दिन्या थ्या, काँ जान्ना छु भणन्या था नपायइ उन आफ्नो देस छाडिबर हिट्या।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

गलाती 4:9

तर आब तमरो परमेश्वरसित सम्बन्ध छ, अथवा मइले भणनु पणन्छ कि उनले हामलाइ उनरा सन्तानका रुपमि स्वीकार अर्याछ। आजी क्याकि तमन कमजोर रे बेकामका शिक्षाका अधिनमि हुनाइ फर्कन्छौ? कि तमन आजी तिन कुरणिका अधिनमी हुन चाहन्छौ?

गलाती 3:3

कि तमन इति सम्म बहकाइयाछौ कि तमनले पबित्र आत्मा बठेइ ख्रीष्टसित नयाँ जीवन सुरु अर्या रे आब तमन आफ्नो सक्ति बठेइ जीवन बिताउन चाहान्छौ?

१ पत्रुस 1:22

क्याकि तमन सत्य पालन अरिबर सुद्द भयाछौ, आब तमनले निष्कपट रुपले आफ्ना संगि बिश्वासि भाइनलाइ प्रेम अददु पणन्छ, रे एकले अर्खालाइ पुरा हृदयले भौत प्रेम अददु पणन्छ।

हिब्रु 5:9

उन पुरा सिद्द बनाइया पछा उनरो आज्ञापालन अद्द्या मान्सनकि निउति उन अनन्त मुक्तिको मुल भया।

एफिसी 5:15

तबइकिलाइ बिसेस अरिबर आफ्नो स्वभाबका बारेमि साबधान होउ, मुर्ख जसा होइन तर बुद्दिमान मान्सन जसा भइबर जीवन बिता।

१ तिमोथी 6:4

त्यो भौत घमण्डि हुन्छ रे तइले केइ बुज्जइन। तसो मान्सले बिना कामका मुद्दा रे सब्दमि बिबाद रे झगडा अद्द खोज्जन्छ। यिन कुरणीले डाहा, कलह, निन्दा रे खराब संका ल्याउछ,

गलाती 2:14

तर जब मइले सुसमाचारको सत्य शिक्षालाइ पालन नअर्या धेक्या तब मइले सब मान्सनका अगाडी केफासलाइ भण्या, “तम यहुदि मान्स होइबर लगइ गैर-यहुदि मान्सनका चालचलन अनसार चलन्छौ रे यहुदि मान्सनको चालचलन अनसार चल्लानु। यदि तम यहुदि मान्स होइबर तसो अरन्छौ भण्या, आजी क्याकि गैर-यहुदि मान्सनलाइ तमन यहुदि मान्सनको चालचलन अनसार चल्लाइ दबाब दिन्छौ?”

१ कोरिन्थी 11:26

क्याकि जब तमन यो रोटो खान्छौ रे येइ कटौरा बठेइ अंगुरको रस पिन्छौ, उन नआउन्ज्या सम्म तमन प्रभुको मृत्युको घोषणा अरन्छौ।

१ कोरिन्थी 2:2

क्याकि तमनसित हुनज्या येशू ख्रीष्ट रे उन क्रुसमि मर्या कुरणी बाहेक और केइ नजाण्न्न्या मइले पक्का अर्या।

रोमी 6:17

पइल्ली तमन पापका नौकर थ्या, तर आब तमनलाइ सिकाया शिक्षा तमन माणन्या भयाछौ। म यइकि निउति परमेश्वरलाइ धन्यबाद दिनउ।

रोमी 2:8

तर स्वार्थि, सत्यलाइ नमाणन्या, रे दुष्ट काम अद्द खोज्ज्यामि परमेश्वरले क्रोध रे रिस धेकाउन्या हुन।

प्रेरित 6:7

यिसेरी परमेश्वरको बचन बड्डोइ गयो, रे शिष्याको संख्या यरुशलेम सहरमि बड्यो। यहुदि पुजारिनले लगइ येशू ख्रीष्टमी बिश्वास अरिबर यो सन्देसलाइ स्वीकार अर्यो।

२ थेसलोनिकि 1:8

परमेश्वरलाइ नपछेण्न्यालाइ रे हामरा प्रभु येशूको बारेमि सुसमाचार स्वीकार नअद्यालाइ उनले दण्ड दिन्या हुन।

एफिसी 3:8

म सब परमेश्वरका जन भण्ना कम महत्वपूर्ण छु, तर परमेश्वरले गैर-यहुदिलाइ सुसमाचार प्रचार अददाइ मलाइ अनुग्रह दिया छ। ख्रीष्ट बठेइ हामले पाउन्या आशिस हामले कल्पना अर्या अथवा सोच्या भण्ना बड्ता हुन्छ।

२ कोरिन्थी 10:5

परमेश्वरका ज्ञानका बिरोधमी आउन्या बहस रे हरेक अहंकार बठेइ आउन्या हरेक बाधालाइ हाम नास अद्दाउ, रे हरेक बिचारलाइ ख्रीष्टको आज्ञापालन अद्दाइलाइ बसमि पाड्डाउ।

रोमी 10:16

तर तिनन सबले सुसमाचार ग्रहण अर्या आथिन, क्याकि यशैया अग्म्बक्ताले भण्नाहान, “हे परमप्रभु, हामरो सन्देश कइले बिश्वास अरेन।

लूका 24:25

येशूले तिन दुइ शिष्यालाइ भण्यो, “ए मुर्ख मान्सन हो! पबित्र सास्त्रमि अगमबक्ताले लेख्या सब कुरणी बिश्वास अद्दाइ तमनलाइ भौत असजि लागन्छ।

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

मत्ती 7:26

तर जइले मेरा यिन बचन सुणिबर लगइ पालन अद्दैन, तइको तुलना म एक मुर्ख मान्ससित अद्दउ, जइले आफ्नो घर बालङामि बनायो।

प्रेरित 16:6

पबित्र आत्मा बठेइ एसिया प्रदेसमि बचन प्रचार अद्द जन जा भण्या हुनाले पावल, सिलास रे तिमोथी फ्रिगिया जिल्ला रे गलातिया प्रदेस होइबर गया।

गलाती 1:2

म यो चिठ्ठी मसित हुन्या सब भाइनसित गलातिया प्रदेशमि भया मण्डलिलाइ लेख्दाछु।

गलाती 5:11

भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।