गलाती 2:9 - डोटेली नयाँ करार

⁹ याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

गलाती 2:9 Referans Kwoze

रोमी 12:3

मलाइ अर्या अनुग्रह बठेइ तमनमि हइ हरेकलाइ म अनुरोध अद्दउ, तमन जसा छौ तइ भण्ना बड्ता आफइलाइ जनसमझउ। तर परमेश्वरले तमनलाइ दिया बिश्वासको परिमाण अनसार सन्तुलित बिचारले सोचउ।

प्रकाश 3:12

जइ मान्सनले दुष्ट सक्तिलाइ परास्त अरन्छ, तिनन परमेश्वरका तिन मन्दिरका खामा जसाइ हुन्या हुन जइको म सेवा अद्दउ रे तिननले यइलाइ कभइ छाड्या आथिन। म ताँ उनरा सरीरमि मेरा परमेश्वरको नाउ म लेख्दया हु। रे परमेश्वरको सहरको नाम, जइलाइ नयाँ यरुशलेम भणिन्छ। यो त्यो सहर हो, जो मेरो परमेश्वर बठेइ स्वर्ग बठेइ तलतिर आउन्छ। म ताँ उनरो सरीरमि मेरो नयाँ नाउँ लगइ लेख्दया हु।

गलाती 2:2

म ताँ गया क्याकि परमेश्वरले मलाइ जा भण्याथ्यो। रे जब म ताँ थ्या मइले मण्डलिका अगुवासित एकान्तमी भेट्या, रे गैर-यहुदिलाइ प्रचार अर्या सुसमाचार ब्याख्या अर्या, ताकि मइले पइल्ली अर्या काम अथवा रे जो काम म लगातार अद्द्या हु त्यो व्यर्थ जन होउ।

रोमी 1:5

येशू ख्रीष्टका लाग्दा परमेश्वरका अनुग्रहले मइले येशू ख्रीष्टको छान्या शिष्याको काम पाया। ताकि सब जातिका मान्सनले ख्रीष्टमी बिश्वास अरुन रे उनरो आज्ञापालन अरुन। यइले उनरा नाउलाइ आदर मिलल्या हो।

१ यूहन्ना 1:3

तबइकिलाइ तइ मान्स जइलाइ हामले धेक्याछौ रे सुण्याछौ उन तिनइ हुन जइका बारेमि हाम तमनलाइ भण्नाउ, ताकि हामसित तमरो संगति होस। क्याकि हामरो संगति पिता परमेश्वर रे उनरा पुत्र येशू ख्रीष्टसित छ।

एफिसी 3:8

म सब परमेश्वरका जन भण्ना कम महत्वपूर्ण छु, तर परमेश्वरले गैर-यहुदिलाइ सुसमाचार प्रचार अददाइ मलाइ अनुग्रह दिया छ। ख्रीष्ट बठेइ हामले पाउन्या आशिस हामले कल्पना अर्या अथवा सोच्या भण्ना बड्ता हुन्छ।

१ तिमोथी 3:15

यदि म आउनाइ ब्यालो भयो भण्या तमनलाइ था हुनु पणन्छ, कि परमेश्वरको परिबारका सदस्य भइबर कसेरी हामले आफ्नो जीवन बिताउनु पणन्छ जो जिबित परमेश्वरको मण्डलि हो। यिन बिश्वासीनले सत्य शिक्षालाइ सहयोग दिनाहान रे स्थिर राख्दाहान जसेरि घरका जग रे खामाले घरलाइ आड दिन्छ रे बलियो बनाउन्छ।

कलस्सी 1:29

तबइकिलाइ म कठोर मेहेनत अद्दउ ख्रीष्टले सक्तिशाली रुपमि ममि काम अद्दा छन, रे म उनले दिन्या सक्ति उनरा काम अददाइ प्रयोग अद्दउ।

एफिसी 2:20

तमन घर जसाइ, रे छान्या शिष्य रे अगमबक्ता जग जसाइ हुन, रे यइका कुन्या ढुङ्गो येशू ख्रीष्ट आफइ हुन।

२ कोरिन्थी 8:4

तिननले यरुशलेम सहरमि भया पबित्र जनका सहायताका निउति भाग लिन्या मौका पाउँ भणबर हामलाइ आग्रहपुर्वक बिन्ति अर्यो।

१ कोरिन्थी 15:10

तर परमेश्वरका अनुग्रहले म येशू ख्रीष्टको छान्या शिष्य छु, रे ममि भया उनरो अनुग्रहले ठुलो परिणाम लेया छ। तर मइले त और येशू ख्रीष्टको छान्या शिष्यले भण्ना बडता मिहिनत अर्या। पइलगइ मइले होइन, तर परमेश्वरका अनुग्रहले मलाइ उनरो काम अददाइ सक्षम बनायो।

रोमी 15:15

तर मइले केइ कुरणिका बारेमि तमनलाइ प्रस्ट रुपमि लेख्या छु। म तमनले त्यो याद अर्या चाहानउ। मइले यो अर्या क्याकि परमेश्वरले मलाइ यो बिसेस अनुग्रह दिया छ:

प्रेरित 15:13

जब तिननले बोलिसक्या पछा याकुबले भण्यो, “भाइन हो, मेरा कुरणी सुण,

प्रेरित 15:7

भौत वाद-बिबाद भया पछा पत्रुसले कल्लिबर तिननलाइ भण्यो, “भाइन हो, तमनलाइ थाइछ, सुरुका दिनमि कसेरी परमेश्वरले म बठेइ गैर-यहुदि मान्सनले सुसमाचारको बचन सुणुन रे बिश्वास अरुन भणि तमरा बिच बठेइ मलाइ छान्यो।

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),

मत्ती 16:18

म तुलाइ भण्नउ, कि तु पत्रुस हइ। म मेरो मण्डलि यइ पखानमि बसाल्लउ, रे नरकका दार तइमि जित्या होइन।

लूका 22:8

उनले पत्रुस रे यूहन्नालाइ यिसो भणबर पठायो, “गइबर हामरा निउति निस्तार काजबारको खानाइ तयार अर।”

यूहन्नाले लेख्या सुसमाचार 1:42

अन्द्रियासले सिमोन पत्रुसलाइ येशूका वाँ लेया। येशूले उइलाइ हेर्यो रे भण्यो, “तु योआनेसको चेलो सिमोन हइ, हेर तेरो नाउ केफास हुन्या हो (जइको अर्थ पखान हो)।”

प्रेरित 12:17

तर पत्रुसले “चुप लाग” भणि हातले इसारा अर्यो, रे प्रभुले तिनलाइ कसेरी झेल बठेइ बाइर निकाल्यो त्यो तिननलाइ भणिदियो। रे “यो रैबार याकुब रे और बिश्वासि भाइनलाइ भण” भणबर तिन ताँ बठेइ अर्खाइ ठाउँमि गया।

२ कोरिन्थी 11:5

यदि तिनन आफइलाइ सब येशू ख्रीष्टका छान्या शिष्य भण्ना महान भया जसो ब्यबहार अददाहान रे काम अददाहान भण्या म लगइ आफलाइ तिनन जसोइ असल सोच्चउ।

२ कोरिन्थी 12:11

म मुर्ख भया छु। तर तमनले मलाइ इसो अद्द कर लाया, क्याकि तमन बठेइ त मेरो प्रसंसा हुनु पड्डयाथ्यो। क्याकि म केइ नभया लगइ छान्या शिष्या भण्ना म तुच्छ आथिन।

गलाती 1:18

तब तीन बर्ष पछा केफाससित भेट्टाइ म यरुशलेम सहर गया, रे उनसित पन्नर दिन सम्म बस्या।

गलाती 2:1

चौद बर्ष पछा बारनाबाससित तीतसलाइ संङगइ लइजाइबर म आजी यरुशलेम सहर गया।

गलाती 6:3

यदि कसइले सोचन्छ कि उ ठुलो हु तर उ साच्ची ठुलो हुनइन भण्या तइले आफइलाइ धोका दिन्छ।