गलाती 2:18 - डोटेली नयाँ करार

¹⁸ तर मइले कानुन पालन अरिबर परमेश्वरसित धर्मि ठहरिन सक्दाहान भणन्या कुरणी स्वीकार अर्या भण्या म साच्ची पाप अद्दउ।

गलाती 2:18 Referans Kwoze

रोमी 14:15

यदि तुइले जी खान्छइ तइ चिजले तेरा बिश्वासि भाइलाइ चोट पाणन्छ भण्या, तु प्रेममि चल्या हुनइनि। तबइकिलाइ हाम होशियार बसु ताकि खान्या चिजले हाम आफ्ना बिश्वासि भाइका बिश्वासलाइ नास जनअरु, क्याकि ख्रीष्ट उइकीलाइ मर्या हुन।

गलाती 5:11

भाइन हो, यदि मइले मान्सनको खतना हुनु पणन्छ भणबर प्रचार अर्या भयाले मइले दुःख भोग्दु पड्डया थेइन, यदि मइले क्रुसका बारेमि प्रचार अददुका सट्टामी खतनाका बारेमि प्रचार अर्या भयले, ताँ यहुदि मान्सनलाइ मइले अपमान अद्द्या थेइन।

गलाती 2:21

परमेश्वरले आफ्नो अनुग्रह बठेइ हामलाइ धर्मिका रुपमि स्वीकार अर्यो। म कभइ लगइ त्यो कुरणी छाडया आथिन, क्याकि यदि मान्सनले कानुन पालन अरिबर धर्मि हुन्या भया ख्रीष्ट मद्दु पड्डया थेइन।

रोमी 2:25

म यो भणनउ, तुइले कानुन पालना अरेले मान्तर तेरो खतना भया मुल्य हुन्छ। तर यदि तुइले कानुन पालना अरेइनि भण्या, तु खतना भया यहुदि मान्सन भया लगइ खतना नभया गैर-यहुदि मान्स जसोइ हइ।

रोमी 3:5

तर हामरा दुष्ट कामले परमेश्वरको धार्मिकतालाइ प्रकासमि ल्याउछ भण्या, हाम कि भण्नाउ? कि परमेश्वर रिसाउनु रे हामलाइ दण्ड दिनु गलत हो? (म मान्सले जसेइ तर्क अद्दउ।)