गलाती 1:17 - डोटेली नयाँ करार

¹⁷ रे जो म भण्ना अगाडी येशू ख्रीष्टका छान्या शिष्या थ्या, तिननलाइ भेट्टाइलाइ म यरुशलेम सहरमि गएन। तर म उतन्जेइ अरब देशमि गया, रे पछा दमस्कस सहरमि फर्किबर आया।

गलाती 1:17 Referans Kwoze

गलाती 1:18

तब तीन बर्ष पछा केफाससित भेट्टाइ म यरुशलेम सहर गया, रे उनसित पन्नर दिन सम्म बस्या।

प्रेरित 9:2

रे दमस्कस सहरका यहुदि सभाघरका शासकनलाइ मेरो परिचय दिनाइ चिठ्ठी लेखिदिय भणि बिन्ति अर्यो। रे येशूका पछा लाग्द्या दुएइ बैकान रे स्वानिनलाइ खोजीबर यरुशलेम सहरमि बादिबर ल्याउन पाउ भणबर अधिकार माग्यो।

प्रेरित 9:8

तब शाउल जमिन बठेइ उठ्यो रे आँखा खोलइय्याँ केइलगइ धेकेइन, रे तिनरा साथिनले तिनरो हात समाइबर तिनलाइ दमस्कस सहरमि लेया।

प्रेरित 9:10

दमस्कस सहरमि हननिया नाउँ भया एक जाना प्रभु येशू ख्रीष्टका छान्या शिष्य थ्या। रे तिनलाइ प्रभु येशूले दर्सनमि भण्यो, “ए हननिया।” तिनले भण्यो, “प्रभु, हाजिर छु।”

प्रेरित 9:19

पइ खानाइ खाइबर शाउलले तागत पायो। शाउलले दमस्कस सहरमि प्रचार अर्यो, रे शाउल केइ दिन सम्म दमसकस सहरमि भया येशू ख्रीष्टका शिष्यासित रया।