एफिसी 5:4 - डोटेली नयाँ करार

⁴ केइ अश्‍लील कुरणी अथवा मुर्ख कुरणी, रे ननिकि ठट्टा जन अर, यो तमनलाइ उचित हुनइन, बरु तमनले परमेश्वरलाइ धन्यबाद चाडाउनु पणन्छ।

एफिसी 5:4 Referans Kwoze

कलस्सी 3:8

तर आब तमनले लगइ यिन सब कुरणी रिस, क्रोध, डाह, निन्दा, औरका बारेमि ननिका कुरणी अद्द तमनले छाड्डु पणन्छ।

एफिसी 4:29

तमनका मुख बठेइ खराब कुरणी जन निकलउ, बरु मान्सनकि निउति काम लाग्देइ कुरणी भण, जइले तिननलाइ बिश्वासमि बलियो हुनाइ सहयोग अरन्छ। तब तमन जी लगइ भणन्छौ सुणन्या मान्सनकि निउति असल होउ।

१ थेसलोनिकि 5:18

सब परिस्थितिमि धन्यबाद दिय, क्याकि ख्रीष्ट येशूमि तमनकीलाइ परमेश्वरको इच्छा यइ हो।

२ पत्रुस 2:18

तिननले तिन मान्सनलाइ लोपमि पाड्डाहान जो भर्खरइ बिश्वासि भया छन रे दुष्ट मान्सनले अद्द्या काम अद्द छाडया छन। तिननले तिनरो पापी मानब स्वभाबले अद्द चाया खराब काम अददाइ उत्साहित अरिबर तिननलाइ पापको लोपमि फसाउनाहान।

हिब्रु 13:15

तबइकिलाइ आस हाम परमेश्वरलाइ येशू बठेइ लगातार हामरा परमेश्वरको नाउको महिमाको घोषणा अददाइ प्रसंसाको बलिदान चढाऔ। यो उनमी भया हामरो बिश्वास स्वीकार अद्दाइ हामरा मुख बठेइ आउन्या प्रसंसा हो।

फिलिप्पी 4:6

केइ कुरणीमि लगइ चिन्ता जन अर, तर तम हरेक परिस्थितिमि प्रार्थना रे निबेदनले धन्यवादसित तमरा बिन्ति परमेश्वरलाइ चढा।

यहूदा 1:10

तर परमेश्वरको आराधना नअद्द्या मान्सनले नबुज्या कुरणीलाइ निन्दा अरिबर ननिका सब्द भण्नाहान, रे जब तिननले जंगली जनावरका जसो ब्यबहार अददाहान रे नसोचिबर तिननले जाण्या कुरणी अद्दाहान, तब परमेश्वर तिननलाइ दण्ड दिन्या हुन।

२ कोरिन्थी 9:15

अति अचम्मको बचन परमेश्वरलाइ उनरा चेलोका निउति धन्यबाद होउ।

मर्कुस 7:22

लोभ, दुष्टता, छल कपट, कामुकता, कुद्रीष्टि, निन्दा, घमण्ड, मुर्खता बाइर निकलन्छ।

यहूदा 1:13

जसेरि समुद्रका बलिया छालले फोहोर फिज ल्याउछ, यिन मान्सनले लाज नभया काम अददाहान। जसेरि केइ तारा बिना दिसाका हुनाहान रे तिननमि भर पड्ड सकिनइन, तसेरि तमनले यिन मान्सनका पछा लाग्दु हुनइन। तबइकिलाइ सदाइकि निउति अन्धकारमि परमेश्वरले तिननकी निउति एक ठाउँ राख्या छ, जाँ केइलगइ उज्यालो हुनइन।

२ कोरिन्थी 1:11

तमनले लगइ मिलिबर प्रार्थना बठेइ हामलाइ सहायता अददाछौ। इसेरि प्रार्थना अरन्ज्या हामरि निउति चडाया भौत प्रार्थनाको उत्तरमी हामलाइ प्राप्त भया आशिसका निउति भौतले हामरा निउति धन्यबाद चढाउन्या हुन।

रोमी 1:28

रे तिननले परमेश्वरको पुरा ज्ञानलाइ स्वीकार अद्द उचित माणइन, क्याकि परमेश्वरले लगइ तिननलाइ त्यो सब अनुचित काम अददाइलाइ तिनरा कुबिचारमी छाडिदियो।

२ पत्रुस 2:7

तर सदोमलाइ नास अददाहइ अगाडी उनले लोतलाइ जोगायो, जो एक परमेश्वरका नजरमि ठीक मान्स थ्या, लोतले सहर छाडिबर गया रे परमेश्वरले उइलाइ बचायो। लोत भौत चिन्तामी थ्या क्याकि सदोम सहरका मान्सनले नियम पालन अरेइन रे लाज लाग्द्या काम अर्यो।

फिलेमोन 1:8

म तमले कि अद्दु पड्डया हो तइ अद्दाइ आज्ञा दिनउ। म ख्रीष्टले दियाको अधिकारलाइ प्रयोग अरिबर यो अद्द्या आज्ञा दिन सकलो, तर म इसो अद्दइन। बरु, म तमलाइ सामान्य हिसाबले यो अर भण्न्ना छु क्याकि हाम एक-अर्खालाइ रे परमेश्वरका मान्सनलाइ प्रेम अद्दाउ। म पावल बुढो मान्सको रुपमि आब भण्न्ना छु, रे मलाइ कसइ मान्सले झेलमि हाल्या छ क्याकि म येशू ख्रीष्टको सेवा अद्दउ।

१ थेसलोनिकि 3:9

सब आनन्द जो तमरा खातिर परमेश्वरमि हाम अनुभव अद्दाउ तइको निउति रे तमन किलाइ हामले परमेश्वरलाइ जति धन्यबाद दिया लगइ थोकाइ हुन्छ।

एफिसी 1:16

म सदाइ तमरि निउति परमेश्वरलाइ धन्यबाद दिनउ, रे आफ्ना प्रार्थनामि तमनलाइ सदाइ याद अद्दउ।

यूहन्नाले लेख्या सुसमाचार 6:23

पइलगइ जाँ येशूले धन्यबाद दिबर रोटा ख्वायाथ्यो तसइ ठाउका नजिक तिवेरिया सहर बठेइ और ना ताँ आया।