एफिसी 5:18 - डोटेली नयाँ करार

¹⁸ दारु खाइबर जन मात्तिय, क्याकि यइले मान्सनलाइ असभ्य रे अनियन्त्रित तरिकाले ब्यबहार अद्द्या बनाउन्छ, बरु तमनलाइ पबित्र आत्माले नियंत्रण अद्द दिय।

एफिसी 5:18 Referans Kwoze

रोमी 13:13

हाम अन्धकारमि होइन तर ज्योतिमि बस्सया मान्सन जसेइ उचित ब्यबहार अरौ। मोजमजामि, दारु खानामि, व्यभिचारमि, भ्रष्टाचारमि, झगडामि रे रिसमि होइन।

लूका 1:15

क्याकि त्यो परमेश्वरको सामने माहान हुन्या हो। तुइले कभइ दारु रे केइ लगइ नासा लाग्द्या चिज जन पियइ, रे उनरो जन्म हुनाहइ पइल्ली उनले पबित्र आत्मा बठेइ सक्ति पाउन्या हुन।

१ कोरिन्थी 5:11

तर इसा मान्सनको संगत जन अर्या भणबर मइले तमनलाइ लेख्या, जइले आफइलाइ बिश्वासि हु भणि भणन्छ, तर साच्ची जो व्यभिचारि, अथवा लोपारि, अथवा मुर्तिपुजक, अथवा निन्दा अद्द्या, अथवा दराहा, अथवा ठग हो। तसा मान्ससित त खानाइ लगइ बसउ जन।

प्रेरित 11:24

बारनाबास चाइ पबित्र आत्मा रे बिश्वासले भरिया मान्स थ्या। रे उनले अद्दा भौत मान्स प्रभु येशूमि बिश्वास अर्यो।

१ थेसलोनिकि 5:7

क्याकि सिन्या रातमि सिनाहान रे दारु खाइबर मात्तिन्या रातइ मात्तिनाहान रे तिननलाइ कि हुन्या हो केइ था हुनइन।

लूका 12:45

तर तइ दासले आफना मनमि “मेरा मालिक आउनाइ ढिला अद्द्या हुन” भणबर नौकर रे नौकरनिलाइ चुट्ट लाग्यो, रे त्यो खान, पिन रे मातिन लाग्यो भण्या,

लूका 11:13

तमन दुष्ट होइबर लगइ आफना चेला चेलीलाइ निको चिज दिन जाणन्छौ भण्या, तमनका स्वर्गीय पिताले उनसित माग्द्यालाइ कति बड्ता अरिबर पबित्र आत्मा दिनाहान।”

१ कोरिन्थी 6:10

चोर, लोपारि, दराहा, निन्दा अद्द्या, ठग हुनाहान तिनन परमेश्वरका राज्यका हकदार हुन्या हइन।

तितस 1:6

अगुवाकी एक मान्तर स्वानी हुनु पणन्छ, उ दोस रहित हुनु पणन्छ, तइका चेलाचेली बिश्वासि हुनु पणन्छ रे तिनन चरित्रहिन रे अनाज्ञाकारी हुनु पड्डइन।

लूका 21:34

तर तमन आफना बिसयमि होस अर्या, नत्र भण्या भोग-बिलास, मतवालीपन रे जीवनको फिक्रिले तमरो मन दबेलो, रे तमनमि अचानक पासो जसोइ आइ पड्डे हो।

१ कोरिन्थी 11:21

क्याकि कसइले मलाइ भण्यो कि तमनमि हइ कसइले हतारमि आफले लेया खानाइ औरसित आफइ खान्छौ। तबइकिलाइ कोइ भोकाइ जानाहान रे कोइ दारुले मात्तिया हुनाहान।

मत्ती 23:25

“तमन भयानक समस्यामि छौ! तम मोशाको कानुन सिकाउन्यावाला, फरिसि मान्सनको समुह हो कपटि!, तमन उन कटौरा जसाइ छौ जो बाइर साप छ तर भितर मैलिया छ। तम आफलाइ और मान्सनका अगाडी धर्मि जसा धेकिन्या बनाउछौ तर तमरा हृदयमि भितर लोभ रे स्वार्थले भरिया हुन्छौ।

मत्ती 24:49

आफसित काम अद्दया नौकरलाइ चुट्ट रे दराहा सित खान रे पिन लाग्यो भण्या,

यूहन्नाले लेख्या सुसमाचार 2:10

“हरेक मान्सले पइल्ली असल अंगुरको रस खानाइ दिन्छ पइ मान्सले निक्केरि खाया पछा कमसल अंगुरको रस राखिदिनाहान। तुइले त असल अंगुरको रस अइल सम्म राखिराख्या रइछइ।”