एफिसी 5:14 - डोटेली नयाँ करार

¹⁴ तबइकिलाइ मान्सन इसो भण्नाहान, “हे निनमि पण्या बिउज, रे मर्या बठेइ जिउना होउ, रे ख्रीष्टले तमनलाइ ज्योति दिन्या हुन।”

एफिसी 5:14 Referans Kwoze

१ थेसलोनिकि 5:6

तबइकिलाइ हाम प्रभु आउन्या दिनकिलाइ केइ था नपाउन्या मान्सनकि जसेरि सिनु पडइन रे बिना तयारि बस्सु पड्डइन। तर सतर्क रे आत्म नियन्त्रित हुनु पणन्छ।

२ कोरिन्थी 4:6

तबइकिलाइ परमेश्वरले भण्यो, “अनारा बठेइ उजालो चम्कउ।” रे उनइ परमेश्वरले हामरा हृदयमि ज्योति जसोइ हामलाइ ज्ञान दियो, ताकि हामले परमेश्वरको महिमा येशू ख्रीष्टमी प्रकट भया धेक्दसकु।

कलस्सी 3:1

जब परमेश्वरले ख्रीष्टलाइ मर्या बठेइ जिउना बनायो तब तमन लगइ पापमय स्वभावमि मर्या बठेइ जिउना भयाछौ। परमेश्वरले स्वर्गमि तमनकीलाइ राख्या चिजकिलाइ इच्छा अर जाँ ख्रीष्ट परमेश्वरका छेउमि सम्मानको ठाउँमि बस्या छन।

रोमी 6:13

आफना शरीरका अंगलाइ ननिका कामकीलाइ प्रयोग हुन जन दिय। तर आफइलाइ मर्या बठेइ जिउना भया सोचिबर आफ्नो जीवन परमेश्वरलाइ दिय, रे आफ्नो शरीरका अंगलाइ ठीक कुरणीकी निउति प्रयोग अर, रे पुरा रुपमि आफ्नो जीवन परमेश्वरलाइ दिय।

यूहन्नाले लेख्या सुसमाचार 9:5

म यइ संसारमी रन्ज्या म संसारको ज्योति हु।”

यूहन्नाले लेख्या सुसमाचार 8:12

येशूले आजी मान्सनलाइ इसो भण्यो, “म तेइ ज्योति हु जइले संसारलाइ ज्योति दिन्छ जइले मेरा कुरणी माणन्छ उ अन्धकारमि हिट्टया आथिन तर तिननले त्यो ज्योति पाउन्या हुन जइले अनन्त जीवन दिन्छ।”

एफिसी 2:5

हामरा ननिका काम रे पापका लाग्दा हाम मर्या मान्सन जसा थ्या, तर हामरो ख्रीष्ट सितको सम्बन्धका लाग्दा उनले हामलाइ अनन्त जीवन पाउन्या योग्य बनायो। परमेश्वरको अनुग्रह बठेइ तमनले उद्दार पाइराइछौ।

१ कोरिन्थी 15:34

जी ठीक छ तइका बारेमि ध्यानसित बिचार अर, आब बठेइ पाप जन अर। क्याकि तमनमि हइ कति जानाको परमेश्वरसित असल सम्बन्ध आथिन। तमनलाइ लाजमि पाड्डाइ मइले यो भण्या हु।

२ तिमोथी 1:10

तर आब हामरा मुक्तिदाता, येशू ख्रीष्ट, आया छन रे आफ्नो अनुग्रह धेकाया छन। उनले मृत्युको सक्तिलाइ नास अर्याछ, रे सुसमाचार बठेइ धेकाया छन कि अनन्त जीवनकी निउति एक बाटो छ।

२ तिमोथी 2:26

ताकि तिनन होसमि आउन रे सैतानको सक्ति बठेइ उम्कन सकुन, जइले तिननलाइ पासामी पारिबर आफले भण्या अद्द्या बनाया छ।

प्रेरित 13:47

प्रभुले हामलाइ यिसो आज्ञा दिइराइछ, ‘धर्तिका बल्लापल्ला किनारमी जा, रे तिननलाइ भण कि परमेश्वरले तिननलाइ कसेरी बचाउन चाहानाहान, मइले तमनलाइ गैर-यहुदि मान्सनको बिचइनि ज्योति दिनाइ नियुक्त अरिराइछ।’”

लूका 1:78

हामरा परमेश्वरको कोमल कृपाका लाग्दा यो हुन्या हो, जसेरि सुर्यले हामलाइ उज्यालो दिनाइ चमकिन्छ, तसेरि ख्रीष्ट लगइ स्वर्ग बठेइ हामरा वाँ आउन्याहुन।

लूका 15:24

क्याकि मइले सोच्या यो मेरो चेलो मर्या थ्यो, तर अइल उ जिउनो छ, हराइरइथ्यो, तर आब मिल्या छ।’ तब तिनन आनन्द मनाउन पस्या।”

एफिसी 2:1

पइल्ली तमनसित परमेश्वर बठेइ केइ नयाँ जीवन थेइन, आफ्ना ननिका काम रे पापका लाग्दा तमन मर्या मान्सन जसा थ्या।