एफिसी 2:2 - डोटेली नयाँ करार

² तइ बेला तमनले परमेश्वरलाइ नचिन्या यइ संसारका मान्सन जसेइ जीवन बिताउनथ्या, रे तमनले यइ संसारको मुख्य सासक सैतानको आज्ञापालन अर्या, जइले अइल लगइ परमेश्वरका आज्ञा नमाणन्या मान्सनका हृदयमि काम अददाछ।

एफिसी 2:2 Referans Kwoze

एफिसी 6:12

क्याकि हामरो लडाइ मान्सनका बिरोधमी होइन, बरु सासकका बिरोधमी, अधिकारीका बिरोधमी, यइ अन्धकार संसारका सक्तिका बिरोधमी रे सब किसिमका दुष्ट सक्तिसित हो, जो अदृष्य संसारमी छन।

१ यूहन्ना 5:19

हाम जाण्नाउ कि हाम परमेश्वरका हौ, रे सारा संसार तइ सैतानका अधिनमी छ।

एफिसी 2:3

हाम सब लगइ हामरा पापी स्वभाबका इच्छा अनसार तिनरि जसेइ जीवन बिताया। रे हामरो ननिको इच्छा रे सोचका लाग्दा चाया जसो हामले अर्या, रे सब मान्सनकि जसेइ स्वभावइले हाम दुष्ट रे परमेश्वरको दण्डका अधिनमी थ्या।

यूहन्नाले लेख्या सुसमाचार 12:31

यो परमेश्वरले संसारको मान्सनको न्याय अद्द्या बेला हो। आब यो बेला हो जब मइले यइ संसारमी राज्य अद्द्या सैतानको सक्तिलाइ नास अद्द्या हु।

एफिसी 5:6

यिन मान्सन बठेइ मुर्ख जन बन जो यिन पाप अद्दाइ बाहाना बनाउन्या कोशिस अददाहान, क्याकि यिन कुरणिका लाग्दा परमेश्वरको क्रोध आज्ञा नमान्या मान्सनमि पणन्छ।

यूहन्नाले लेख्या सुसमाचार 8:44

तमन आफना बा सैतान बठेइका हउ, तब आफनाइ बाका कुइच्छा पुरा अद्द चाहन्छौ। त्यो त सुरु बठेइ हत्यारा थ्यो रे सत्यमी रएन क्याकि तइमि सत्य आथिन, जब त्यो झुट बोलन्छ तब आफनोइ बानि ब्यबहार बठेइ बोलन्छ क्याकि त्यो झुट हो रे झुटको बा हो।

एफिसी 4:22

तमरा शिक्षकले तमनलाइ तसो ब्यबहार अद्द्या तरिका रे तमरो पुरानो पापी स्वभाव छाड्डु पणन्छ भणबर सिकायो। तमरा ननिका इच्छाले तमनलाइ धोका दियो रे तमरो जिवनलाइ बर्बाद अर्यो।

१ कोरिन्थी 6:11

पइल्ली तमनमि हइ कोइ यिसाइ थ्या, तर तमरा पाप धोइया रे पबित्र अरिया प्रभु येशू ख्रीष्टका नाउँमि रे हामरा परमेश्वरका आत्मा बठेइ धर्मि ठहरिया।

२ कोरिन्थी 4:4

रे यइ संसारका देब सैतानले तिनन अबिश्वासीका बुद्दीलाइ अन्धा बनाइ दिया छ। ताकि तिननले ख्रीष्टको महिमाको बारेमि सुसमाचार बठेइ आया ज्योति धेक्द जन सकुन, जइले परमेश्वर कसा छन भणीबर धेकाउन्छ।

१ यूहन्ना 5:4

क्याकि परमेश्वरको हरेक बालकले यइ संसारका ननिका कामलाइ हाराउन्छ रे हामले यो जित, बिश्वास बठेइ पाउनाउ।

१ यूहन्ना 3:10

इसइ बठेइ परमेश्वरका सन्तान रे सैतानका सन्तान था हुन्छ। जइले परमेश्वरका नजरमि ठीक काम अद्दाहान, रे जो और बिश्वासिनलाइ प्रेम अद्दाहान तिनन परमेश्वरका सन्तान हुन।

१ पत्रुस 1:14

आफ्ना बाको आज्ञापालन अद्द्या निका बच्चाइकि जसेरि परमेश्वरको आज्ञापालन अर। तमनले परमेश्वरको सत्यता नजाण्या बेला इच्छा भया ननिका काम जन अर जो तमन पइल्ली अद्द्या अरन्थ्या।

प्रकाश 20:2

तिनले तइ अजिङ्गर, त्यो पइलिको पुरानो स्याप, जो सैतान हो, तइलाइ पोकड्यो, पइ एक हजार वर्षका निउति बादिबर राख्यो।

१ यूहन्ना 4:4

तमन जो मेरा प्यारा बालक जसाइ छौ, तमन चाइ परमेश्वरका मान्सन हौ, रे झुटा अगमबक्तामी बिजय भयाछौ। क्याकि जो पबित्र आत्माको सक्ति तमनमि छ, त्यो सैतानको सक्ति भण्ना महान छ, जइले यइ संसारका मान्सनमि सासन अद्दाहन।

१ पत्रुस 4:3

बितेका दिनमि तमनले अबिश्वासिनलाइ अद्द मन पड्डया काम अरिबर भौत समय बर्बाद अर्या। तमरो जीवन अनैतिकता, अभिलाषा, भोज, मद्यपान, मोजमज्जामि, रे मुर्ति पुजामी बित्यो, जइलाइ परमेश्वरले घृणा अददाहान।

कलस्सी 1:21

बितेका समयमि दुष्ट काम अरिबर, तमन परमेश्वर बठेइ टाडा भया रे आफना मनमि बिरोधी भयाथ्या।

गलाती 1:4

हामरा परमेश्वर रे पिताको इच्छा अन्सार येशू ख्रीष्ट हामरा पापकिलाइ मर्या ताकि हाम यइ बर्तमान संसारका मान्सनको प्रभाव बठेइ छुटकारा पाउन सकु।

रोमी 12:2

यइ संसारका मान्सन जसा जन हो, तर परमेश्वरले तमनलाइ तमरो सोच्च्या तरिका बदलिबर तमनलाइ नयाँ मान्समि बदल्ल दिय। तब तमनले परमेश्वरको असल, ग्रहणयोग्य रे सिद्द इच्छा कि हो, त्यो बुज्जया हौ।

याकुब 4:4

बिश्वासघाती मान्सन हो, यइ संसारको चिजसितको मित्रता परमेश्वरसितको शत्रुता हो भण्न्या कुरणी कि तमन जाण्नानु? तबइकिलाइ जो संसारको मित्तुर हुन चाहन्छ, उइले आफइलाइ परमेश्वरको सत्तुर बनाउछ।

१ कोरिन्थी 5:10

तइको अर्थ, यइ संसारका व्यभिचारि, लोपारि, अथवा ठग, अथवा मुर्तिपुजक सित बिलकुल संगत जन अर्या भण्या होइन, नतित तमन संसार बठेइ निकलिबर जानु पड्डयाथ्यो।

प्रेरित 5:3

तर पत्रुसले भण्यो, “ए हननिया, पबित्र आत्मासित झुटि बोल्या रे जमिन बेच्या रुप्या बठेइ केइ हिस्सा आफसित राख्द्या कुरणी सैतानले कसेरी तेरा मनमि हाल्दियो?

यूहन्नाले लेख्या सुसमाचार 15:19

तमन येइ संसारका मान्सन भया भयले संसारका मान्सनले तमनलाइ प्रेम अद्देइथ्यो। तमन येइ संसारका होइनौ। मइले तमनलाइ येइ संसार बठेइ चुन्या, तबइकिलाइ संसारका मान्सनले तमनलाइ घृणा अरन्छ।

यूहन्नाले लेख्या सुसमाचार 14:30

तमनसित कुरणी अद्दाइ मसित भौत समय आथिन, क्याकि यइ सन्सारको सासक सैतान आउनाछ रे तइले मलाइ केइ अद्द सक्दैन।

२ पत्रुस 2:14

तिनन आफले हेर्द्देइ हरेक स्वानी सित व्यभिचार अद्द चाहानाहान। तिनन पाप अद्दाइ मौका खोज्ज कभइ छाड्डाइन। तिननले तिन मान्सनलाइ धोका दिनाहान जइले ख्रीष्टलाइ पुरा रुपमि बिश्वास अद्दाइन रे तिनन लगइ पापमि लाउनाहान। तिनरो भौत चिजको बढ्दो इच्छाका लाग्दा, परमेश्वरले तिननलाइ सजाय दिन्या हुन।

यूहन्नाले लेख्या सुसमाचार 16:11

रे उनले न्यायका बारेमि धेकाइ दिनाहान, क्याकि यइ संसारका सासक सैतानलाइ दण्ड आज्ञा भइ सक्या छ।

यूहन्नाले लेख्या सुसमाचार 13:27

पइ यहूदा इस्करियोतले रोटाका बुजा खान्जेइ सैतान तइमि पस्यो। तब येशूले तइलाइ भण्यो, “तु जी अद्दया हइ, छट्टाइ अरिहाल।”

यूहन्नाले लेख्या सुसमाचार 13:2

येशू रे येशूका शिष्या बसाइतक खाना खान्नाथ्या। सैतानले पइल्ली बठेइ येशूलाइ धोका दिनाइलाइ सिमोनको चेलो यहूदा इस्करियोतका मनमि येशूलाइ पकडाइ दिन्या मन हालि सक्या रैछ।

यूहन्नाले लेख्या सुसमाचार 8:23

पइ येशूले तिननलाइ भण्यो, “तमन इसइ संसारमी जनम्या हउ तर म स्वर्ग बठेइ आया हु। तमन यइ संसारका हौ। म यइ संसारको होइन।

यूहन्नाले लेख्या सुसमाचार 7:7

संसारले तमनलाइ घृणा अद्द सक्दैन, तर मलाइ त घृणा अद्दाहन, क्याकि संसारका बारेमि तइका काम दुष्ट छन भणि म गवाही दिनउ।”

मत्ती 13:38

खेत संसारका मान्सन हुन। असल बि भण्याको राज्यका मान्सन हुन, रे साँउ भण्याको सैतानका मान्सन हुन।

प्रकाश 13:8

रे यइ धर्तीमि बास अद्द्या सब मान्सनले उनलाइ आराधना अर्यो। उनरो आराधना नअद्द्या केवल तिनन मान्सन थ्या जइका नाउ यइ संसारको सृष्टि हुनाहइ पइल्ली तइ किताबमी लेखिया आथिन, जइमि अनन्त जीवन पाया मान्सनको नाउ लेखिया छ। त्यो किताब थुमाको किताब हो जइलाइ बलिदानका रुपमि मारिया थ्यो।

१ यूहन्ना 3:8

जइले लगातार पाप अरन्छ त्यो सैतान बठेइ हो। क्याकि सैतान त सुरु बठेइ नइ पाप अद्दोइ आइरइछ। सैतानका काम नष्ट पाड्डाइलाइ नइ परमेश्वरका चेलो आया हुन।

याकुब 1:7

तसा मान्सले यो जन सोचउ कि प्रभु बठेइ केइ पाउन्या हो।

२ तिमोथी 4:10

क्याकि डेमासले यइ संसारमी भया चीजलाइ प्रेम अरन्छ रे मलाइ त्यागिबर उ थेसलोनिके सहरमि गया छ, भाइ क्रेसेन्स गलातिया प्रदेशमि गया छ, रे तीतस दलमातिया प्रदेशमि गया छ।

प्रेरित 19:35

सहरका हाकिमले मान्सनलाइ सान्त अर्या पछा भण्यो, “हे एफिसस बासि हो, सब मान्सन जाण्नाहान कि एफिसस सहरका मान्सनले महान देबी आर्तेमिसको मन्दिरको हेरचाह अद्दा छन, रे उनरो मुर्ति अग्गास बठेइ झण्याथ्यो।

लूका 22:31

“सिमोन, सिमोन, होशियार हो, सैतानले परमेश्वर बठेइ तमन सबको परिक्षा अद्दया अनुमति मागिराइछ, निकोलाइ ननिको बठेइ अलग अद्दाइलाइ, जसेरि खेतालाले गउँलाइ भुस बठेइ अलग अरन्छ।

लूका 16:8

आब तइको मालिकले तइ बेइमान ब्यवस्थापकको बडवाँइ अर्यो, क्याकि तइले चलाकीसित काम अरिराइथ्यो। इसेरि यइ संसारका मान्सन आफनाइ पुस्ताका और मान्ससित ब्यबहार अरन्ज्या ज्योतिका सन्तान भण्ना आजी बड्ता चलाक हुनाहान।

मत्ती 11:19

तर म, मान्सको चेलो खानोइ रे पिनोइ आयो, रे तिनन भण्नाहान, ‘हेद्दा, घिचुवा, पिउन्यावालो, कर उठाउन्या रे पापीको साथी!’ तर मान्सका कामले साबित अरन्छ कि उ बुद्दिमान छ।”

प्रकाश 16:17

सताँउ स्वर्गदुतले आफ्नो कटौरामि भया कुरणी खणेयो, रे मन्दिरमि कोइ थ्यो जो सिंहासन बठेइ बोल्यो, “सब चिज सकियो।”

प्रकाश 13:14

पइला राक्षसको सक्ति बठेइ अचम्मका कामका लाग्दा भौत मान्सनले दोसरा राक्षस बठेइ धोका पायो रे प्रभाबित भया। दोसरा राक्षसले मान्सनलाइ तरबारले घाइते भया तर निको भया पइलो जनावरको आराधना अददाइ मुर्ति बनाउनाइ भण्यो।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

मत्ती 13:22

जो बि काणाका बिचमि पण्या बोट तिनन जसो हो, जइले बचन सुणन्छ जीवनको आवश्यकताको फिक्री अरन्छ। तिनन संसारको फिक्री रे धन सम्पतिका लोपले अद्दा मुर्ख बन्नाहान। तबइकिलाइ तिननले परमेश्वरको बचनलाइ बिस्दाहान रे परमेश्वरको इच्छा अनसार जीवन जिउनाइन।

मर्कुस 4:19

तबइकिलाइ तिननले परमेश्वरको बचनलाइ बिसदाहान रे परमेश्वरको इच्छा अनुसार जीवन जिउनाइन। रे और चिजको चाहाना तिनरो जीवनमी आउछ रे परमेश्वरको बचनमी बाधा ल्याउछ। रे तिनन बिना फलको जीवन जिउनाहान।

एफिसी 1:21

ख्रीष्ट सब सासक, रे अधिकार, रे सक्ति रे राज्यमि, रे येइ युगका मान्तर होइन, तर आउन्या युगका लगइ जति सासक छन, तिन सबमि उन उच्च हुन्या हुन।

एफिसी 2:11

तबइकिलाइ याद अर कि तमन जन्मइ बठेइ गैर-यहुदि मान्सन हौ, रे यहुदि मान्सनले तमरो खिल्लि उडायो, क्याकि तमन खतना अददानु तर तिननले खतना अददाहान। तर तिनरो यो चलन तिनरा सरीरमि मान्तर अर्या हुन्छ।

एफिसी 2:13

एक समय थ्यो जब तमन परमेश्वर बठेइ टाडा थ्या, तर आब ख्रीष्ट येशूले बगाया रगत बठेइ तमन परमेश्वरका नजिक भयाछौ।

एफिसी 4:17

तबइकिलाइ प्रभुले मलाइ दिया अधिकारसित म तमनलाइ यो भण्नउ कि अबिश्वासी मान्सन जसेरि तिनरा ब्यर्थका बिचारमी उद्देश्यहिन जीवन जन बिता।

एफिसी 5:8

क्याकि तमन अन्धकारमि बस्या मान्सन जसा थ्या, तर आब तमन ज्योतिका मान्सन हौ, क्याकि तमन प्रभुका हौ। तबइकिलाइ ज्योतिका मान्सन जसेइ काम अर।

याकुब 1:27

पिता परमेश्वरका सामने सुद्द रे पबित्र धर्म यइ हो: टुहुरा रे बिधवालाइ उनरा कष्टमी हेरचाह अद्दु, आफलाइ संसारको खराब ब्यबहार बठेइ प्रभाव पड्ड नदिनुहो।