कलस्सी 4:7 - डोटेली नयाँ करार

⁷ तुखिकसले मेरा बिसयमि सब कुरणी तमनलाइ भण्न्या छन। उ मेरो प्यारो बिश्वासि भाइ, बिश्वासयोग्य सेवक रे प्रभुमि मेरो सहकर्मी हो।

कलस्सी 4:7 Referans Kwoze

२ तिमोथी 4:12

तर तुखिकसलाइ मइले एफिसस सहरमि पठाया छु।

प्रेरित 20:4

तब बेरिया सहरमि बस्सया पुरसको चेलो सोपात्रोस, थेसलोनिके सहर बठेइ अरिस्तार्खस रे सिकन्दस, डर्बि सहरका गायस, लुस्त्रा सहर बठेइ तिमोथी रे एसिया प्रदेशका तुखिकस रे त्रोफिमस तिनसित गया।

तितस 3:12

जब म अर्तिमास अथवा तुखिकसलाइ तेरा वाँ क्रेट टापुमि पठाउन्या हु, तब तु निकोपोलिस सहरमि मेरा वाँ आउनाइ पुरा कोशिस अरेइ। क्याकि मइले हिउनका महिना निकोपोलिस सहरमि बस्या निर्णय अर्या छु।

कलस्सी 4:9

तिननसित ओनेसिमस आउन्ना छन, तिन तमरा सहर बठेइ आया हुन, रे तिन हामरा बिश्वासि रे प्रिय भाइ हुन। याँ को सब हालखबर तिननले तमनलाइ भण्न्या हुन।

कलस्सी 4:12

तमरा सहर बठेइ आया येशू ख्रीष्टका दास इपाफ्रासले लगइ अबिबादन पठाया छन। तिन सदाइ तमनकीलाइ लगनशिल भइबर प्रार्थना अददाहान, ताकि परमेश्वरले तमनलाइ बलिया रे सिद्द बनाउन सकुन, रे तमन परमेश्वरको पुरा इच्छा पालन अद्दाछौ भणबर पक्‍का हुन सक।

फिलिप्पी 2:25

मइले इपाफ्रोडिटसलाइ तमरा वाँ पठाउनु जरुरी माण्या। उन मेरा भाइ, सहकर्मी रे मसित सुसमाचारको रक्षा अद्द्या योद्दा रे तमनले छान्या शिष्य रे मेरा खाचोमी सेवा अद्दाया मान्स हुन।

कलस्सी 1:7

जो कुरणी तमनले हामरा प्यारो सहकर्मी इपाफ्रास बठेइ सिक्या। तिन हामरा पक्षका ख्रीष्टका एक बिश्वासयोग्य सेवक हुन।