कलस्सी 3:15 - डोटेली नयाँ करार

¹⁵ ख्रीष्टले दिन्या सान्तिले तमरा हृदयमि राज्य अरउ, क्याकि तमन सब एकइ शरीरका अंग हौ, तबइकिलाइ परमेश्वरले तमनलाइ एक-अर्खासित सान्तिमि बसाइलाइ बोलाया छन। रे यइकि निउति तमन धन्यबादी होउ।

कलस्सी 3:15 Referans Kwoze

यूहन्नाले लेख्या सुसमाचार 14:27

म तमनलाइ सान्ति दिनउ अर्थात तेइ सान्ति जो मसित छ, यो त्यो सान्ति होइन जो संसारले दिन्छ। तमरो मन ब्याकुल जनहउ रे भयभित जन हौ।

रोमी 15:13

म प्रार्थना अद्दउ कि आसा दिन्या परमेश्वरलाइ तमनले बिश्वास अर्या हुनाले तमनलाइ पुरा आनन्द रे सान्ति भरि दिउन, ताकि पबित्र आत्माको सक्तिले तमरो आसा बड्डइ जाउ।

१ थेसलोनिकि 5:18

सब परिस्थितिमि धन्यबाद दिय, क्याकि ख्रीष्ट येशूमि तमनकीलाइ परमेश्वरको इच्छा यइ हो।

रोमी 5:1

तबइकिलाइ हाम बिश्वास बठेइ धर्मि ठहरिरइछु, रे प्रभु येशू ख्रीष्टले हामरा निउति अर्याको काम बठेइ परमेश्वरसित हामरो मिलाप होइरइछ।

कलस्सी 3:17

जब तमन बोलन्छौ, अथवा जी-जी काम अरन्छौ, सब कुरणी प्रभु येशूका नाउँमि अद्द्या अर रे परमेश्वर पितालाइ येशू ख्रीष्ट बठेइ धन्यबाद चढा।

यूहन्नाले लेख्या सुसमाचार 16:33

मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”

एफिसी 5:20

रे हामरा प्रभु येशू ख्रीष्टले अर्या सब कामकीलाइ हामरा पिता परमेश्वरलाइ सदाइ धन्यबाद दिय।

२ कोरिन्थी 9:11

तमन सब तरिका बठेइ आशिषित हुन्या हौ, रे तमन सदाइ उदारताले दिनाइ सक्षम छौ। रे जब हाम तमरो उदारताले दिया उपहार आवश्यकतामि पण्यालाइ दिनाउ, तिनन मान्सन परमेश्वरलाइ धन्यबाद चढाउन्या हुन।

एफिसी 4:4

हाम सब बिश्वासि एकइ शरीरका अंग जसाइ हौ, रे हाम सबले एकइ पबित्र आत्मा पायाछौ, जसेरि तमनलाइ एकइ आसा दियाथ्यो, जब तमन परमेश्वरका मान्सन हुनाइ बोलाया थ्या।

रोमी 14:17

क्याकि परमेश्वरको राज्यमि खान्या रे पिउन्या कुरणी महत्वपूर्ण होइन। महत्वपूर्ण कुरणी परमेश्वरसित धर्मि, सान्ति रे पबित्र आत्मामी आनन्दित भइबर जिउनु हो।

१ तिमोथी 2:1

सब कुरणी भण्ना महत्वपूर्ण म बिन्ति अद्दउ कि सब मान्सनका निउति परमेश्वरलाइ नम्र-निबेदन, प्रार्थना रे मध्यस्थ बिन्ति रे धन्यबाद दिय।

कलस्सी 2:7

तमरो ख्रीष्टमी भया बिश्वास रुख जसोइ हुनु पणन्छ, जइका जडा भौत गइला जानाहान अथवा घर जसोइ हुनु पणन्छ, जइको जग पखानमि बनायाको छ। बिश्वासमि बलिया होउ जसेरि तमलाइ सिकाया छ रे सदाइ धन्यबादी होउ।

एफिसी 5:1

तमन परमेश्वरका प्यारा सन्तान हौ, तबइकिलाइ तमरो ब्यबहार उनरो स्वभाव जसोइ होउ।

२ कोरिन्थी 4:15

क्याकि यिन सब तमरा फाइदाकी निउति भया हुन, ताकि जसेरि परमेश्वरको अनुग्रह भौत भण्ना भौत मान्समि फैलिनोइ जान्छ तसेरि परमेश्वरका महिमाका निउति भौत मान्सनले उनलाइ धन्यबाद चडाउन।

प्रकाश 7:12

“आमेन! हाम तमरो प्रसंसा अददाउ, धन्यबाद दिनाउ रे तमरो सम्मान अददाउ हामरा परमेश्वर सदासर्वदाकि निउति हाम स्वीकार अददाउ कि तम पूरारुपमी ज्ञानि छौ, सक्तिशाली छौ जइले सब चिज सदाइकि निउति अद्द सकन्छौ। आमेन!”

एफिसी 4:16

हाम सब ख्रीष्टमी बिश्वास अद्दया उनरा शरीरका अंग जसाइ हु, जसेरि एक मान्सका शरीरका अंग उइका सब जोर्नी बठेइ जोडिया हुनाहान, रे जब शरीरका जम्माइ अंग ठीकसित काम अददाहान, तब शरीर बडन्छ रे बलियो हुन्छ, तसेरि जब ख्रीष्टले हाम हरेकलाइ दिया काम अददाउ, हाम बलिया रे परिपक्व हुनाउ रे एक अर्खालाइ भौत प्रेम अददाउ।

कलस्सी 1:12

पिता परमेश्वरलाइ धन्यबाद चढा, जइले तमनलाइ उनारा उत्तराधिकारी हुनाइलाइ योग्य बनायो रे जो उनले आफ्ना मान्सनकिलाइ स्वर्गमि तयार अर्याछ।

हिब्रु 13:15

तबइकिलाइ आस हाम परमेश्वरलाइ येशू बठेइ लगातार हामरा परमेश्वरको नाउको महिमाको घोषणा अददाइ प्रसंसाको बलिदान चढाऔ। यो उनमी भया हामरो बिश्वास स्वीकार अद्दाइ हामरा मुख बठेइ आउन्या प्रसंसा हो।

१ कोरिन्थी 7:15

तर ख्रीष्टमी बिश्वास नअद्दया छुट्टिन्छ भण्या छुट्टियोस। यदि ख्रीष्टमी बिश्वास नअद्द्याले सम्बन्ध बिच्छेद अद्द चाहान्छ भण्या, बिश्वासीले त्यो ख्रीष्टमी बिश्वास नअद्द्या सित ब्याको बन्धनमि रनु जरुरी आथिन। क्याकि परमेश्वरले हामलाइ सान्तिमि बस्साइ बोलाया हो।

रोमी 1:21

क्याकि परमेश्वरलाइ पछेणिबर लगइ तिननले परमेश्वरलाइ दिनु पड्ड्या आदर दिएइन्न, न त धन्यबाद चडायो, तर तिनन आफना बिचारमी बेकाम छन, रे तिनरा मुर्ख बिचार सब गलत छन।

१ कोरिन्थी 10:17

क्याकि रोटो एकइ हुन्छ, जो ख्रीष्ट हुन। हाम भौत भया लगइ, हाम एकइ शरीर हुनाउ, क्याकि हाम तइ एकइ रोटा बठेइ खानाउ।

१ तिमोथी 6:12

युद्दमि असल सिपाइकि जसेरि जइले कभइ लडाइ लड्ड छाड्डइन, तुइले, लगइ, परमेश्वरमि बिश्वास अद्दु रे आज्ञापालन अद्दु कभइ छाड्डु पड्डइन। रे अनन्त जिवनलाइ समाइ राख, जइकिलाइ तु बोलाइया हइ। भौत मान्सनका अगाडी तुइले साहससित भण्या थी कि तुइले ख्रीष्टमी बिश्वास अरन्छइ।