प्रेरित 9:39 - डोटेली नयाँ करार

³⁹ तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।

डोटेलि

³⁹ तबइ पत्‍रुस उठिबर तिनुनसित गया। पत्‍रुस योप्‍पामि पुग्‍यापाछा तिनुनले पत्‍रुसलाइ मल्‍ला तलाको कोठामि लइया। बिधुवान सप्‍पइ तिनरा नजिक कलिबर रुन लागिन्‌, रे डोरकास तिनुनसित हुन्‍ज्‍या तनले बनाइराख्‍या लत्‍ता रे अउर लत्‍तानलइ धेकायो।

प्रेरित 9:39 Referans Kwoze

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

एफिसी 4:28

चोरी अद्द्याले आब जन चोरउ। बरु उइले आफना हातले इमान्दारिसित काम अरउ, ताकि उइसित गरिब मान्सनलाइ दिनाइ केइ हुन सकउ।

१ यूहन्ना 3:18

तमन जो मेरा प्यारा बालक जसाइ छौ, हाम खाली सब्दले मान्त्तर जन भणु कि एक-अर्खालाइ प्रेम अददाउ, तर हामले खाचोमी भयालाइ साच्ची सहयोग अददु पणन्छ, जसेरि परमेश्वरले हामलाइ साच्ची प्रेम अददाहान।

१ थेसलोनिकि 4:13

बिश्वासि भाइन हो, जो पइल्ली मरिसक्या छन तिन बिश्वासिनलाइ कि हुन्या हो तइ बिसयमि हाम तमनले जाण्याको चाहानाउ अददाउ, रे तमनले आसा नहुन्या मान्सनकि जसेरि सोक अद्दु पड्डइन।

२ कोरिन्थी 8:12

क्याकि यदि तमन और मान्सनलाइ दान दिन चाहन्छौ भण्या तमनसित भया अनसारको दानइ ग्रहणयोग्य हुन्छ, नभया ए अनसार होइन।

प्रेरित 20:35

मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।

प्रेरित 9:41

पत्रुसले तइलाइ आफना हातले समाइबर जुडुक्क उठायो, पइ प्रभु येशूका मान्सन रे बिधवानलाइ बोलाइबर तइलाइ मर्या बठेइ जिउनी बनाया धेकायो।

प्रेरित 8:2

कोइ भक्त बैकान जो परमेश्वरको आदर अरन्थ्या, उनले स्तिफनसलाइ लैजाइबर चिहानमि गाण्यो, रे तिनरि निउति ठुलो बिलउना अर्यो।

प्रेरित 6:1

तिन दिनमि प्रभु येशू ख्रीष्टका छान्या शिष्याको संख्या बड्डोइ जान्नाथ्यो, तब हिब्रु भासा बोल्या मान्सनका बिरुद्दमि ग्रीक भासा बोल्या यहुदि बिश्वासीनले गनगन अर्यो, क्याकि दिन दिनइ खानाइ रे रुप्या बाणन्ज्या तिनरि बिधवा स्वानीनको वास्ता भएइन भण्न्या ग्रीक भासा बोल्या यहुदि बिश्वासीनको भणाइथ्यो।

यूहन्नाले लेख्या सुसमाचार 17:12

जबसम्म म तिननसित थ्या, तमले मलाइ दिया तमरा नाउँमि तिननलाइ सुरक्षित राख्या रे तिनरो रक्षा अर्या। पइ तिननमि हइ जो मान्स हराया थ्यो। तइ बाहिक और कोइ नष्ट भएइन, ताकि पबित्र सास्त्रमि लेखिया कुरणी पुरा हौ।

यूहन्नाले लेख्या सुसमाचार 12:8

क्याकि गरिब सदाइ तमनसित हुनाहान, तर म त सदाइ तमनसित हुनइन।”

लूका 24:44

उनले तिननलाइ भण्यो, “तमनसित हुन्ज्या मइले बोल्या बचन यिनइ हुन, मोशाको कानुन, अगमबक्ता रे भजनका किताबमी मेरा बारेमि लेखिया सब कुरणी सत्य हुनुइ पणन्छ।”

मर्कुस 14:8

जी यो स्वानी अद्द सकन्थी, तइले सबहइ निको काम अरिराइछ। तइले मेरा सरीरमि तेल घस्साइ रे म मद्दा हइ पइल्ली मलाइ गाड्या तयारि अरि।

मत्ती 26:11

क्याकि गरिब तमनसित सदाइ हुनाहान। तर म तमनसित सदाइ हुनइन।

मत्ती 17:17

तब येशूले भण्यो, “हे बिश्वासहिन मान्सन! म कब सम्म तमसित रउलो? रे म कब सम्म तमरो बिश्वास किलाइ रोकुँ? तइ केटालाइ मेरा वाँ ल्यास।”

प्रेरित 1:13

यरुशलेम सहरमि पुग्या पछा तिनन आफ बस्या घरको मल्लो तल्लाका एक कोठामी उकल्या। तिनन पत्रुस, यूहन्ना, याकुब, अन्द्रियास, फिलिप, रे थोमा, बारथोलोमाइ रे मत्ती, अल्फयसको चेलो याकुब रे उग्रपन्थी दलको सिमोन रे याकुबको चेलो यहूदा थ्या।

१ तिमोथी 5:3

तिन बिधवालाइ आदर धेका जइसित तिनरो खाचो पुरा अद्द्या रे हेरचाह अद्द्या कोइ आथिन।

१ तिमोथी 5:5

तिन बिधवा जइसित तिनरो खाचो पुरा अद्द्या रे हेरचाह अद्द्या कोइ आथिन, तिनले परमेश्वरइमी आसा राखन्छिन, रे रातदिन नम्र निबेदन रे प्रार्थनामि परमेश्वरसित सहायता मागेइकि हुन्छिन।