प्रेरित 9:27 - डोटेली नयाँ करार

²⁷ तर बारनाबासले तिनलाइ आफसित छान्या शिष्याका वाँ लैया। पइ शाउलले प्रभु येशूलाइ बाटाइनि धेक्या रे प्रभु तिनसित बोल्या रे तिनले दमस्कस सहरमि साहससित येशूका बारेमि बचन प्रचार अरेइ कुरणी तिननलाइ भणिदियो।

डोटेलि

²⁷ तर बारनाबासले तनलाइ सङइ लेइयबर प्रेरितनका वाँ गया। रे साउलले प्रभुलाइ बाटामि धेक्‍या रे प्रभु तनसित बोल्‍या कुरा तनले दमस्‍कसमि साहाससित इसुका नाउँमि प्रचार अर्‍या कुरा तिनुनलाइ बताइदियो।

प्रेरित 9:27 Referans Kwoze

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),

प्रेरित 4:29

आब हे प्रभु, तिनरा धम्कि सुण, रे तमरा दासलाइ पुरा साहससित तमरो सन्देश बोल्ल दिय,

प्रेरित 4:13

जब तिननले पत्रुस रे यूहन्ना साहससित बोल्या धेक्यो, रे यिन अनपड रे साधारण मान्स रइछन भणबर था पायो, तब तिनन अचम्म पड्या, रे यिन येशूसितइ रन्थ्या भण्न्या तिननले था पायो।

गलाती 2:13

रे केइ एन्टिओखिया सहरका यहुदि बिश्वासीनले लगइ तसोइ कपटि काम अर्यो, याँ सम्मकि बारनाबासले लगइ तिनराइ जसो कपटि ब्यबहार अर्यो।

गलाती 2:9

याकुब, केफास रे यूहन्ना, जो मान्सन मण्डलिका अगुवान थ्या, तिननले ममि भया अनुग्रह जाण्या पछा तिननले धेकायो कि तिनन म रे बारनाबाससित सहमत थ्या। तिनन सहमत भया कि हामले गैर-यहुदि मान्सनलाइ रे तिननले यहुदि मान्सनलाइ सुसमाचार प्रचार अददु पणन्छ।

१ कोरिन्थी 15:8

जमनु पड्डया समय भण्ना पइल्ली जन्मिया बच्चाकि जसेरि छाड्डीबार आसा नअर्या बेला म अचानक प्रभु येशू ख्रीष्टको छान्या शिष्य भया।

१ कोरिन्थी 9:6

प्रभु येशूका और छान्या शिष्या आर्थिक सहयोग पाया जसेरि, बारनाबास रे मलाइ लगइ यो पाउन्या अधिकार छ, रे आफ्नो जीवन चलाउनाइ काम अददु जरुरी आथिन।

प्रेरित 15:2

तब तिनन मान्सनसित पावल रे बारनाबासको बड्ताइ मतभेद रे वाद-बिबाद भया पछा, ताँका बिश्वासि मान्सनले पावल, बारनाबास रे और कति जाना मान्सनलाइ यइ प्रस्नको फैसलाकि निउति येशू ख्रीष्टका छान्या शिष्या रे मण्डलिका अगुवानका वाँ यरुशलेम सहर जानाइ निउति नियुक्त अर्यो।

प्रेरित 13:2

तिननले प्रभुको आराधना अद्दारया रे उपवास बस्या बेला पबित्र आत्माले भण्यो, “मेरा निउति बारनाबास रे शाउललाइ तइ कामकी निउति छुट्या, मेरा सेवाकि निउति मइले तिननलाइ बोलाइराइछु।”

प्रेरित 12:25

जब यहुदिया देशमि यहुदि बिश्वासीनको सहयोग अद्दाइ रुप्या दिया पछा बारनाबास रे शाउल आफना काम पुरा अरिबर यरुशलेम सहर बठेइ एन्टिओखिया सहरमि फर्क्या। तिननसित मर्कुस भणिन्या यूहन्ना लगइ थ्या।

प्रेरित 11:25

तब बारनाबास एन्टिओखिया सहर छाडबर शाउललाइ खोज्जाइ बारनाबास टार्सस सहरमि गया।

प्रेरित 11:22

यो रैबार यरुशलेम सहरमि भया मण्डलिका मान्सनका वाँ पुग्यो, रे तिननले बारनाबासलाइ एन्टिओखिया सहरमि पठायो।

प्रेरित 9:17

तब हननिया शाउल बस्या घरमि गया, रे तिनमि आफना हात राखिबर भण्यो, “भाइ शाउल, जो प्रभु येशू तु आउन्नार्या बाटामि तेरा वाँ धेका पड़िरइथ्या, तुइले दृष्टि पाउ रे तु पबित्र आत्माले भरिपूर्ण होइजा भणि उनले मलाइ पठाया हो।”

प्रेरित 9:29

रे साहससित प्रभु येशूका बारेमि प्रचार अद्द पस्या, शाउलले ग्रीक भासा बोल्या यहुदि अगुवानसित वाद-बिबाद अर्यो, तर तिननले शाउललाइ माद्दाइ खोज्यो।