प्रेरित 9:26 - डोटेली नयाँ करार

²⁶ शाउल यरुशलेम सहरमि आया पछा येशूका शिष्यासित भेट्टाइ कोशिस अर्यो। तर येशूका शिष्या शाउलसित डराया। क्याकि उन साच्ची येशूका शिष्य हुन भणि तिननले बिश्वास अद्द सकेइन।

डोटेलि

²⁶ साउल यरुसलेममि आयापाछा सिस्‍यानसित मिल्‍न खोज्‍यो। तर तिनुनलाइ साउल इसुका सिस्‍य हुन्‌ भन्‍न्‍या पत्‍यार नभयाहुनाले सप्‍पइ तनसित डराया।

प्रेरित 9:26 Referans Kwoze

प्रेरित 26:20

तर पइल्ली दमस्कस सहरमि, पइ यरुशलेम सहरमि रे सारा यहुदिया प्रदेस भरि रन्यालाइ, रे गैर-यहुदि मान्सनलाइ लगइ पाप अद्द छाडिबर परमेश्वरतिर फर्क रे आफना पाप अद्द छाडिबर तमन परमेश्वरतिर फर्किया छौ भणि धेकाउन्या काम अर भणि मइले प्रचार अर्या।

प्रेरित 9:19

पइ खानाइ खाइबर शाउलले तागत पायो। शाउलले दमस्कस सहरमि प्रचार अर्यो, रे शाउल केइ दिन सम्म दमसकस सहरमि भया येशू ख्रीष्टका शिष्यासित रया।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

प्रेरित 4:23

छुटकारा पाइबर पत्रुस रे यूहन्ना आफना साथिका वाँ फर्क्या रे यहुदि मुख्य पुजारिन रे यहुदि मान्सनका अगुवाले भण्या सब कुरणी आफ्ना साथिनलाइ बताइदियो।

मत्ती 24:10

रे भौत जाना ममि बिश्वास अद्द छाड्या हुन, रे एकले अर्खालाइ बिश्वासघात रे घृणा अद्दया हुन।

प्रेरित 9:25

एक दिन रात पड्या पछा तिनरा शिष्याले तिनलाइ डोकाइनि हालिबर पर्खाल बठेइ तल्तिर ओलाइ दियो।