प्रेरित 9:10 - डोटेली नयाँ करार

¹⁰ दमस्कस सहरमि हननिया नाउँ भया एक जाना प्रभु येशू ख्रीष्टका छान्या शिष्य थ्या। रे तिनलाइ प्रभु येशूले दर्सनमि भण्यो, “ए हननिया।” तिनले भण्यो, “प्रभु, हाजिर छु।”

डोटेलि

¹⁰ दमस्‍कसमि हननिया नाउँ भया एक जना सिस्‍या थ्‍या। तनलाइ प्रभुले दर्सनमि भुन्‍यो, “ए हननिया।” तनले भुन्‍यो, “प्रभु, हाजिर छु।”

प्रेरित 9:10 Referans Kwoze

प्रेरित 22:12

“हननिया नाउँ भया एक जाना मान्स तइ सहरमि बसनथ्या। उन कानुन अन्सार चल्या भक्त मान्स थ्या, जइले ताँ बस्या सब यहुदि मान्सन बठेइ आदर पाइराइथ्यो।

प्रेरित 10:3

एक दिन, दिनका तीन बजे तिर तिनले प्रष्टसित दर्सनमि परमेश्वरका एक स्वर्गदुतलाइ आफना वाँ आउन्नारया धेक्यो रे आफलाइ, “हे कर्नेलियस” भणि बोलाया सुण्यो।

प्रेरित 2:17

आखिरी दिनमि यिसो हुन्या हो भणबर परमेश्वर भण्नाहान, म सब मान्समि मेरा आत्मा दिन्या हु, रे तमरा चेला रे तमरि चेलिले अगमबाणी बोल्ल्याहुन, रे तमरा जबान मान्सनले दर्सन धेक्द्या हुन, रे तमरा बुढा पाका सपना दर्शि हुन्या हुन।

प्रेरित 9:9

तिन ताँ तीन दिन सम्म नधेक्द्या भया, रे न त खानाइ खायो, न त पानी पियो।

प्रेरित 11:5

“मइले योप्पा गाउँमी प्रार्थना अरन्ज्या एक दर्सन धेक्या, स्वर्ग उगण्याको रे चारइ कुना बाद्याको एक ठुलो चद्दर जसो चिज चारइ कुना बठेइ धर्तीमि ओल्लार्या धेक्या, रे त्यो मेरा वाँ आयो।

प्रेरित 12:9

पइ तिन स्वर्गदुतका पछा-पछा लागीबर झेल बठेइ बाइर निकल्या। स्वर्गदुतले अर्या कुरणी साँच्चि हो भण्न्या तिनलाइ थाइ भएइन। तर तिनले सुइनामी दर्सन धेक्दाछु भणि सोच्यो।

प्रेरित 16:9

तसइ रात पावललाइ एक दर्सन भयो माकेडोनिया प्रदेसमि बस्या एक जानो मान्स कल्लिबर तिनलाइ बिन्ति अद्दाथ्यो, “समुद्रको पारिबटा ओलीबर माकेडोनिया प्रदेसमि आस, रे हामलाइ सायता अर।”

प्रेरित 16:10

जब तिनले यो दर्सन पायो, उतन्जेइ हाम माकेडोनिया प्रदेस जानाइ तयार भया। हामले यो पक्‍का अर्या कि तिननलाइ सुसमाचार प्रचार अद्दाइ परमेश्वरले हामलाइ बोलाया रइछ।

प्रेरित 18:9

एक रात दर्सनमि प्रभुले पावललाइ भण्यो, “जन डराइ, बोल्लोइ जा, रे चुप जन लागेइ,

२ कोरिन्थी 11:32

दमस्कस सहरमि अरितस राजाका हाकिमले मलाइ पकड्डाइ तइ सहरमि पहरा राख्याथ्यो।

गलाती 1:17

रे जो म भण्ना अगाडी येशू ख्रीष्टका छान्या शिष्या थ्या, तिननलाइ भेट्टाइलाइ म यरुशलेम सहरमि गएन। तर म उतन्जेइ अरब देशमि गया, रे पछा दमस्कस सहरमि फर्किबर आया।

प्रेरित 9:12

रे उइले दर्सनमि धेक्या छ कि हननिया नाउँ भया मान्स आइबर उइमि हात राख्यो रे उ दोसर्या धेक्द्या भयो।”