प्रेरित 8:7 - डोटेली नयाँ करार

⁷ जब फिलिपले आज्ञा दियो, तब भौत जाना बठेइ भूत जोरले कला हालिबर निकल्ल पस्या, भौत जाना झाण्नो पड्या, बिमारी रे डुणा मान्सन लगइ निका भया।

डोटेलि

⁷ क्‍यालाइकि भउत मान्‍सबटहइ फुचेरा आत्‍मा डाको हाल्‍लाइ निकल्‍ल लाग्‍या, रे झाड्‍डु पड्‍या रे लुला लङडा मान्‍सन निका पाणिया।

प्रेरित 8:7 Referans Kwoze

मत्ती 10:1

उनले आफना बार शिष्यालाइ बोलाइबर भूत निकाल्लया रे सब किसिमका रोग रे दुर्बलता निको बनाउन्या अधिकार दियो।

प्रेरित 5:16

यरुशलेम सहरका वलतिर पलतिर भया सहर बठेइ लगइ भौत मान्सनले बिमारी रे भूत लाग्या मान्सनलाइ येशू ख्रीष्टका छान्या शिष्याका वाँ लेइबर आउँथ्या रे तिन सब निका हुन्थ्या।

हिब्रु 2:4

रे परमेश्वरले लगइ अचम्मका काम, चिन्ह, भौत किसिमका अचम्मका काम रे मान्सनलाइ आफ्नो इच्छा अनसार पबित्र आत्मा बठेइ बरदान दिइबर यो सन्देश प्रमाणित अर्यो।

यूहन्नाले लेख्या सुसमाचार 14:12

साँच्चि, म तमनलाइ भण्नउ, जइले मलाइ बिश्वास अरन्छ, तइले मइले अर्या काम लगइ अरन्छ, रे तिन भण्ना ठुला काम अरन्छ, क्याकि म पिताका वाँ जान्ना छु।

लूका 10:17

तिन सत्तरि जाना शिष्या आनन्दसित फर्किबर आया रे यिसो भण्यो, “प्रभुज्यु, भूतले लगइ हामरि कुरणी माण्यो जब हामले भूतलाइ तमरा नाउँमि आज्ञा दिया!”

मर्कुस 9:26

पइ त्यो भूतले तइ केटालाइ जोरले मडारमुडुर पाणिहाल्यो, कला हलिबर तइ केटा बठेइ निकल्यो। रे त्यो केटा मर्याजसो भयो याँ सम्मकि भौत मान्सले भण्न लाग्या यो त मरियो।

मत्ती 11:5

कि अन्धा धेक्दाहान, लङडा हिट्टाहान, कोणी सुद्द हुनाहान, टोल्या सुण्नाहान, मर्या जिउना हुनाहान, गरिबलाइ सुसमाचार सुणाइन्छ।

मत्ती 4:24

उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

प्रेरित 8:6

फिलिपले भण्या बचन सुणिबर तइले अर्या अचम्मका काम धेकिबर, भीड़ले एकै मनका होइबर तइकि कुरणीमि ध्यान दिइबर सुण्यो।