प्रेरित 8:5 - डोटेली नयाँ करार

⁵ तर फिलिप सामरिया जिल्लाको एक गाउँमी गइबर तिननलाइ ख्रीष्टको प्रचार अर्यो।

डोटेलि

⁵ फिलिप भन्‍न्‍या एक जना मान्‍स सामरियाका कसइ सहरमि गइबर मान्‍सनलाइ ख्रिस्‍टका बारेमि प्रचार अर्‍यो।

प्रेरित 8:5 Referans Kwoze

प्रेरित 6:5

यिन कुरणी समुहका सबलाइ मन पड्यो रे एकहठ्ठा भया जम्माइलाइ ठीक लाग्यो, रे तिननले पबित्र आत्मा रे बिश्वासले भरिया स्तिफनस, फिलिप, प्रखरस, निकनोर, तिमोन, पर्मिनास रे एन्टिओखियाका बिश्वासि हुनाहइ पइल्ली यहुदि मत माण्न्या गैर-यहुदि निकोलाउसलाइ छान्यो।

प्रेरित 21:8

भोलिबार ताँ बठेइ बिदा होइबर हाम कैसरिया सहरमि पुग्या, रे ताँ हामले सुसमाचार प्रचार अद्द्या फिलिपका घरमि बस्या, जो सात जनामि हइ एक थ्या, जइलाइ यरुशलेम सहरमि छान्या शिष्याले बिधवानको हेरचाह अद्दाइ छान्याथ्यो।

प्रेरित 8:40

वाँ फिलिपले आफलाइ अश्‍दोद सहरमि पायो, तिन कैसरिया सहर नपुगन्ज्या सम्म सहर-सहर बठेइ सुसमाचार प्रचार अद्दाइ गया।

१ कोरिन्थी 3:11

त्यो बसालिया जग येशू ख्रीष्ट हुन, रे तइ बाहेक कसइले अर्खो जग बस्साल्ल सक्दइन।

१ कोरिन्थी 1:23

तर हाम प्रचार अददाउ कि ख्रीष्ट हामरा पाप बठेइ छुटकारा दिनइ क्रुसमि मर्या। जो यहुदि मान्सनका निउति बाधा रे गैर-यहुदि मान्सनकि निउति मुर्खता हो।

प्रेरित 5:42

रे दिना दिन येशू ख्रीष्टका छान्या शिष्या मन्दिरमि रे घर-घर गइबर येशूइ ख्रीष्ट हुन भणबर सिकाउन रे बचन प्रचार अद्द छाडेइन।

१ कोरिन्थी 2:2

क्याकि तमनसित हुनज्या येशू ख्रीष्ट रे उन क्रुसमि मर्या कुरणी बाहेक और केइ नजाण्न्न्या मइले पक्का अर्या।

प्रेरित 9:20

पइ उतनजेइ तिनले दमस्कस सहरको यहुदि सभाघरमी येशूको प्रचार यिसेरी अर्यो, “प्रभु येशूइ परमेश्वरका चेलो हुन।”

प्रेरित 8:1

स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।

प्रेरित 1:8

तर पबित्र आत्मा आया पछा तमनले सक्ति पाउन्या हौ, रे तमन यरुशलेम सहर, सारा यहुदिया जिल्ला, सामरिया जिल्ला रे बाकि रया सब संसारका मान्सनलाइ मेरा बारेमि बताउन्या हौ।”

प्रेरित 8:6

फिलिपले भण्या बचन सुणिबर तइले अर्या अचम्मका काम धेकिबर, भीड़ले एकै मनका होइबर तइकि कुरणीमि ध्यान दिइबर सुण्यो।

प्रेरित 8:26

तइ पछा प्रभुका एक दुतले फिलिपलाइ भण्यो, “उठीबर दक्षिण तिर यरुशलेम सहर बठेइ गाजा सहरतिर जान्या बाटामि जा। ताँ उजाड ठाउँको बाटो छ।”

प्रेरित 8:30

फिलिप दकुडिबर रथका वाँ गयो, रे तइलाइ यशैया अगमबक्ताको किताब पड्या सुणिबर उनले सोध्यो, “तमले पड्या कुरणी बुजन्छौ?”