प्रेरित 7:60 - डोटेली नयाँ करार

⁶⁰ रे घुणा टेकिबर ठुला सोरले कला हालिबर तिनले भण्यो, “हे प्रभु यो पाप दोस यिननमी जन लागउ” इति भणबर उन मर्या।

डोटेलि

⁶⁰ तिनले घुणा टेकिबर ठुला स्‍वरले कला हालिबर भुन्‍यो, “हे प्रभु, यइ पापको दोस यिनुनलाइ नलागउ।” इति भनिसक्‍या पाछा तिनले आफनो परान त्‍याग अर्‍यो।

प्रेरित 7:60 Referans Kwoze

मत्ती 5:44

तर म तमनलाइ भण्नउ, आफना शत्तुरलाइ प्रेम अर, रे तमलाइ सताउन्याकि निउति प्रार्थना अर,

लूका 23:34

पइ येशूले भण्यो, “हे पिता, यिनलाइ क्षमा अर, क्याकि यिन क्याद्दाछन त्यो जाँण्नाइन।” पइ उनरा लत्तालाइ कइले कि लैजान्या भणबर चिट्ठा हालिबर बाण्यो।

१ कोरिन्थी 15:20

तर ख्रीष्ट मर्या बठेइ जिउना भया कुरणी सत्य हो, उन पइलो हुन रे उनले यो प्रमाणित अर्यो रे उनले मान्सनलाइ मर्या बठेइ जिउना लगइ बनाउन्या हुन।

प्रेरित 20:36

इति भणबर पावलले घुडा टेक्यो रे तिनन सबसित प्रार्थना अर्यो।

प्रेरित 9:40

तर पत्रुसले तिनन सबलाइ बाइर पठाइबर घुडा टेक्यो, रे प्रार्थना अर्यो, रे तइ लासतिर फर्किबर भण्यो, “तबिता, उठ।” तइले आँखा उगाड्यो, रे पत्रुसलाइ धेकि रे उठीबर बसि।

लूका 6:28

सराप्दयालाइ आशिस दिय, दुष्ट ब्यबहार अदद्याकि निउति प्रार्थना अर।

१ कोरिन्थी 15:18

रे ख्रीष्टमी मर्या बिश्वासिन लगइ सदाइकिलाइ परमेश्वर बठेइ अलग भया छन।

प्रेरित 21:5

सात दिन पछा जब ताँ बठेइ जान्या समय आयो, रे तइ ठाउँका प्रभुमि बिश्वास अद्द्या भाइन, बैनिन रे बच्चा लगइ हामलाइ सहर बठेइ बाइर पुर्याउन आया। हाम सबले समुद्रका किनारमी घुणा टेकिबर प्रार्थना अर्या, रे हाम एक अर्खा बठेइ बिदा भया।

प्रेरित 13:36

“हाम जाण्न्नाउ कि राजा दाउदले आफ्ना बारेमि भण्या थेइन, क्याकि परमेश्वरको उद्देश्य अन्सार सेवा अरिबर मर्या पछा उनरा पिता पुर्खानसित राजा दाउद गाणिया, रे उनरो शरीर कुइबर गयो।

लूका 22:41

येशूले तिनन बठेइ लगभग तीस मिटर पलतिर जाइबर घुडा टेकिबर परमेश्वरसित प्रार्थना अर्यो,

१ थेसलोनिकि 5:10

प्रभु येशू हामरि निउति मर्या ताकि हाम बाचु अथवा मरु, जब उन फर्कि आउन्याहुन तब हाम उनसित सदाइकिलाइ जिउन सकउ।

१ कोरिन्थी 15:6

तइ पछा उन एकइ समयमि पाँच सय भण्ना बढी भाइनका वाँ एकइ बेर धेकिया, जइ मध्ये भौत जसा अइल सम्म छनइछन तर कोइ-कोइ मरिया।

मत्ती 27:52

पइ चिहान खोलिया, रे परमेश्वरका जनका मर्या शरीर आजी जिउना भया।

१ कोरिन्थी 11:30

रे दण्ड तमनमि आइ सक्या छ, तबइकिलाइ तमन मध्ये भौत जना शारीरिक रुपमि कमजोर रे रोगि छौ रे और भौत जाना मरिसक्या छन।

१ कोरिन्थी 15:51

हेर, म तमनलाइ एक रहस्य भण्नउ, हाम सब मद्दया आथिन, तर हाम सब बदलिन्या हौ,

यूहन्नाले लेख्या सुसमाचार 11:11

तइ पछा उनले तिननलाइ भण्यो, “हामरा मित्तुर लाजरस निनमि पडिरइछन, रे तइलाइ निन बठेइ बिउजाउनाइ म ताँ जानउ।”

२ तिमोथी 4:16

जब म पइल्ली बेर अदालतमि आफइलाइ सत्य साबित अददाइ गया तब कोइलगइ मेरो पक्षमि थेइन्न। तर सबले मलाइ छाड्यो। परमेश्वरले यइ कुरणिका बिरोधमी तिननलाइ केइ जन अरुन। म प्रार्थना अद्दउ कि तिननले मलाइ छाड्या कुरणीकिलाइ परमेश्वरले क्षमा अरुन।

२ पत्रुस 3:4

रे तिनन भणन्या हुन, “उनले फर्कि आउन्या प्रतिज्ञा अर्याछ, तर उन आया आथिन।” क्याकि हामरा पइल्लिका अगुवा सब मर्या, तर आजी लगइ केइ फरक भया आथिन। संसारको सृष्टि भया बठेइ चल्या सब कुरणी जसोतसो चलिरइछन।