प्रेरित 5:4 - डोटेली नयाँ करार

⁴ त्यो नबेचन्ज्या कि त्यो तेरो आफनोइ थेइन ब? रे त्यो बेचिया पछा लगइ त्यो तेराइ अधिकारमि थेइन ब? यिसो काम अद्द्या खराब बिचार तेरा मनमि कसेरी आयो? तुइले मान्सनलाइ होइन, तर परमेश्वरलाइ ढाँटिराइछइ।”

डोटेलि

⁴ त्‍यो बेचिन भन्‍ना पइलि लइ कि तेरोइ थेएन ब? रे त्‍यो बेच्‍या पाछा लइ तेराइ अधिकारमि थेएन ब? यसो काम अद्‌द्‌या बिचार तेरा ह्रिदयमि कसेरि आयो? तुइले मान्‍सनलाइ त हइन, रे परमेस्‍वरइलाइ छल्‍या छइ।”

प्रेरित 5:4 Referans Kwoze

प्रेरित 5:3

तर पत्रुसले भण्यो, “ए हननिया, पबित्र आत्मासित झुटि बोल्या रे जमिन बेच्या रुप्या बठेइ केइ हिस्सा आफसित राख्द्या कुरणी सैतानले कसेरी तेरा मनमि हाल्दियो?

१ थेसलोनिकि 4:8

तबइकिलाइ जइले यो आज्ञा माणनइन तइले मान्सनको होइन तर परमेश्वरको आज्ञा माणनइन, जइ परमेश्वरले तमनलाइ आफ्नो पबित्र आत्मा दिनाहान।

प्रेरित 5:9

तर पत्रुसले तइलाइ भण्यो, “तमले परमेश्वरका आत्माको परिक्षा अद्दाइ कसेरी मिलिबर सल्लाह अर्या? हेर, तेरा बैकान गाडड्यावाला ढोकालाइ छन रे तिननले तुलाइ बोकिबर बाइर लैजान्या हुन।”

लूका 10:16

“जइले तमनका कुरणी सुणन्छ, तइले मेरा कुरणी सुणन्छ। जइले तमनलाइ अस्वीकार अरन्छ, तइले मलाइ अस्वीकार अरन्छ, रे जइले मलाइ अस्वीकार अरन्छ, तइले मलाइ पठाउन्यालाइ अस्वीकार अरन्छ।”

याकुब 1:15

रे तइले तिनरा निको काम अद्द्या इच्छा बठेइ तिन ननिका काम अददाहान रे पापको जन्म हुन्छ। रे पाप पुरा बड्या पछा तइले अनन्त मृत्यु ल्याउछ।

फिलेमोन 1:14

तर म तेरो अनुमति बिना केइलगइ अद्द चाहानैन। म चाहनउ कि मेरा करकापले होइन तर आफ्ना इच्छाले मलाइ सहयोग अर।

१ कोरिन्थी 8:8

तर खान्या कुरणीले हामलाइ परमेश्वरका नजरमि ग्रहणयोग्य बनाउनइन। नखायाले परमेश्वरका नजरमि हाम अयोग्य हुनाइन, रे खाया हुनाले परमेश्वरका नजरमि हाम असल हुनाइन।