प्रेरित 5:39 - डोटेली नयाँ करार

³⁹ तर यदि यो परमेश्वर बठेइ हो भण्या तमनले यिन मान्सनलाइ रोक्द सक्दानु। नति तमन परमेश्वरका बिरोधमी उठ्या ठहरिन्या हौ।”

डोटेलि

³⁹ तर यो काम परमेस्‍वरबटहइ हो भन्‍या, तमुले यइलाइ रोक्‍द सक्‍दानु, नति तमु परमेस्‍वरका बिरुद्‍दमि उठ्‍या हुन्‍या छउ।”

प्रेरित 5:39 Referans Kwoze

मत्ती 16:18

म तुलाइ भण्नउ, कि तु पत्रुस हइ। म मेरो मण्डलि यइ पखानमि बसाल्लउ, रे नरकका दार तइमि जित्या होइन।

प्रेरित 7:51

“हे कठोर मन भयका मान्सन हो, रे परमेश्वरको सन्देश सुण्नाइ इन्कार अद्द्या मान्सन हो। आफ्नो पिता पुर्खाले जसेरि तमनले लगइ पबित्र आत्माले धेकाया कुरणीलाइ कभइ माणनानु।

१ कोरिन्थी 1:25

क्याकि जो कुरणी परमेश्वरको मुर्खता जसो लागन्छ त्यो मान्सनका बुद्दि भण्न्ना श्रेष्‍ठ छ रे जो कुरणी परमेश्वरको दुर्बलता जसो लागन्छ त्यो मान्सनका ताकत भण्ना सक्तिशाली छ।

प्रेरित 11:17

प्रभु येशू ख्रीष्टमी बिश्वास अरनज्या परमेश्वरले हामलाइ जइ बरदान दियो, तिननलाइ लगइ तेइ बरदान दिया पछा परमेश्वरलाइ रोक्द सक्द्या म को हु रे?”

प्रेरित 9:5

तिनले भण्यो, “प्रभु, तम को हौ?” पइ उनले भण्यो, “म येशू हु, जइलाइ तु सताउनाछइ।

प्रेरित 6:10

उनले जी कुरणी भण्यो, तिननले केइ जबाफ दिन सकेन। क्याकि पबित्र आत्माले उनलाइ बुद्दीसित बोल्लामि सायता अर्याथ्यो।

लूका 21:15

क्याकि म तमनलाइ यिसो बोल्या मुख रे बुद्दि दिन्या हु, कि तमरा बिरोधिले उत्तर दिन सक्द्या आथिन। तइको ब्याख्या लगइ अद्द सक्द्या आथिन।

प्रेरित 23:9

ताँ भौत ठुलो खलबल माच्चियो, रे फरिसि मान्सनमि हइ कोइ मोशाको कानुन सिकाउन्यावाला थ्या, रे तिननले सदुकि मान्सनको घोर बिरोध अद्दाइ भण्यो, “हाम यइ मान्समि केइ दोस धेक्दाइन। सायद आत्मा अथवा स्वर्गदुतले यइ मान्ससित बोल्या हुन।”

१ कोरिन्थी 10:22

यदि तमनले तसो अर्या भण्ना, पक्‍कालगइ तमनले प्रभुलाइ भौत रिस उठाउन्या हो। याद अर, तमन उन भण्ना सक्तिशाली आथिनु।