प्रेरित 3:13 - डोटेली नयाँ करार

¹³ हामरा पुर्खा अब्राहाम, इसहाक रे याकुबका परमेश्वरले आफना सेवक येशूलाइ मर्या बठेइ जिउना बनाइबर भौत आदर दियो, तर तमनले उइलाइ माद्दाइ यहुदि अगुवानका हातमि सुम्पिदिया, रे पिलातस हाकिमले उनलाइ छाड्दिन्या बिचार अर्या लगइ तमनले उनलाइ जन छाड भण्या।

डोटेलि

¹³ तसो हइन, हामरा पिता-पुर्खा अब्राहाम, इसहाक रे याकुबका परमेस्‍वरइले आफना सेबक इसुलाइ महिमित पाण्‍यो। तमुले इसुलाइ माद्‍दइ पणन्‍छ भुनिबर पक्राइदिया। पिलातसले उनलाइ छाडिदिन्‍या बिचार अरन्‍ज्‍या लइ तमुले उनराइ अगाडि असुइकार अर्‍या।

प्रेरित 3:13 Referans Kwoze

प्रेरित 7:32

म तेरा पिता पुर्खाका परमेश्वर अब्राहाम, इसहाक रे याकुबले आराधना अद्दया परमेश्वर हु, पइ मोशा डरले थरथर काम्या रे हेद्दाइ साहस अरेइन।”

मत्ती 22:32

‘म अब्राहाम, इसहाक रे याकुबले आराधना अद्दया परमेश्वर हु’ भौत समय पछा तिनन मर्या। तबइकिलाइ उन मर्या मान्सनका परमेश्वर होइन, रे उन तिन मान्सनका परमेश्वर हुन जो जिउना छन!”

हिब्रु 2:9

तर सत्य यो हो कि थोकाइ बेरका निउति येशू स्वर्गदुत भण्ना केइ तल्तिर होचिया। परमेश्वरको अनुग्रहले येशू संसारका सब मान्सका निउति कष्ट भोग्यो रे मर्या। तबइकिलाइ परमेश्वरले उनलाइ महिमा रे आदर दियो।

यूहन्नाले लेख्या सुसमाचार 19:15

रे तिननले आजी कला हालिबर भण्न पस्या, “तइलाइ क्रुसमि मारीदिउ। तइलाइ क्रुसमि मारीदिउ।” तब पिलातस हाकिमले भण्यो, “तमरा राजालाइ क्रुसमि मारीदिउ?” पइ यहुदि मुख्य पुजारिले जबाफ दियो, “सम्राट बाहेक हामरो और कोइ राजा आथिन।”

यूहन्नाले लेख्या सुसमाचार 19:12

यो सुणिबर पिलातस हाकिमले उनलाइ छाडि दिन्या बड्ता कोशिस अर्यो। तर यहुदिले यिसो भण्नाइ कला हाल्ल पस्या, “यदि तमले यइ मान्सलाइ छाडिदिया भण्या तम सम्राटका मित्तुर हुन्या होनु। आफइलाइ राजा हु भणि दाबि अद्द्या सब सम्राटका बिरोधमी खडा हुन्छ।”

यूहन्नाले लेख्या सुसमाचार 18:40

पइ आजी तिनन इसो भणि कला हाल्ल पस्या, “यइ मान्सलाइ होइन तर बरब्बालाइ छाडिदिय” जो बिद्रोह रे हत्याको अरोपमि झेल पड्या थ्यो।

प्रकाश 1:18

म जीवनको स्रोत हुँ। म एकबेर मर्या तर आब जिउनो छु रे म सदाइकि निउति जिउनो हुन्या हु, रे मसित मृत्युमि अधिकार छ। रे पातालका साँचा म सितइ छन।

प्रकाश 1:5

रे येशू ख्रीष्ट बठेइ, जइले बिश्वाससित परमेश्वरका बारेमि सत्यता धेकाउन्छ उनइ एक छन जो मर्या बठेइ आजी जिउना भया रे उन यइ संसारका सबइ राजाका सासक छन। उनले हामलाइ प्रेम अददाहान रे उनरा रगतले हामलाइ हामरा पाप बठेइ बचाउनाहान।

प्रेरित 22:14

“तइ पछा तिनले मलाइ भण्यो, ‘हामरा पिता पुर्खाका परमेश्वरको इच्छा तमले जाण भणबर उनले तमलाइ छान्यो। तमले धार्मि सेवक येशूलाइ धेक्दपाया रे उनले भण्या कुरणी सुण्नाइकिलाइ तमलाइ छान्या छ।

यूहन्नाले लेख्या सुसमाचार 12:16

यिन कुरणी येशूका शिष्याले पइल्ली बुजेइन। तर येशूको महिमा भया पछा यिन कुरणी उनरा बारेमि पबित्र सास्त्रमि लेखिया रइछन, रे यिन काम उनरी निउति तिननले अर्या हुन भण्न्या तिननले सम्ज्यो।

यूहन्नाले लेख्या सुसमाचार 7:39

तर यो कुरणी उनले पबित्र आत्माको बारेमि भणिराइथ्यो, जइ पबित्र आत्मा येशूमि बिश्वास अद्द्याले पछा पाउन्या हुन। क्याकि पबित्र आत्मा अइल सम्म दिइया आथिन, क्याकि परमेश्वरले आजी सम्म येशूको महिमालाइ धेकाया थेइन।

लूका 23:4

तब पिलातस हाकिमले यहुदि मुख्य पुजारिन रे भिडलाइ भण्यो, “म इन मान्समि केइलगइ दोस भेटाउनइन।”

मर्कुस 15:11

पइ यहुदि मुख्य पुजारिनले भिडका मान्सनलाइ बरब्बालाइ हामरो निउति छाद्याइलाइ माग अर, येशूलाइ जन छाड्या भणि पिलातुसलाइ भण्न लायो।

मत्ती 28:18

तब येशूले तिनरा वाँ आइबर भण्यो, “स्वर्ग रे धर्तिको सारा अधिकार मलाइ दिराइछ।

मत्ती 27:2

तिननले येशूलाइ बादिबर लैया रे पिलातस हाकिमको राज महलमि न्याय अद्दाइलाइ लैया।

मत्ती 20:19

उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

मत्ती 11:27

मेरा पिताले जम्माइ चिज मलाइ दिइराइछ। चेलोलाइ पछेण्न्या उन मान्तर हुन। पितालाइ साँच्चि पछेण्न्या चेलो मान्तर हुन। रे तिनन मान्सन जइलाइ म, चेलाले पितालाइ पछेण्न्या चाहानउ।

लूका 6:37

“औरको न्याय जन अर रे तमरो लगइ न्याय अरिन्या आथिन। औरलाइ दोषि जन माण, रे तमन लगइ दोषि माणिन्या होनु। क्षमा अर, रे तमलाइ लगइ क्षमा अरिन्या हो।

यूहन्नाले लेख्या सुसमाचार 19:11

येशूले जबाफ दियो, “यदि तमलाइ परमेश्वर बठेइ नदिया भया ममि तमरो केइ अधिकार हुनेइ थेइन। तबइकिलाइ मलाइ तमरा हातमि सुम्पिदिन्या मान्सन आजी बड्ता पापको दोषि हुन्या हुन।”

प्रेरित 3:12

यो धेकिबर पत्रुसले मान्सनलाइ भण्यो, “इस्राएल देशका मान्सन हो, यइ कुरणीमि तम क्याकि अचम्म माणन्छौ? कि हामरो आफनाइ सक्ति रे भक्ति बठेइ हामले यइलाइ हिट्या बनाया जसेरि घोरिबर हामलाइ क्याइ हेद्दाछौ?

प्रेरित 3:26

परमेश्वरले आफ्नो सेबकलाइ मर्या बठेइ जिउना बनाइबर सबहइ पइल्ली तमरा वाँ पठायो, रे हाममि हइ हरेकलाइ आशिस दिनाइ आफ्ना पापमय जीवन बठेइ परमेश्वरतिर फर्किन सायता अर्यो।”

प्रेरित 4:27

क्याकि भण्या साँच्चि तमनले अभिषेक अर्या, तमरा पबित्र सेवक येशूको बिरोधमी राजा हेरोद रे पन्तियस पिलातस हाकिम दुइ जाना, गैर-यहुदि रे इस्राएल देशका मान्सनसित इसइ सहरमि जम्मा भयाथ्या।

प्रेरित 4:30

रे निका बनाउनाइ तमले आफ्नो हात बडा, रे आफना पबित्र सेवक येशूको नाउँ बठेइ चमत्कारी चिन्ह रे अचम्मका काम होइजाउन।”

प्रेरित 24:14

तर यो म हजुरकाइ अगाडी स्वीकार अद्दउ कि, म ख्रीष्टको उद्दारका बाटालाइ पछ्याइबर आफ्ना पुर्खाका परमेश्वरलाइ आराधना अद्दाछु, जइलाइ यहुदि अगुवानले झुटो बाटो हो भण्न्नाछन, तर म अगमबक्ताका किताबमी लेखिया सब कुरणी रे मोशाका कानुनमी बिश्वास अद्दउ।

रोमी 9:5

तिननसित नाउँ चल्या पुर्खा छन, येशू ख्रीष्ट मान्सनका रुपमि तिनरा जातिका हुन। परमेश्वर, जइले सबमि सासन अददाहान उनलाइ सदाइ प्रसंसा होइरउ। आमिन।

लूका 22:57

तर पत्रुसले यिसो भणबर इन्कार अर्यो, ए नारी, म उनलाइ पछेण्नइन।