Biblia Todo Logo
Bib sou entènèt

- Piblisite -




प्रेरित 27:1 - डोटेली नयाँ करार

1 जब ठुला हाकिम फेस्तसले समुद्रको यात्रा बठेइ हामलाइ इटालिया प्रदेसको रोम सहरमि जानु पणन्छ भणि पक्‍का भया तब तिननले पावल रे और केइ कैदीलाइ सम्राट अगस्टसको फौजको युलियस नाउँ भया कप्तानका जिम्मा लाइदियो।

Gade chapit la Kopi

डोटेलि

1 हामले पानि जहाजको यात्‍रा अरिबर इटालिया देसमि जानुपणन्‍छ भुणि निर्णय भयापाछा तिनुनले पावल रे अउर कतिबइ कइदिनलाइ रोमि महाराजा अगस्‍टसका युलियस भन्‍न्‍या कप्‍तानका जिम्‍मामि लाइदियो।

Gade chapit la Kopi




प्रेरित 27:1
29 Referans Kwoze  

तर मइले यइ मान्समि ज्यानसजाय दिन्या लायकको केइ दोस लगइ पाउन सकेइन। तर यइ आफइले रोमी सम्राट बठेइ उनरो न्याय हुनाइ बिन्ति अर्या हुनाले मइले यइलाइ रोमी सम्राटका वाँ पठाउन्या फैसला अर्या।


तब ठुला हाकिम फेस्तसले सल्लाकारसित सल्लाह अरिबर पावललाइ भण्यो, “तुइले आफ्नो न्याय सम्राट बठेइ हुन पणन्छ, भणबर बिन्ति अरि रे आब म तुलाइ कैसर सम्राटका वाँइ पठाइ दिनउ।”


कैसरिया सहरमि कर्नेलियस नाउ भया एक मान्स थ्या, जो रोमी सैनिकका सुबेदार थ्या, जइका पल्टनको नाउ इटालिया थ्यो।


तर कप्तानले पावलकि कुरणी माणेइन, तर जहाज चलाउन्या रे जहाजका मालिककि कुरणी माण्यो।


तिनले पोन्टस प्रदेसमि बस्या अकिलास नाउँ भया एक जाना यहुदिलाइ भेट्यो। जो पोन्टस प्रदेसमि जन्मया थ्या, तिन आफनी स्वानी प्रिस्किलासित इटालिया प्रदेस बठेइ आइरइथ्या, क्याकि सम्राट क्लौडियसले सब यहुदि मान्सनलाइ रोम बठेइ निकलिबर जान्या आज्ञा दिइराइथ्यो। पावल तिननलाइ भेट्टाइ कोरिन्थ सहरमि गया।


तमरा सब अगुवान रे सब परमेश्वरका मान्सनलाइ अबिबादन दिय। इटालिया प्रदेस बठेइ आया बिश्वासीनले तमनलाइ अबिबादन पठाइराइछन।


जब हाम रोम सहरमि पस्या, तब पावललाइ एक जाना सिपाइको रेखधेखमि एकलोइ बस्साइ अनुमति मिल्यो।


तर कप्तानले पावललाइ बचाउन्या मन अरिबर तिननलाइ तसो अद्द बठेइ रोक्यो। तर उनले बाँउ काट्ट सक्द्या जति सबलाइ जहाज बठेइ समुद्रमी फट्टक हालिबर जमिन तिर बाँउ काट्टया आज्ञा दियो,


ताँ कप्तान युलियसले इटालिया प्रदेस जान्या अलेक्जेन्ड्रिया सहरको एक जहाज भेट्या, रे उनले हामलाइ तइ जहाजमि चडाइदियो।


तब उनले पावललाइ नीकेरि परेइबर राख्या रे तिनलाइ केइ स्वतन्त्रता दिया, रे तिनरा कसइ साथिनलाइ तिनका जरुरी कुरणी पुरा अद्दाइ जन रोक्या भणि कप्तानलाइ आज्ञा दियो।


तब पावलले कप्तानमि हइ एक जनालाइ बोलाइबर भण्यो, “यिन जबान मान्सलाइ रोम सहरका सेनापतिका वाँ पुगाइदिय, क्याकि यिनरो उनसित केइ भण्न्या कुरणी छ।”


भोलिबारका रात प्रभु येशूले पावलका नजिक कल्लिबर भण्यो, “साहस अर, पावल, क्याकि जसेरि तुइले यरुशलेम सहरमि मेरो गवाही दिइ, तसेरि तुइले रोम सहरमि लगइ गवाही दिनु पणन्छ।”


कप्तानले यो सुण्या पछा रोम सहरका सेनापतिका वाँ आइबर यिसो भण्यो, “तम कि अद्दाइ बटिरइछौ? क्याकि यो मान्स त रोम सहरको रइछ।”


रोमी हाकिमले उतन्जेइ सिपाइन रे कप्तानलाइ लेइबर तिनरा वाँ दकुडिबर पुग्या, भिडका मान्सनले तिननलाइ आया धेकबर पावललाइ हाण्न छाडयो।


यिन कुरणी भइ सक्या पछा पावल माकेडोनिया प्रदेस रे अखैया प्रदेशका बिश्वासीसित भेट्यो रे तइ पछा यरुशलेम सहरमि जान्या फैसला अर्यो। तिनले भण्यो, “यरुशलेम सहरमि पुग्या पछा म रोम सहरमि जानुइ पणन्छ।”


जब तिनले यो दर्सन पायो, उतन्जेइ हाम माकेडोनिया प्रदेस जानाइ तयार भया। हामले यो पक्‍का अर्या कि तिननलाइ सुसमाचार प्रचार अद्दाइ परमेश्वरले हामलाइ बोलाया रइछ।


तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।


यो सब घटना धेकिबर कप्तानले यिसो भण्नाइ परमेश्वरको महिमा अर्यो, निश्चय नइ यिन धर्मि मान्स थ्या।


कोइ एक जाना कप्तानको एक जानो प्यारो नौकर थ्यो, जो बिमार होइबर मद्दाइ बटिरइथ्यो।


जब सुबेदार रे उनसित येशूलाइ पहरा दिन्यावालनले भुइँचालो रे ताँ भाएका घटना धेक्यो तब भौत डराइबर इसो भण्यो साँच्चि यिन त परमेश्वरका चेलो रइछन।


हाम सब नीक्केरि किनारमी पुग्या पछा तइ टापुको नाउँ माल्टा रइछ भण्न्या हामलाइ था भयो।


Swiv nou:

Piblisite


Piblisite