प्रेरित 26:20 - डोटेली नयाँ करार

²⁰ तर पइल्ली दमस्कस सहरमि, पइ यरुशलेम सहरमि रे सारा यहुदिया प्रदेस भरि रन्यालाइ, रे गैर-यहुदि मान्सनलाइ लगइ पाप अद्द छाडिबर परमेश्वरतिर फर्क रे आफना पाप अद्द छाडिबर तमन परमेश्वरतिर फर्किया छौ भणि धेकाउन्या काम अर भणि मइले प्रचार अर्या।

डोटेलि

²⁰ तर पइलि दमस्कसमि, तबइ यरुसलेममि रे सारा यहुदिया देसभरि रन्‍यानलाइ, रे अउरजातिनलाइ लइ पस्‍साताप अरिबर परमेस्‍वरतिर फर्क रे आफनो पस्‍साताप अन्‍सार काम अरिबर प्रमाण दिय भुणिबर मुइले प्रचार अर्‍या।

प्रेरित 26:20 Referans Kwoze

प्रेरित 3:19

तबइकिलाइ पाप अद्द छाडिबर परमेश्वरतिर फर्क, रे तमरा पाप क्षमा होउन, रे परमेश्वर बठेइ आत्मिक सामर्थको समय आउन्या छ।

मत्ती 3:8

तमनले आफना पाप अद्द छाडिबर परमेश्वरतिर फर्क्या हउ भण्या तसइ अनसार जीवन बिता।

प्रेरित 2:38

पत्रुसले तिननलाइ भण्यो, “पाप अद्द छाडिबर परमेश्वरतिर फर्क, रे तमरा पाप क्षमाकि निउति येशू ख्रीष्टको नाउँमि तमन प्रत्येकले बप्तिस्मा लिय, रे तमनले पबित्र आत्माको बरदान पाउन्या हौ।

प्रकाश 2:5

याद अर कि तमनले कसेरी सुरुमि मलाइ प्रेम अरन्थ्या रे आब तमनले मलाइ इसो प्रेम अददानु। रे पाप अद्द छाडिबर परमेश्वरतिर फर्क रे जसो सुरुमी तमनले मलाइ प्रेम अर्या तसेरि मलाइ प्रेम अद्द सुरु अर। यदि तमनले पाप अद्द छाडिबर परमेश्वरतिर फर्कीयानु भण्या, म तमरा वाँ आउनउ रे म तमरो सामदान जाँ छ तइलाइ ताँ बठेइ हटाइबर तमनलाइ दण्ड दिन्या हु।

मत्ती 9:13

तर गइबर यइको अर्थ कि हो तमन सिक: “म बलिदान होइन, दया चाहानौ। क्याकि म तिनन मान्सनलाइ बोलाउन आया होइन जो आफलाइ धर्मि माणन्नाहान तर तिनरि निउती आया हु जइले आफइलाइ पापी हु भणि माणन्नाहान।”

प्रकाश 3:3

तमनले पइल्ली सुण्या रे बिश्वास अर्या शिक्षालाइ याद अर। तमनलाइ जी सिकाइया थ्यो तइलाइ पालन अर, तमरो लापरबाइ बठेइ पाप अद्द छाडिबर परमेश्वरतिर फर्क। यदि तमनले लापरबाइ अद्द छाड्यानु भण्या, मेरो आगमन एक चोरको आगमन जसोइ अचानक हुन्या हो, रे तमनलाइ त्यो बेला लगइ था हुनइन जब म तमनलाइ सजाय दिन आउनउ।

एफिसी 4:17

तबइकिलाइ प्रभुले मलाइ दिया अधिकारसित म तमनलाइ यो भण्नउ कि अबिश्वासी मान्सन जसेरि तिनरा ब्यर्थका बिचारमी उद्देश्यहिन जीवन जन बिता।

२ कोरिन्थी 7:10

क्याकि परमेश्वरको इच्छा अनसार हामले सोक अर्या भण्या यइले हाम पाप अद्द छाडिबर परमेश्वरतिर फर्कन्या हु, रे यइको परिणाम मुक्ति हो। रे तइ किसिमको शोकले पछुतो हुनइन। तर संसारका मान्सनका शोकले भण्या अनन्त मृत्यु तिर लइजान्छ।

१ थेसलोनिकि 1:9

क्याकि तिन मान्सनले औरलाइ भण्नाहान कि कसेरी तमनले हामरो स्वागत अर्याथ्या, जब हाम तमरा वाँ आयाथ्या। रे जिबित रे साँचो परमेश्वरको सेवा अद्दाइ, कसेरी तमन मुर्ति बठेइ टाडा भइबर परमेश्वरतिर फर्क्या।

२ कोरिन्थी 3:16

तर जब कसइ मान्सले प्रभु येशूमि बिश्वास अरन्छ, तब त्यो घुम्टो हटाइन्छ।

रोमी 2:4

अथवा परमेश्वरको कृपाले तुलाइ पाप अद्द छाडिबर परमेश्वरतिर फर्काउन्छ भण्न्या था नपाइबर, कि तु उनरो दया, सहनशिलता रे धैर्यको प्रसस्ततालाइ तुच्छ माणन्छइ?

प्रेरित 26:17

म तुलाइ तेरा आफनाइ मान्सन रे गैर-यहुदि मान्सन बठेइ छुटकारा दिनउ, जइका वाँ म तुलाइ पठाउनउ,

प्रेरित 20:21

यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”

प्रेरित 17:30

तबइकिलाइ परमेश्वरले मान्सनका नजाण्या बेलालाइ ध्यान दिएइन, तर आब हरेक ठाउँमि सब मान्सनलाइ पाप अद्द छाडिबर परमेश्वरतिर फर्क भण्न्या आज्ञा दिनाहान।

प्रेरित 15:19

“तबइकिलाइ मेरो फैसला यो छ, कि परमेश्वरका वाँ आउन्या गैर-यहुदि मान्सनलाइ जबरजस्ती अरबर हामरो सब यहुदि कानुन रे रितलाइ माण्नुइ पण्न्छ, भणि दु:ख जनदिउ,

प्रेरित 11:18

यिन कुरणी सुण्या पछा यहुदि बिश्वासि चुप रया, रे यिसो भण्नाइ तिननले परमेश्वरको महिमा अर्यो, “आब त परमेश्वरले गैर-यहुदिलाइ लगइ अनन्त जीवनका निउति पाप अद्द छाडिबर येशूतिर फर्क भण्या छ।”

प्रेरित 9:35

लुड्डा गाउँ रे शारोन गाउँमी बस्या जति सब मान्सनले तइलाइ धेकिबर प्रभु येशूमि बिश्वास अर्यो।

प्रेरित 9:15

तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु।

लूका 15:10

म तमनलाइ भण्नउ, यिसेरी पाप अद्द छाडिबर परमेश्वरतिर फर्क्या एक जाना पापीकिलाइ परमेश्वरका स्वर्गदुतका साम्नेइ आनन्द हुन्या हो।”

लूका 15:7

म तमनलाइ भण्नउ, यिसेरी पाप अद्द छाडिबर परमेश्वरतिर फर्कनपड्या उनान्सय धार्मिक मान्सनकिलाइ भण्ना जइले पइल्ली पाप अद्द छाडिबर परमेश्वरतिर फर्क्या एक जाना पापीकि निउती स्वर्गमि और बड्ता आनन्द हुन्या हो।”

लूका 13:5

तसो होइन, तर म तमनलाइ भण्नउ, यदि तमनले पाप अद्द छाडिबर परमेश्वरतिर फर्कि यानु भण्या, तमन सब तसेरि नइ नास हुनेहउ।”

लूका 13:3

म तमनलाइ भण्नउ, तसो होइन, तर यदि तमनले पाप अद्द छाडिबर परमेश्वरतिर फर्क्यानु भण्या तमन सब तसेरि नइ नास हुन्या हउ।

लूका 1:16

उनले इस्राएल देशका भौत मान्सनलाइ तिनरा प्रभु परमेश्वरतिर फर्काउन्या हुन।

मर्कुस 6:12

तब शिष्याले गइबर मान्सलाइ इसेरि प्रचार अर्यो, “तम सब पाप अद्द छाडिबर परमेश्वरतिर फर्क।”

मत्ती 4:17

तइ बेला बठेइ येशूले प्रचार अद्द रे यो भण्न लाग्या, “आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

मत्ती 3:2

“आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

प्रकाश 16:11

तिनरा बेदना रे घा पिलाका लाग्दा तिननले स्वर्गका परमेश्वरलाइ श्राप दिन पस्या। तर तिनरो अवस्था इसो थ्यो पइलगइ तिननले पाप अद्द छाडिबर परमेश्वरतिर फर्कीएइन रे तिननले अददार्या खराब काम अद्द छाडेइन।

प्रकाश 2:21

मइले तइलाइ पाप अद्द छाडिबर परमेश्वरतिर फार्कनाइ समय दिया, तर तइले तइ ननिका काम बन्द अद्द बठेइ इन्कार अरि।

प्रेरित 26:19

“तबइकिलाइ, हे राजा अग्रिपास, स्वर्ग बठेइ आया दर्सनलाइ मइले इन्कार अरेइन।