प्रेरित 25:10 - डोटेली नयाँ करार

¹⁰ तर पावलले भण्यो, “म सम्राटको न्याय अद्द्या ठाउँका अगाडी कल्लीरइछु, ठीक ताँ छु जाँ एक रोम सहरको मान्सका रुपमि मेरो न्याय हुनु पणन्छ। यहुदि मान्सनलाइ मइले केइ खराब अर्या आथिन, त्यो हजूरलाइ नीकेरि थाइछ।

डोटेलि

¹⁰ तर पावलले भुन्‍यो, “मु रोमि माहाराजाका न्‍यायलय अगाडि कलिरइछु। याँइ मेरो न्‍याय हुन्‍पडन्‍छ। मुइले यहुदिनका बिरोधमि केइ खराबि अर्‍या आथिन्‌ भन्‍न्‍या कुरा हजुरलाइ लइ थाइ छ।

प्रेरित 25:10 Referans Kwoze

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

प्रेरित 28:18

तिननले सोधपुछ अर्या पछा ममि मृत्यु दण्डको केइ कारण नभेट्या हुनाले मलाइ छाडदिन्या मन अर्याथ्यो।

प्रेरित 26:31

जब तिनन बाइर जान्नाथ्या, तब तिनन एक अर्खासित यिसो भण्नाइ कुरणी अद्द पस्या, “यइ मान्सले मृत्यु दण्ड पाउन्या अथवा कैदमी बस्स्या लायकको केइ काम अर्या आथिन।”

प्रेरित 25:25

तर मइले यइ मान्समि ज्यानसजाय दिन्या लायकको केइ दोस लगइ पाउन सकेइन। तर यइ आफइले रोमी सम्राट बठेइ उनरो न्याय हुनाइ बिन्ति अर्या हुनाले मइले यइलाइ रोमी सम्राटका वाँ पठाउन्या फैसला अर्या।

मत्ती 27:18

क्याकि यहुदि मुख्य पुजारिनले येशूलाइ रिसले सुम्पया हुन भण्न्या पिलातसलाइ थाथ्यो।

प्रेरित 25:17

तबइकिलाइ यहुदि अगुवान मसित कैसरिया सहरमि आया, रे मइले ब्यालो नअरिबर भोलिबार न्याय अद्द्या ठाउँमि बसिबर तिननलाइ मइले आज्ञा दिया कि पावललाइ लेइबर आस।

प्रेरित 25:6

ठुला हाकिम फेस्तस यरुशलेम सहरमि आठ-दस दिन बस्या पछा उन कैसरिया सहर फर्किया, रे भोलिबार न्याय अद्द्या ठाउँमि बसिबर उनले पावललाइ ल्याउन्या आज्ञा दियो।

प्रेरित 23:29

तिननले आफ्ना यहुदि कानुनका प्रश्नका बारेमि यो दोस लाया रइछन। तर मइले यइ मान्समि ज्यानमारा रे झेल हाल्या सम्मको केइ दोस पाएइन।

मत्ती 27:19

पिलातस न्याय आसनमी बस्या बेला तिनरि स्वानिले इसो खबर पठायो कि तइ निर्दोष मान्सलाइ केइ जन अर्या, क्याकि आज सपनामि मइले तिनरा लाग्दा भौत दु:ख भोगेइ छु।