प्रेरित 24:5 - डोटेली नयाँ करार

⁵ क्याकि हामले यइ मान्सलाइ जाँइ ताँइ दु:ख दिइबर हिट्या, संसार भरिका जम्माइ यहुदि मान्सनका बिचइनि हुलदङ्गा मचाउन्या, रे नासरी दलका मुख्य अगुवाको रुपमि भेटिराइछौ।

डोटेलि

⁵ हामले यइ मान्‍सलाइ जाँइताँइ दुःख दिनोइ हिट्‍टया, सन्‍सारभरिका यहुदिनका बिचमि आन्‍दोलन मचाउन्‍या, रे नासरिभन्‍या दलका प्रमुख अगुवाका रुपमि भेट्‍या छउँ।

प्रेरित 24:5 Referans Kwoze

प्रेरित 28:22

तर तमरो बिचार कि हो, त्यो तमन बठेइ सुण्न चाहानौ। क्याकि हाम जाण्नाउ कि सब ठाउँका मान्सन प्रभुका बाटाका बारेमि ननिका कुरणी अददाहान।”

प्रेरित 24:14

तर यो म हजुरकाइ अगाडी स्वीकार अद्दउ कि, म ख्रीष्टको उद्दारका बाटालाइ पछ्याइबर आफ्ना पुर्खाका परमेश्वरलाइ आराधना अद्दाछु, जइलाइ यहुदि अगुवानले झुटो बाटो हो भण्न्नाछन, तर म अगमबक्ताका किताबमी लेखिया सब कुरणी रे मोशाका कानुनमी बिश्वास अद्दउ।

प्रेरित 26:5

मइले मेरा जवानी अवस्था बठेइ एक फरिसि मान्सकि जसेरि जीवन बितायाथ्या, जो हामरा धर्मको सब भण्ना कडा समुह थ्यो, यो तिननलाइ था भयइ कुरणी हो। तिननले चायो भण्या यइ कुरणीको गवाही दिन सक्दाहान।

प्रेरित 15:5

तब फरिसि मान्सनका दलका केइ बिश्वास अद्द्याले कलिबर भण्यो, “गैर-यहुदि मान्सन बठेइ आउन्या येशू ख्रीष्टका शिष्याले यहुदि रित अन्सार खतना हुनुइ पणन्छ रे तिननलाइ मोशाको कानुन पुराइ पालना अद्द लाउनु पणन्छ।”

१ कोरिन्थी 4:13

हामरो बदनाम हुन्ज्या नम्र भइबर हाम तिननसित बोल्लाउ। अइल सम्म मान्सनले हामलाइ आदर दिनाइन, तिनन भण्नाहान हामरो केइ भाउ आथिन।

प्रेरित 21:28

तिनन यिसो भणबर कला हाल्ल पस्या, “हे इस्राएल देशका मान्सन हो, सहयोग अर, मान्सनलाइ जाँ पायो ताँइ हामरा जातिलाइ मोशाको कानुन जन माण रे मन्दिरमि पुजा जन अर भण्न्या शिक्षा दिन्या यइ मान्स हो, इति मान्तर होइन, यइले गैर-यहुदि मान्सनलाइ लगइ मन्दिर भित्तर लेइबर यइ पबित्र ठाउलाइ असुद्द पाण्यो।”

प्रेरित 5:17

यहुदि प्रधान पुजारि रे तिनसित हुन्या सब (जो सदुकीको समुह थ्या) डाहाले भरिबर येशू ख्रीष्टका छान्या शिष्याका बिरोधमी खडा भया,

लूका 23:2

तिननले उनलाइ इसो भणबर दोस लाउन पस्या, “यइ मान्सले हामरा मान्सनलाइ रोमी सरकारका बिरुद्दमि बहकाउन्नारया हामले भेट्या। यइले सम्राटलाइ कर तिद्द बठेइ हामलाइ रोकन्छ, आफइलाइ ‘म ख्रीष्ट, एक राजा हु’ भणि भणन्छ।”

१ पत्रुस 2:19

क्याकि यदि हामरो गल्ती नभया लगइ हामले खालीसार दुःख सनाउ, रे परमेश्वरले सब कुरणी जाण्नाहान भणि हाम सोच्चाउ भण्या, परमेश्वर हामसित खुशी हुनाहान।

१ कोरिन्थी 11:19

तर पक्‍कालगइ, तमरा बिचमि फाटो हुनु पणन्छ, ताकि परमेश्वर बठेइ ग्रहण भया मान्सन को हुन भणबर चिन्न सकियोस!

प्रेरित 22:22

तिन मान्सनले पावलकि कुरणी याँ सम्म मान्तर सुण्यो, रे यिसो भण्नाइ उन जोरले कला हाल्ल पस्या, “यिसो मान्सलाइ मार। क्याकि त्यो बाच्या लायकको आथिन।”

प्रेरित 6:13

तइ पछा तिननले स्तिफनसको बिरुद्दमि झुटो गवाही दिन्या मान्सन लेया रे तिननले भण्यो, “यइ मान्सले पबित्रस्थान रे मोशाको कानुन बिरुद्दमि कुरणी बोल्ल छाडेइन।

लूका 23:25

तिनले तइ बरब्बालाइ छाडिदियो, जो बिद्रोह रे हत्याको अरोपमि झेल पड्या थ्यो। तसइलाइ छाडिदिय भणबर तिननले माग अर्याथ्यो। तर येशूलाइ कोर्रा लाइबर क्रुसमि माद्दालाइ रोमी सिपाइलाइ सुम्पिदियो।

लूका 23:19

बारब्बा सहरमि भया कसइ बिद्रोह रे हत्याको अरोपमि झेलमि थुनिरइथ्यो।

लूका 23:5

तर तिननले बडा जोर दिबर भण्यो, “उन यहुदिया जिल्लाका सब मान्सनका बिचमि आफ्नो शिक्षा बठेइ दङगाका कारण भया छन। उनले गालील जिल्लामि दङगा सुरु अर्यो रे आब याँ आया छन।”

मत्ती 10:25

शिष्या आफना गुरु जसो रे नौकर आफना मालिक जसो हुनु भौत छ। यदि तिननले आफना मालिकसित ननिको ब्यबहार अद्दान रे उइलाइ सैतान भण्नाहान भण्या, तिननले उइका नौकरसित झिक कति बड्ता ननिको ब्यबहार अद्दान।

मत्ती 2:23

तिनन गइबर नासरत भण्न्या गाउँमी बस्या। यिसेरी अगमबक्ता बठेइ येशूका बारेमि बोल्या बचन पुरा भयो, तबइकिलाइ उनलाइ नासरत गाउँको बासिन्दा भणिन्छ।

मर्कुस 1:24

उतनजेइ तइले जोरले बोलिबर भण्यो, “हे नासरत गाउँका येशू! तम हामलाइ क्याकि असजि अद्दाछौ? कि तम हामलाइ नास पाड्डाइ आया हौ? म तमलाइ पछेण्नउ, तम को हउ? तम मान्तर पबित्रजन हौ जो परमेश्वरका वाँ बठेइ आया हउ।”

प्रेरित 24:4

तर म हजुरको बड्ता समय लिन चाहानइन, पइलगइ हामरो बिन्ति छोटकरीमी सुणि दिय।

प्रेरित 25:7

तिन आया पछा यरुशलेम सहर बठेइ आया यहुदि अगुवान तिनरा वलतिर पलतिर कल्लिया, रे पावलका बिरोधमी अनेक दोस लायो, तर जइको प्रमाण तिननले दिन सकेइन।