प्रेरित 23:11 - डोटेली नयाँ करार

¹¹ भोलिबारका रात प्रभु येशूले पावलका नजिक कल्लिबर भण्यो, “साहस अर, पावल, क्याकि जसेरि तुइले यरुशलेम सहरमि मेरो गवाही दिइ, तसेरि तुइले रोम सहरमि लगइ गवाही दिनु पणन्छ।”

डोटेलि

¹¹ तइ रात प्रभु पावलका नजिकइ धेकिया रे यसो भुन्‍यो, “हिम्‍मत अर, पावल क्‍यालाइकि जसरि तुइले यरुसलेममि मेरा बिसयमि गवाहि दिइ, तसेरि तुइले रोममिलइ गवाहि दिनुपणन्‍छ।”

प्रेरित 23:11 Referans Kwoze

प्रेरित 19:21

यिन कुरणी भइ सक्या पछा पावल माकेडोनिया प्रदेस रे अखैया प्रदेशका बिश्वासीसित भेट्यो रे तइ पछा यरुशलेम सहरमि जान्या फैसला अर्यो। तिनले भण्यो, “यरुशलेम सहरमि पुग्या पछा म रोम सहरमि जानुइ पणन्छ।”

प्रेरित 18:9

एक रात दर्सनमि प्रभुले पावललाइ भण्यो, “जन डराइ, बोल्लोइ जा, रे चुप जन लागेइ,

२ तिमोथी 4:17

तर प्रभु मेरा पक्षमि थ्या, रे उनले मलाइ बल दियो, ताकि मइले येशू ख्रीष्टका बारेमि सुसमाचार निक्केरि प्रचार अद्द सकु ताकि तिन सब गैर-यहुदि मान्सन जो अदालतमि थ्या, तिनन सबले यो सुण्न सकुन। भोकाया सिंहका मुख बठेइ बच्या जसेरि उनले मलाइ मृत्यु बठेइ बचायो।

मत्ती 14:27

येशूले झट्ट तिननलाइ यिसो भण्यो, “हिम्मत अर, म येशूइ हु, जनडरा।”

फिलिप्पी 1:13

याँ सम्मकि सम्राटका महलमिका चौकीदार सिपाइ रे बाकि जम्माइ मान्सनलाइ यो था भया छ, कि मइले ख्रीष्टको सेवा अर्या हुनाले झेलमि छु।

मत्ती 9:2

केइ मान्सनले एक लुलो मान्स बिस्तरामि येशूका वाँ लेया। येशूले तिनरो बिश्वास धेकिबर तइ लुला मान्सलाइ भण्यो, “चेला, हिम्मत अर। तेरा पाप क्षमा भया छन।”

प्रेरित 22:18

मइले प्रभुलाइ धेक्या रे प्रभुले मलाइ भण्यो, ‘छिटाइ यरुशलेम सहर बठेइ जा, क्याकि मेरा बारेमि तुइले दिया गवाही तिन मान्सन जो अइल याँ छन तिननले स्वीकार अद्द्या होइन।’”

प्रेरित 20:22

आब हेर, म पबित्र आत्माको आज्ञामी यरुशलेम सहरतिर जान्ना छु, ताँ मलाइ कि-कसो पडि आउन्या हो त्यो म केइ जाण्नइन।

प्रेरित 2:25

क्याकि राजा दाउदले येशूका बारेमि भण्नाहान, ‘मइले प्रभुलाइ सदाइ मेराइ अगाडी धेक्या, क्याकि भण्या म तिनन मान्सनसित डराउनइन जो मेरो नक्सान अद्द चाहानाहान।

यूहन्नाले लेख्या सुसमाचार 16:33

मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”

यूहन्नाले लेख्या सुसमाचार 14:18

म तमनलाइ टुहुरा छाड्या आथिन। म तमनका वाँ आजी आउन्या हु।

मत्ती 28:20

तिननलाइ मइले आज्ञा अर्या सब कुरणी पालन अद्द सिका। हेर, म युगको अन्त सम्म सदाइ तमन सित छु।”

लूका 16:28

क्याकि मेरा पाँच भाइ छन, रे म चाहनउ कि त्यो जाओस रे मेरा भाइनलाइ चेतावनी देलो, नत्र भण्या तिनन लगइ यइ कष्टको ठाउँमि आउन्याहुन।’”

प्रेरित 22:15

क्याकि सब मान्सनका अगाडी उनरा निउति तमले जी धेक्या रे सुण्याछौ, तम तइको गवाही हुन्या हौ।

१ कोरिन्थी 9:1

मेरा इच्छा अनसार केइलगइ खानाइलाइ म स्वतन्त्र छु। म एक येशू ख्रीष्टको छान्या शिष्य हु। मइले हामरा प्रभु येशूलाइ धेक्या छु। तमन प्रभुले मलाइ अद्दाइ दिया कामको प्रतिफल हौ।