प्रेरित 2:10 - डोटेली नयाँ करार

¹⁰ पइ फ्रिगिया जिल्ला, पामफिलिया जिल्ला, मिश्र देस रे कुरेनि सहरका नजिकै पड्या लिबिया देशका केइ क्षेत्र रे रोम सहर बठेइ घुम्दु आया मान्सन,

डोटेलि

¹⁰ रे फ्रिगिया, पामफिलिया, मिस्र रे कुरेनिमि पड्‍डया लिबियाका कतिबइ छेत्‍रनबटहइ,

प्रेरित 2:10 Referans Kwoze

प्रेरित 16:6

पबित्र आत्मा बठेइ एसिया प्रदेसमि बचन प्रचार अद्द जन जा भण्या हुनाले पावल, सिलास रे तिमोथी फ्रिगिया जिल्ला रे गलातिया प्रदेस होइबर गया।

प्रेरित 18:23

तिन ताँ केइ दिन बसिबर एन्टिओखिया सहर बठेइ निकलिबर गलातिया प्रदेस रे फ्रिगिया जिल्ला होइबर सब शिष्यालाइ हौसला दिनाइ ठाउँ ठाउँमि गया।

प्रेरित 15:38

तर पावलले मर्कुसलाइ लैजानु ठीक माणेइन, क्याकि तिन पामफिलिया जिल्ला बठेइ तिननसित छुटिबर गइरइथ्या, रे तिननसित काममी गया थेइन।

प्रेरित 13:43

सभा सकिया पछा भौत यहुदि रे यहुदि धर्म माण्न्या मान्सन पावल रे बारनाबासइका पछा लाग्या, रे तिननले उननसित बोल्ला बोल्लाइ तिननलाइ परमेश्वरको अनुग्रहमी रइरया भणि बिन्ति अर्यो।

प्रेरित 13:13

पावल रे तिनरा साथी भाइन पाफोस सहर बठेइ जहाजमि चड़िबर सुरुमि पामफिलिया जिल्लाको पर्गा सहरमि पुग्या, रे मर्कुस भणिन्या यूहन्ना तिनन बठेइ छुटिबर यरुशलेम सहर फर्क्या।

२ तिमोथी 1:17

तर तिन रोम सहर आया रे उइले मलाइ सब ठाउँमि खोज्यो रे मलाइ भेट्यो।

रोमी 1:15

तबइकिलाइ सक्या सम्म तमन रोम सहरमि हुन्यालाइ लगइ सुसमाचार प्रचार अद्द म उत्सुक छु।

प्रेरित 27:5

किलिकिया प्रदेस रे पामफिलिया जिल्लाको पलतिर भया समुद्रका किनारमी पुग्या पछा, हाम लुकिया प्रदेसको माइरा सहरमि आया।

प्रेरित 14:24

पइ पिसिदिया प्रदेस बठेइ होइबर तिनन पामफिलिया जिल्लामि फर्किबर आया।

प्रेरित 11:20

तर तिननमि हइ कोइ-कोइ बिश्वासिन साइप्रस टापु रे कुरेनि सहरका मान्सन थ्या। तिननले एन्टिओखिया सहरमि आइबर ग्रीक भासा बोल्या यहुदिलाइ लगइ प्रभु येशूका बारेमि बचन प्रचार अर्यो।

मर्कुस 15:21

जब तिनन सहर बठेइ बाइर जन्नाथ्या, तब सिमोन नाउको एक मान्स गाउँ बठेइ यरुशलेम सहरमि आउन्नाथ्यो। सिमोन कुरेनि सहरको थ्यो, रे उ सिकिंदर रे रुफसको बा थ्यो। सिपाइले उइलाइ आदेस दियो कि क्रुस उठाइबर तइ ठाउ सम्म लइजाउ, जाँ उन येशूलाइ क्रुसमि मद्द्या हुन।

मत्ती 27:32

जाना जानाइ तिननले सिमोन नामको कुरेनि सहरको मान्स गाउँ बठेइ यरुशलेम सहरमि जान्नारया भेट्यो रे उइलाइ क्रुस उठाइबर तइ ठाउ सम्म लइजानाइ कर अर्यो।

प्रकाश 11:8

तिनन दुइ साक्षिलाइ मार्या पछा, तिनरा लास ताँको ठुलो यरुशलेम सहरको सडकमि राखिया अवस्थामी छाडिन्या हो, जइ सहरको सांकेतिक रुपमि सदोम सहर रे मिश्र देस भणिन्छ। जाँ तिनरा प्रभु क्रुसमि टाङिया हुन।

रोमी 1:7

म यो चिठ्ठी रोम सहरमि भया तमन सबलाइ लेख्दाछु, जइलाइ परमेश्वरले प्रेम अददाहान रे जो उनरा आफ्ना पबित्र मान्स हुनाइलाइ बोलाइया छन: तमनलाइ परमेश्वर हामरा पिता रे प्रभु येशू ख्रीष्ट बठेइ अनुग्रहइ रे सान्ति।

प्रेरित 28:15

रोम सहरका बिश्वासि भाइनले हाम रोम सहरमि आउन्ना छु भणन्या रैबार सुणिबर सब हामलाइ भिट्टाइ रे रोम सहरमि लैजानाइ अप्पियस गाउँका बजार रे तीन-पाटि भण्न्या ठाउँमि आयाथ्या। तिननलाइ धेकिबर पावलले परमेश्वरलाइ धन्यबाद चडायो, रे साहस पायो।

प्रेरित 18:2

तिनले पोन्टस प्रदेसमि बस्या अकिलास नाउँ भया एक जाना यहुदिलाइ भेट्यो। जो पोन्टस प्रदेसमि जन्मया थ्या, तिन आफनी स्वानी प्रिस्किलासित इटालिया प्रदेस बठेइ आइरइथ्या, क्याकि सम्राट क्लौडियसले सब यहुदि मान्सनलाइ रोम बठेइ निकलिबर जान्या आज्ञा दिइराइथ्यो। पावल तिननलाइ भेट्टाइ कोरिन्थ सहरमि गया।

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 6:9

तर कोइ-कोइ मान्सनले चाइ स्तिफनसको बिरोध अर्यो, तिनन यहुदि सभाघरका मान्सन थ्या, जइलाइ स्वतन्त्र दल लगइ भणिन्छ रे तिननमि कुरेनि सहर, अलेक्जेन्ड्रया सहर, किलिकिया प्रदेस रे एसिया देशका मान्सन थ्या, तइ पछा तिननले खड़ा होइबर स्तिफनससित वाद-बिबाद अद्द पस्या।

प्रेरित 6:5

यिन कुरणी समुहका सबलाइ मन पड्यो रे एकहठ्ठा भया जम्माइलाइ ठीक लाग्यो, रे तिननले पबित्र आत्मा रे बिश्वासले भरिया स्तिफनस, फिलिप, प्रखरस, निकनोर, तिमोन, पर्मिनास रे एन्टिओखियाका बिश्वासि हुनाहइ पइल्ली यहुदि मत माण्न्या गैर-यहुदि निकोलाउसलाइ छान्यो।

मत्ती 2:15

तिनन राजा हेरोद नमरइय्याँ सम्म ताँइ बस्या। भौत पइल्ली होशे अगमबक्ता बठेइ परमेश्वरले भण्या बचन यिसेरी पुरा भयो, “मइले आफ्नो चेलो मिश्र देस हइ बोलाया।”

प्रेरित 23:11

भोलिबारका रात प्रभु येशूले पावलका नजिक कल्लिबर भण्यो, “साहस अर, पावल, क्याकि जसेरि तुइले यरुशलेम सहरमि मेरो गवाही दिइ, तसेरि तुइले रोम सहरमि लगइ गवाही दिनु पणन्छ।”

मत्ती 23:15

“तमन भयानक समस्यामि छौ! तम मोशाको कानुन सिकाउन्यावाला फरिसि मान्सनको समुह हो, कपटि क्याकि तमन एक जानालाइ आफना मतमि ल्याउनाकिलाइ जा सक्‍कै जान्छौ, रे जब त्यो तमरो सिकाया शिक्षामि बिश्वास अरन्छ, तमले तइलाइ आफलाइ भण्ना दोब्बर नरकमि जानाइलाइ योग्य बनाउन्छौ।”

प्रेरित 2:11

अथवा यहुदि रे गैर-यहुदि मान्सन जइले यहुदि धर्म माण्या थ्या, क्रेट टापुका बासिन्दा रे अरबि देशका मान्सन लगइ छौ, पइ हाम आफना-आफना भासामि परमेश्वरका अचम्मका कामको चर्चा सुण्ना छु।

प्रेरित 17:21

सब एथेन्स सहरका मान्सन रे ताँ बस्या बिदेशी मान्सनले आफ्नो पुरा समय नयाँ-नयाँ कुरणीमि छलफल अरिबर बिताउन्थ्या।