प्रेरित 19:18 - डोटेली नयाँ करार

¹⁸ बिश्वास अद्द्यामि हइ भौत जाना आया रे आफले अर्या ननिका काम सबइ मान्सनका अगाडी स्वीकार अर्यो।

डोटेलि

¹⁸ बिस्‍वास अद्‌द्‌या भउत जना आइबर आफुइले अर्‍या फुचेरा काम सुइकार अर्‍यो।

प्रेरित 19:18 Referans Kwoze

रोमी 10:10

रे हाम आफना हृदयमि बिश्वास अद्दाउ तबइकिलाइ हाम परमेश्वरसित धर्मि ठहरिया छु। रे हाम बिश्वास अददाउ भणि आफ्ना मुखले भण्ना उ, तबइकिलाइ परमेश्वरले हामलाइ बचाया छ।

मत्ती 3:6

रे सबले आफ्ना पापमाणि लिया रे यर्दन नदिमी यूहन्ना बठेइ बप्तिस्मा लियो।

१ यूहन्ना 1:9

यदि हामले आफना पाप परमेश्वरका अगाडी स्वीकार अर्या भण्या उनले हामरा पाप क्षमा अरिदिनाहान, रे सब अधर्म बठेइ हामलाइ सुद्द पाणि दिनाहान, क्याकि उनले सदाइ आफले भण्या अनसार अददाहान रे सदाइ ठीक कुरणी मान्तर अददाहान।

प्रेरित 19:17

पइ यो कुरणी एफिसस सहरमि बस्या सब यहुदि रे गैर-यहुदि मान्सनले लगइ सुण्यो, रे तिनन सब डराया। तिननले प्रभु येशूको नाउँको महिमा अर्यो।

प्रेरित 19:19

टुना-मुना रे झारफुकका बारेमि लेख्या आफना किताब सबका अगाडी ल्याइबर पोल्यो, पइ तिननले पोल्या किताबको मोल जोड्यो रे तिन किताबको मोल पचास हजार चादीका सिक्काको हिसाब भयो।

याकुब 5:16

तबइकिलाइ तमन एक-अर्खाका सामने आफना-आफना पापलाइ स्वीकार अर, ताकि तमन निको हुन सक, रे एक-अर्खाका निउति प्रार्थना अर। धर्मिजनको प्रार्थना सक्तिशाली रे प्रभाबशाली हुन्छ।