प्रेरित 18:28 - डोटेली नयाँ करार

²⁸ क्याकि ताँ तिनले बादबिबाद अरन्ज्या यहुदि मान्सनलाइ सक्तिशाली रुपमि मान्सनका अगाडी गलत साबित अरिबर पबित्र सास्त्र बठेइ यो साबित अर्यो कि येशूइ ख्रीष्ट हुन।

डोटेलि

²⁸ क्‍यालाइकि ताँ भया यहुदिनसित सप्‍पइ मान्‍सका अगाडि छलफल अरन्‍ज्‍या उनुले धर्म- सास्‍त्‍तरको कुरा लिबर प्रभु इसुइ मुक्‍ति दिन्‍या राजा ख्रिस्‍ट हुन भन्‍या कुराको प्रमाण दियो।

प्रेरित 18:28 Referans Kwoze

प्रेरित 18:5

जब सिलास रे तिमोथी माकेडोनिया प्रदेस बठेइ आइपुग्या, पावल पाल बनाउन्या काम छाडिबर बचन प्रचारमि लागिरन्थ्या, रे यहुदि मान्सनलाइ येशूइ ख्रीष्ट हुन भणि तिन सिकाउथ्या।

प्रेरित 9:22

शाउल आत्मिक रुपमि आजी बड्ता सक्तिशाली हुनाइ गया, रे येशूइ ख्रीष्ट हुन भण्न्या प्रमाण दिइबर दमस्कस सहरमि रन्या यहुदि मान्सनलाइ अकमक्‍क पाडदियो।

लूका 24:44

उनले तिननलाइ भण्यो, “तमनसित हुन्ज्या मइले बोल्या बचन यिनइ हुन, मोशाको कानुन, अगमबक्ता रे भजनका किताबमी मेरा बारेमि लेखिया सब कुरणी सत्य हुनुइ पणन्छ।”

प्रेरित 17:3

ख्रीष्टलाइ अवश्य दु:ख भोग्दु रे मर्या बठेइ जिउना हुनु पणन्थ्यो, रे तिनइ येशूको बारेमि म तमनलाइ सुणाउनउ, उनइ ख्रीष्ट हुन भण्न्या कुरणीको मतलब खोलिबर तिनले साबित अरदियो।

यूहन्नाले लेख्या सुसमाचार 5:39

तमन पबित्र सास्त्रमि पढन्छौ, क्याकि ताँ अनन्त जीवन पाइन्छ भणि तमन सोच्नन्छौ। मेरा बारेमि गवाही दिन्या तिनइ पबित्र सास्त्र हुन,

लूका 24:27

येशूले तिननलाइ पबित्र सास्त्रमि मोशाले लेख्या कानुन बठेइ सुरु अरिबर सब अगमबक्ता सम्म, आफना बारेमि लेखिया सब कुरणीको ब्याख्या अर्यो।

प्रेरित 18:25

तिनले प्रभुका बारेमि शिक्षा पाइराइथ्यो, रे आत्मामी उत्साहित होइबर तिनले येशूका बारेमिका कुरणी ठीक-ठीकसित बोल्या रे सिकाउन्या अरन्थ्या। पइलगइ तिनले यूहन्नाले दिया बप्तिस्मा मान्तर जाणिराइथ्यो।

लूका 1:80

रे बालक बुद्दिले भरिबर बड्डाइ रे बलियो भयो। उनले इस्राएल देशका मान्सनलाइ प्रचार नअरनज्या सम्म उन एकान्त ठाउँमि बस्या।

प्रेरित 8:35

तब फिलिपले भण्न सुरु अर्यो, रे पबित्र सास्त्रको इसइ खण्ड बठेइ तइलाइ येशूको सुसमाचार सुणायो। तिन ठुला हाकिमले बुज्यो रे येशूमि बिश्वास अर्यो।