प्रेरित 18:26 - डोटेली नयाँ करार

²⁶ तिन यहुदि सभाघरमी साहससित बोल्ल पस्या। तर तिनले बोलेइ कुरणी सुणिबर प्रिस्किला रे तइका बैकान अकिलासले तिनलाइ आफना घर लेयो, रे तिनले परमेश्वरको मुक्तिको तरिकालाइ नीकेरि भणबर तिननलाइ सम्जाइ दियो।

डोटेलि

²⁶ उनुले यहुदिनका सभाघरमि डर नमाणिबर सिछ्‍या दिन लाग्‍या, रे उनरो सिछ्‍या सुनिबर प्रिस्‍किला रे अकिलासले उनलाइ आफना घरमि लइया। रे परमेस्‍वरले धेकाया जिबन दिन्‍या बाटाका बारेमि निकेरि बुजाइदियो।

प्रेरित 18:26 Referans Kwoze

हिब्रु 6:1

ख्रीष्टका बारेमि हामले सिक्या प्राथमिक शिक्षालाइ मान्तर नमाणिबर बिश्वासमि परिपक्क्व हुन्या शिक्षा तिर लागउ। हाम प्राथमिक शिक्षा तिर जनफर्कु जो जग जसोइ हो, त्यो भण्याको मृत्यु तिर लइजान्या पाप अद्द छाडिबर परमेश्वरतिर फर्कन्या रे परमेश्वरमि बिश्वास अद्द्या बारेमिको शिक्षा हो।

१ कोरिन्थी 12:21

आँखाले हातलाइ “मलाइ तेरो जरुरत आथिन” भण्न सक्दइन, रे मुन्टाले लगइ खुट्टालाइ “मलाइ तमरो जरुरत आथिन” भण्न सक्दइन।

प्रेरित 18:25

तिनले प्रभुका बारेमि शिक्षा पाइराइथ्यो, रे आत्मामी उत्साहित होइबर तिनले येशूका बारेमिका कुरणी ठीक-ठीकसित बोल्या रे सिकाउन्या अरन्थ्या। पइलगइ तिनले यूहन्नाले दिया बप्तिस्मा मान्तर जाणिराइथ्यो।

प्रेरित 14:3

प्रभुका निउति साहससित बोल्लाइ भौत बेर सम्म पावल रे बारनाबास ताँइ रया। प्रभुले तिनन बठेइ चमत्कारी चिन्ह रे अचम्मका काम अराइबर तिननले यो साबित अर्यो कि यइ अनुग्रहका बारेमि तिनरो सन्देश साच्ची थ्यो।

२ पत्रुस 3:18

तर तमन लगातार हामरा प्रभु रे मुक्तिदाता येशू ख्रीष्टको अनुग्रह भौत भण्ना भौत अनुभव अददु पणन्छ, रे उनरा बारेमि तमरो बुजाइ बड्डु पणन्छ। उनलाइ अइल रे सदासर्वदा प्रसंसा होउ। आमेन।

१ कोरिन्थी 3:18

आफइलाइ धोका दिन छाड। यदि तमन यइ संसारका नजरमि आफलाइ बुद्दिमान सम्जन्छौ भण्या, तमनले यइ संसारका नजरमि आफलाइ मुर्ख बनाउनु पणन्छ, ताकि तमन परमेश्वरका नजरमि साच्ची बुद्दिमान बन्न सक।

प्रेरित 28:23

तब यहुदि मान्सनले पावलकि निउति एक दिन तोक्दियो, रे भौत संख्यामि मान्सन तिनरा डेरामि आया। तिनले तिननलाइ परभात बठेइ बसाइतक सम्म परमेश्वरको राज्यका बारेमि शिक्षा दियो, रे मोशाको कानुन रे अगमबक्तानका किताब बठेइ परमेश्वरका राज्यका बारेमि गवाही दियो, पइ येशूका बारेमि सम्जाइबर तिननलाइ बिश्वासमि ल्याउनु खोज्यो।

प्रेरित 8:31

तब तिनले भण्यो, “कसइले नभणेइ म कसेरी बुज्ज सक्दउ?” पइ तइले फिलिपलाइ रथामि चड़ाइ आफसित बस्साइ बिन्ति अर्यो। रे उ रथामि चड्यो।

यूहन्नाले लेख्या सुसमाचार 7:17

यदि कसइ मान्सले परमेश्वरको इच्छा पालन अद्द चाहान्छ भण्या, तिननले यो मेरो शिक्षा परमेश्वर बठेइ आया हो, कि मेरा आफनाइ तिरको हो त्यो उइले जाणन्छ।

लूका 24:27

येशूले तिननलाइ पबित्र सास्त्रमि मोशाले लेख्या कानुन बठेइ सुरु अरिबर सब अगमबक्ता सम्म, आफना बारेमि लेखिया सब कुरणीको ब्याख्या अर्यो।

लूका 19:26

म तमनलाइ भण्नउ, जइले बुज्जया इच्छा अरन्छ तइलाइ परमेश्वरले बुज्जया सक्ति दिनाहान, रे जइले बुज्जया इच्छा अद्दइन कि म कि सिकाउन्नाछु, तइको बुज्जया सक्ति परमेश्वरले खोस्साहान।

मर्कुस 10:15

साँच्चि म तमनलाइ भण्नउ, जइले परमेश्वरको राज्यलाइ नाना बालक जसइ ग्रहण अरन्छ, त्यो पक्‍का परमेश्वरको राज्यमि जान्या छ।”

१ कोरिन्थी 8:2

यदि तमनलाइ केइ था छ भणन्या कसइलाइ लगन्छ भण्या, अइल सम्म तइले साच्ची जाण्नु पड्डया कुरणी केइलगइ जाणन्या हुनइन।

प्रेरित 18:18

तइ पछा पावल भौत दिन सम्म कोरिन्थ सहरमि बस्या। तब भाइनसित बिदा होइबर तिन जहाजमि चडिबर सिरिया प्रदेसमि गया। तिनसित प्रिस्किला रे तइका बैकान अकिलास लगइ थ्या। केइ समय पइल्ली बाचा अर्या हुनाले पावलले किंक्रिया सहरमि आफना रौ खुडेयो।

प्रेरित 19:8

पावल यहुदि सभाघर भितर गया रे तीन मैना सम्म नडराइबर मान्सनलाइ शिक्षा दियो। उनले परमेश्वरको राज्यको बारेमि तिननसित वाद-बिबाद अर्यो रे तिननलाइ बिश्वासका बारेमि बुजाइराख्यो।