प्रेरित 18:2 - डोटेली नयाँ करार

² तिनले पोन्टस प्रदेसमि बस्या अकिलास नाउँ भया एक जाना यहुदिलाइ भेट्यो। जो पोन्टस प्रदेसमि जन्मया थ्या, तिन आफनी स्वानी प्रिस्किलासित इटालिया प्रदेस बठेइ आइरइथ्या, क्याकि सम्राट क्लौडियसले सब यहुदि मान्सनलाइ रोम बठेइ निकलिबर जान्या आज्ञा दिइराइथ्यो। पावल तिननलाइ भेट्टाइ कोरिन्थ सहरमि गया।

डोटेलि

² ताँ उनुले पोन्‍टस देसका अकिलास नाउँ भया एक जना यहुदि भिट्‍यो, तिन इटालिया देसबटहइ आफ्‍नि स्‍वाइनि प्रिस्‍किलासित आया थ्‍या, क्‍यालाइकि माहाराजा क्‍लोडियसले सप्‍पइ यहुदिनलाइ रोमबटहइ निकलबर जान्‍या आग्‍या दिया थ्‍यो। पावल तिनुनलाइ भेट अद्‍द गया।

प्रेरित 18:2 Referans Kwoze

२ तिमोथी 4:19

प्रिस्किला रे उइको लोगन्या अकिलासलाइ रे ओनेसिफरसको परिवारलाइ मेरो अबिबादन भणिदिय।

१ कोरिन्थी 16:19

एसिया प्रदेशका मण्डलिमि भया बिश्वासीनले तमनलाइ अबिबादन पठाया छन। अकिलास रे तइकि स्वानी प्रिस्किलाले रे तिनरा घरमि जम्मा हुन्या मण्डलिले प्रभुमि तमनलाइ हार्दिक अबिबादन पठाया छन।

प्रेरित 18:26

तिन यहुदि सभाघरमी साहससित बोल्ल पस्या। तर तिनले बोलेइ कुरणी सुणिबर प्रिस्किला रे तइका बैकान अकिलासले तिनलाइ आफना घर लेयो, रे तिनले परमेश्वरको मुक्तिको तरिकालाइ नीकेरि भणबर तिननलाइ सम्जाइ दियो।

प्रेरित 11:28

तिननमि हइ अगाबस नाउँ भया एक जाना भबिष्यवक्ता कल्लिबर सारा संसारमी ठुलो अनिकाल पड्डाइ बटिरइछ भण्न्या पबित्र आत्मा बठेइ भविष्यवाणी बोल्यो। त्यो अनिकाल सम्राट क्लौडियसको सासनकालमि पड्यो।

प्रेरित 18:18

तइ पछा पावल भौत दिन सम्म कोरिन्थ सहरमि बस्या। तब भाइनसित बिदा होइबर तिन जहाजमि चडिबर सिरिया प्रदेसमि गया। तिनसित प्रिस्किला रे तइका बैकान अकिलास लगइ थ्या। केइ समय पइल्ली बाचा अर्या हुनाले पावलले किंक्रिया सहरमि आफना रौ खुडेयो।

प्रेरित 2:9

हाममि हइ कोइ मान्सन पार्थिन, मादिन, रे एलामीन, रे मेसोपोटामिया देशका, यहुदिया, कापाडोकिया, पोन्टस रे एसियाका बासिन्दा छौ।

१ पत्रुस 1:1

यो चिठ्ठी येशू ख्रीष्टको छान्या शिष्य पत्रुस बठेइ हो। यो चिठ्ठी परमेश्वरका चुनिया मान्सनकि निउति लेखिया हो, जो परदेशी जसाइ भइबर पोन्टस, गलातिया, कापाडोकिया, एसिया रे बिथिनिया प्रदेशका बिभिन्न सहरमि बस्साहान।

प्रेरित 27:1

जब ठुला हाकिम फेस्तसले समुद्रको यात्रा बठेइ हामलाइ इटालिया प्रदेसको रोम सहरमि जानु पणन्छ भणि पक्‍का भया तब तिननले पावल रे और केइ कैदीलाइ सम्राट अगस्टसको फौजको युलियस नाउँ भया कप्तानका जिम्मा लाइदियो।

प्रेरित 27:6

ताँ कप्तान युलियसले इटालिया प्रदेस जान्या अलेक्जेन्ड्रिया सहरको एक जहाज भेट्या, रे उनले हामलाइ तइ जहाजमि चडाइदियो।

हिब्रु 13:24

तमरा सब अगुवान रे सब परमेश्वरका मान्सनलाइ अबिबादन दिय। इटालिया प्रदेस बठेइ आया बिश्वासीनले तमनलाइ अबिबादन पठाइराइछन।