प्रेरित 17:28 - डोटेली नयाँ करार

²⁸ क्याकि “उन हामसित छन, ताकि हाम उनमी जिउनाउ, रे उनमी इथउथ अद्दाउ रे उनमी हामरो अस्तित्व छ।” ठीक तसेरि जसेरि तमरा आफनाइ कबिले लगइ भणिराइछ, “हाम पक्‍का उनराइ सन्तान हौ।”

डोटेलि

²⁸ क्‍यालाइकि हाम उनइमि जिउनाउ, रे उननइमि हलचल अद्‌दाउ, उनइमि हामरो अस्‍तित्‍व छ। यइ बिसमि तमरा एक जना कबिले लइ इसेरि भुन्‍याछन्। “साँच्‍चि हाम उनराइ सन्‍तान हउ।”

प्रेरित 17:28 Referans Kwoze

कलस्सी 1:17

सब चिज सृष्टि हुनु भण्ना अगाडी, ख्रीष्ट पइल्ली थ्या। उनइले सब चीजलाइ व्यवस्थित रुपमि काम अद्दया बनाउनाहान।

हिब्रु 1:3

उनले हामलाइ पूरारुपमी परमेश्वरका महिमा धेकाउनाहान रे उन परमेश्वरका स्वभाबका सत्य प्रतिरुप हुन, रे सारा संसारलाइ आफना सक्तिशाली बचनले समाल्लाहान। मान्सनलाइ पाप बठेइ क्षमा दिन्या काम सक्या पछा महिमित परमेश्वरको दाइँन बाहुलि तिर उच्च सम्मानका ठाउँमि उन विराजमान भया।

लूका 20:38

रे उन तिन मान्सनका परमेश्वर हुन जो जिउना छन! क्याकि सब चिज उनराइ निउति जिउना छन।

यूहन्नाले लेख्या सुसमाचार 5:26

क्याकि जसेरि पिता आफइमी जीवन छ, उसेरी उनले चेलोलाइ लगइ आफइमी जीवनको स्रोत हुन्या अधिकार दिइराइछ।

यूहन्नाले लेख्या सुसमाचार 11:25

येशूले तइलाइ भण्यो, “म तेइ हु, जो मर्या बठेइ जिउना बनाउनउ रे जइले जीवन दिन्छ। मलाइ बिश्वास अद्द्या मर्या लगइ जिउनो हुन्या हो।

हिब्रु 12:9

रे हामरा शारीरिक बाले लगइ हामलाइ अनुशासनमि राख्यो, रे हामले तिनरो आदर अददाउ। तबइकिलाइ हामरा आत्मिक बाका अधिनमी बस्सु झिक भौत महत्वपूर्ण छ, ताकि हामले अनन्त जीवन पाउन सकु।

लूका 3:38

केनान एनोशका चेला, एनोश शेतको चेला, शेत आदमका चेला, आदम परमेश्वरका चेला थ्या।

तितस 1:12

क्रेट टापुका बासिन्दा एक जानो जो बुद्दिमान थ्यो, तइले भण्यो, “क्रेट टापुका मान्सन सदाइ झुटि बोल्लाहान। तिनन जंगली जनावरका जसोइ ब्यबहार अददाहान। तिनन अल्छी छन रे खद्दवा छन।”

हिब्रु 2:11

क्याकि पाप बठेइ सुद्द बनाउन्या रे पाप बठेइ सुद्द भया सबका पिता अथवा परमेश्वर एकइ हुन। तबइकिलाइ येशू तिननलाइ भाइन रे बइनि भण्नाइमि सरम माण्नाइन।