प्रेरित 17:1 - डोटेली नयाँ करार

¹ पावल रे सिलास अम्फिपोलिस गाउँ रे अपोल्लोनिया गाउँको बाटो होइबर थेसलोनिके सहरमि आया। ताँ एक यहुदि सभाघर थ्यो।

डोटेलि

¹ पावल रे सिलास अम्‍फिपोलिस रे अपोल्‍लोनिया सहरबटहइ भइबर थेसलोनिके सहरमि आया। ताँ यहुदिनको एक सभाघर थ्‍यो।

प्रेरित 17:1 Referans Kwoze

फिलिप्पी 4:16

इसेरि जब म थेसलोनिके सहरमि थ्या, तब मलाइ सहयोग चाइया बेला तमनले दुइ बेर मलाइ भेटी पठाइबर सहयोग अर्या।

१ थेसलोनिकि 1:1

यो चिठ्ठी म पावलसित भया, सिलास रे तिमोथी बठेइ हो। हाम थेसलोनिके सहरका बिश्वासिनलाइ लेख्दाछु, जो पिता परमेश्वर रे प्रभु येशू ख्रीष्टका हुन। म प्रार्थना अद्दउ कि परमेश्वरले तमनकीलाइ अनुग्रही होउन रे तमनलाइ सान्ति दिउन।

२ थेसलोनिकि 1:1

यो चिठ्ठी म पावलसित भया, सिलास रे तिमोथी बठेइ हो। हाम थेसलोनिके सहरका बिश्वासिनलाइ लेख्दाछु, जो पिता परमेश्वर रे प्रभु येशू ख्रीष्टका हुन।

प्रेरित 20:4

तब बेरिया सहरमि बस्सया पुरसको चेलो सोपात्रोस, थेसलोनिके सहर बठेइ अरिस्तार्खस रे सिकन्दस, डर्बि सहरका गायस, लुस्त्रा सहर बठेइ तिमोथी रे एसिया प्रदेशका तुखिकस रे त्रोफिमस तिनसित गया।

२ तिमोथी 4:10

क्याकि डेमासले यइ संसारमी भया चीजलाइ प्रेम अरन्छ रे मलाइ त्यागिबर उ थेसलोनिके सहरमि गया छ, भाइ क्रेसेन्स गलातिया प्रदेशमि गया छ, रे तीतस दलमातिया प्रदेशमि गया छ।

प्रेरित 27:2

एड्रामिटेनोस सहर बठेइ एसिया प्रदेशका भौत बन्दरगाह भइबर जान्या एक जहाजमि चडिबर हामले यात्रा सुरु अर्या। माकेडोनिया प्रदेसको थेसलोनिके सहरका अरिस्तार्खस नाउँ भया एक जानो मान्स हामसित थ्यो।

प्रेरित 17:13

तर जब परमेश्वरको बचन पावलले बेरिया गाउँमी लगइ प्रचार अर्या थेसलोनिके सहरका यहुदि मान्सनले था पायो, तब उन ताँ लगइ मान्सनलाइ खलबल मचाउनाइ पुग्या।

प्रेरित 17:11

ताँका यहुदि मान्सन थेसलोनिके सहरका मान्सन हइ भौत निका थ्या, तिननले परमेश्वरको बचन खुशी भइबर सुण्यो, पावलले भण्या कुरणी ठीक छ कि आथिन भणबर तिननले दिना दिन पबित्र सास्त्र पडिबर छानबिन अरन्थ्या।

प्रेरित 16:13

आब बिश्राम दिनमि सहरका ढोका बठेइ बाइर नदिका किनार गया, क्याकि ताँ यहुदि मान्सन प्रार्थना अद्द्या ठाउँ छ भणि हामले अनुमान लाइराइथ्या, रे ताँइ हाम बस्या रे जम्मा भएइ स्वानीनसित कुरणीकानी अद्द पस्या।

प्रेरित 15:21

क्याकि पइल्लिका पुस्ता बठेइ गाउँ-गाउँमी मोशाको कानुन प्रचार होइरइछ, क्याकि यो हरेक यहुदि सभाघरमी हरेक बिश्राम दिनमि पणन्छ।”

प्रेरित 14:1

आब आइकोनियन सहरमि यिसो भयो, पावल रे बारनाबास यहुदि सभाघर भितर पस्या रे यिसेरी बोल्या कि यहुदि रे गैर-यहुदि मान्सन बठेइ भौतले येशू ख्रीष्टमी बिश्वास अर्यो।

प्रेरित 17:10

भाइनले उतन्जेइ पावल रे सिलासलाइ राता रात बेरिया गाउँमी पठाइदियो, पइ जब तिनन ताँ पुग्या तब तिनन यहुदि सभाघर भितरि पस्या।

१ थेसलोनिकि 2:2

हाम तमरा वाँ आउना हइ पइल्ली फिलिप्पी सहरमि भौत कष्ट भोग्या रे ताँका मान्सनले हामरो अपमान अर्या यिन सब कुरणी तमनलाइ थाइछ, रे थेसलोनिके सहरका मान्सनले घोर बिरोध अर्या लगइ हामरा परमेश्वरले हामलाइ नडराइबर तमनलाइ यो सुसमाचार प्रचार अद्दाइ सहयोग अर्याथ्यो।