प्रेरित 15:32 - डोटेली नयाँ करार

³² यहूदा रे सिलास आफइ लगइ अगमबक्ता भया हुनाले बिश्वासि भाइनलाइ भौत बचन बठेइ उत्साह दिइबर तिननलाइ तकड़ा बनायो।

डोटेलि

³² यहुदा रे सिलास आफुइलइ अगमबक्‍ता भया हुनाले बिस्‍वास अद्‌द्‌या दाइभाइनलाइ बचनबटहइ भउत अर्ति दिबर तिनुनलाइ बलिया बनायो।

प्रेरित 15:32 Referans Kwoze

प्रेरित 11:23

तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

१ पत्रुस 5:12

सिलासका सहयोगले मइले यो छोटो पत्र तमनलाइ लेखिबर पठाया छु। ख्रीष्टमी म उइलाइ बिश्वासयोग्य भाइ सम्झनउ। मेरो चिठ्ठी लेख्दुको उद्देश्य तमनलाइ उत्साह दिनु रे निश्चित अददु हो कि तमनले अनुभव अददार्या तमरा निउति परमेश्वरको अनुग्रह हो। यइ अनुग्रहमी दृढ होइबर खडा होउ।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

१ पत्रुस 5:1

म तमन ताँका मण्डलिका अगुवानलाइ लगइ केइ भणन्न चाहानउ क्याकि म लगइ तमन जसोइ एक अगुवा हु। म आफइले ख्रीष्टले भौत समय अगाडी पाया कष्ट धेक्या छु। जब उन आजी फर्कि आउन्याहुन, म लगइ उनरो महिमामि साजेदार हुन्या हु। आब म तमनलाइ आग्रह अद्दउ,

२ तिमोथी 4:2

कि तुइले परमेश्वरका बचनको प्रचार अर, परिस्थिति असल रे खराब जी भया लगइ यइलाइ प्रचार अददाइ तयार बस। तुइले मान्सनले अर्या गल्ती धेकाउनु पणन्छ, रे तिनरा पापकिलाइ तिननलाइ हप्काउनु पणन्छ। तर तुइले धैर्यसित मान्सनलाइ सिकाउङया उत्साह लगइ दे।

१ तिमोथी 2:1

सब कुरणी भण्ना महत्वपूर्ण म बिन्ति अद्दउ कि सब मान्सनका निउति परमेश्वरलाइ नम्र-निबेदन, प्रार्थना रे मध्यस्थ बिन्ति रे धन्यबाद दिय।

२ थेसलोनिकि 3:12

इसा मान्सनलाइ प्रभु येशू ख्रीष्टले हामलाइ दियाको अधिकार बठेइ हाम आज्ञा रे अर्ति दिनाउ, कि तिननले चुपचाप आफना काम अरुन रे आफ्नो जीवन चलाउन पैसा कमाउन।

१ थेसलोनिकि 5:20

यो जन सोच कि परमेश्वरले आफना मान्सनलाइ दिया अगमबाणी बिना कामको हो।

१ थेसलोनिकि 5:14

बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।

१ थेसलोनिकि 4:1

निष्कर्ष यो हो कि बिश्वासि भाइन हो, प्रभु येशूमि हाम तमनलाइ आग्रहपुर्वक बिन्ति अद्दाउ रे माग्दाउ कि परमेश्वरलाइ भौत खुशी बनाउन्या जीवन बिता, जसेरि हामले तमनलाइ सिकायाछौ। तमनले पइल्ली बठेइ इसेरि जीवन बितायाछौ, रे हामले तमनलाइ झिक बड्ता अददाइ उत्साह दिनाउ।

१ थेसलोनिकि 3:2

रे तमनलाइ बिश्वासमि स्थिर अराउनाइ रे उत्साह दिनाइ, परमेश्वरमि ख्रीष्टका सुसमाचारको सेवक हामरा सहकर्मी भाइ तिमोथीलाइ हामले तमरा वाँ पठाया।

१ थेसलोनिकि 2:11

क्याकि तमनलाइ थाइछ, बाले आफना चेला चेलीलाइ जसेरि हामले तमनसित ब्यबहार अर्या।

एफिसी 3:5

यो गोप्य योजना अगाडीका पुस्ताका मान्सनलाइ प्रकट अर्या थेइन, तर उनले आब पबित्र आत्मा बठेइ येशू ख्रीष्टका छान्या शिष्या रे अगमबक्तालाइ प्रकट अर्याछ।

१ कोरिन्थी 14:32

परमेश्वरको बचन बोल्लया अगमबक्ता आत्मानियंत्रण हुन्छ: चाइ उ बोलउ अथवा चुप लागउ।

१ कोरिन्थी 14:29

अगमबाणी बोल्ल्या दुइ अथवा तीन जाना होउन, रे औरले तिननले बोलेकि कुरणी निक्केरि जाँच अरुन।

१ कोरिन्थी 14:3

तर अगमबाणी बोल्या हरेकले मान्ससित बोलन्छ। तिनरा आत्मिकि उन्नति, उत्साह रे सान्त्वनाकि निउति बोलन्छ।

१ कोरिन्थी 1:8

हामरा प्रभु येशू ख्रीष्ट फर्कि आउन्या दिनमि तमन दोस रहित होउ भणबर परमेश्वरले तमनलाइ अन्त सम्म बिश्वासमि बालियो बनाउन्या हुन।

रोमी 12:8

उत्साह दिन्याले उत्साह दिन्या काममी, दान दिन्या बरदान भयाले उद्दार-चित्तले दान दिन्या काममी, अगुवा हुन्या बरदान भयाले गम्भीर भइबर अगुवाइ अद्द्या काममी, दयाको काम अद्द्याले खुसीसित तइ काम अरउ।

रोमी 12:6

परमेश्वरले हामलाइ दिया अनुग्रह अन्सार अलग-अलग बरदान हाम प्रयोग अरौ। अगमवाणीको हो भण्या, उइले त्यो सब्द बोल्लु पणन्छ जो परमेश्वर उइलाइ भण्या छ भणि उइले बिश्वासको अरन्छ।

प्रेरित 20:2

तइ प्रदेशमि गइबर तिननलाइ भौत उत्साह दिया पछा तिन ग्रीस प्रदेशमि गया, जइलाइ अखैया प्रदेस लगइ भणिन्छ।

प्रेरित 18:23

तिन ताँ केइ दिन बसिबर एन्टिओखिया सहर बठेइ निकलिबर गलातिया प्रदेस रे फ्रिगिया जिल्ला होइबर सब शिष्यालाइ हौसला दिनाइ ठाउँ ठाउँमि गया।

प्रेरित 15:41

आजी तिनन सिरिया प्रदेस रे किलिकिया प्रदेसमि गया, रे मण्डलिका बिश्वासिनलाइ उत्साह दिनाइ गया।

प्रेरित 15:22

तब छान्या शिष्या, मण्डलिका अगुवान रे यरुशलेम सहरका सब मण्डलि मिलिबर आफना बिच बठेइ केइ मान्सनलाइ छानिबर पावल रे बारनाबाससित एन्टिओखिया सहरमि भया मण्डलिमि पठाउनाइ ठीक माण्यो, रे बिश्वासि भाइनमि हइ भौत सम्मान पाया मान्सन यहूदा भणिन्या बारनाबास रे सिलासलाइ छान्यो।

प्रेरित 15:1

आब केइ यहुदि बिश्वासीनले यहुदिया जिल्ला बठेइ एन्टिओखिया सहरमि आइबर बिश्वासि भाइनलाइ यिसो सिकाउन पस्या, “तमनले मोशाको कानुनको अन्सार खतना अर्यानु भण्या तमनले उद्दार पाउन सक्दाहान।”

प्रेरित 11:27

तसइ बेला कोइ बिश्वासि जो भबिष्यवक्तान थ्या, तिनन यरुशलेम सहर बठेइ एन्टिओखिया सहरमि आया।

प्रेरित 2:40

और बड्ताइ कुरणी बठेइ पत्रुसले तिननलाइ बार-बार गवाही भण्यो, रे यिसो भणबर अर्ति दियो, “यइ दुष्ट पुस्ता बठेइ तमनले आफइलाइ बचा।”

लूका 11:49

तबइकिलाइ परमेश्वरको बुद्दिले लगइ भणन्छ, म तमन वाँ अगमबक्ता रे छान्या शिष्य पठाउन्या हु। उननमि हइ कसइलाइ तिनन माद्दया हुन रे कसइलाइ सताउन्याहुन।

मत्ती 23:34

तबइकिलाइ, हेर, म तमरा वाँ अगमबक्तान, बुद्दिमान मान्सन रे मोशाको कानुन सिकाउन्यावालालाइ पठाउनउ। तिन मध्ये कति जनालाइ तमनले माद्याहउ रे क्रुसमि टाँग्द्या हौ। रे कति जनालाइ आफना यहुदि सभाघरमी कोर्रा हाण्न्याहौ, रे तिननलाइ सहर बठेइ सहर खेद्द्याहौ।

प्रेरित 15:3

मण्डलिका मान्सनले तिननलाइ रुप्प्या रे खानाइ दिइबर ताँ बठेइ बिदा अर्यो। तिनन फोनिके जिल्ला रे सामरिया जिल्ला बठेइ होइबर जान्ज्या कसेरी गैर-यहुदि मान्सनलाइ सुसमाचार सुणाइबर बिश्वासि बन्नाछन भणन्या कुरणी सुणबर सब भाइन भौत खुशी भया।

प्रेरित 15:27

तबइकिलाइ हामले यहूदा रे सिलासलाइ पठाइराइछौ। तिननले तेइ कुरणी भेटीबर बताउन्या हुन।

प्रेरित 15:31

चिठ्ठीमि भएइ उत्साहकि कुरणी पडिबर तिनन खुशी भया।