प्रेरित 14:23 - डोटेली नयाँ करार

²³ पइ हरेक मण्डलिमि तिनरा निउति मण्डलिका अगुवान नियुक अरिबर उपवास रे प्रार्थना अरिबर तिननलाइ प्रभु येशूलाइ सुम्पिदियो। जइमि तिननले बिश्वास अर्याथ्यो।

डोटेलि

²³ तइपाछा पावल रे बारनाबासले हरेक मण्‍डलिमि अगुवान निउक्‍ति अर्‍यो, प्रार्थना रे उबाससहित आफुले बिस्‍वास अर्‍या प्रभुका जिम्‍मामि तन अगुवानलाइ सउपिदियो।

प्रेरित 14:23 Referans Kwoze

तितस 1:5

तबइकिलाइ मइले तुलाइ क्रेट टापुमि छाडिबर आया, ताकि तुइले ताँ हामरो काम पुरा अद्द सक रे मइले आदेस दिया जसेरि तुइले क्रेट टापुका हरेक सहरमि मण्डलिका अगुवान नियुक्त अर।

प्रेरित 11:30

तिननले तसोइ अर्यो, रे बारनाबास रे शाउलका हात बठेइ तिननले यरुशलेम सहरमि भया मण्डलिका अगुवानलाइ रुप्प्या पठाइदियो।

याकुब 5:14

यदि तमनका बिचमि कोइ बिरामी छ, उइले मण्डलिका अगुवानलाइ बोलाओस, तिननले प्रभुका नाउँमि उइलाइ तेलले अभिषेक अरिबर उइकीलाइ प्रार्थना अरुन।

२ तिमोथी 2:2

तमनले भौत जाना मान्सनका अगाडी तमनलाइ ख्रीष्टको बारेमि मइले सिकायाको सन्देश सुणयाछौ। तबइकिलाइ म चाहानउ कि तमन और बिश्वासिन जो तमरो भर पड्डो छ जइले औरलाइलाइ सन्देश सिकाउन सकन्छ तइलाइ मइले सिकाया त्यो सन्देश सिका।

प्रेरित 20:32

आब म तमनलाइ परमेश्वरमि रे उनरा अनुग्रहको बचनमी सुम्पिदिनउ, जइले तमनलाइ बिश्वासमि बलिया बनाउन सकन्छ, रे परमेश्वरले तमनलाइ त्यो उत्तराधिकार दिनाहान जइलाइ दिन्या बाचा उनले तिनन सब मान्सनसित अर्याछ जो उन बठेइ पबित्र पाड्या छ।

१ तिमोथी 5:22

कसइमी हात राखिबर तइलाइ अगुवाका रुपमि नियुक्त जन अर, जबसम्म तइले आफलाइ ख्रीष्ट प्रति बिश्वासयोग्य प्रमाणित अद्दइन। नतित तमन लगइ तइका पापकिलाइ जिम्मेबार हुन्या हउ। पक्‍का हो कि तमन पाप जन अर।

प्रेरित 20:17

जब हाम मिलेटस सहरमि ओल्या, तब पावलले एफिसस सहरमि भया मण्डलिका अगुवानलाइ रैबार पठायो।

३ यूहन्ना 1:1

म, मण्डलिको अगुवा यूहन्ना यो चिठ्ठी मेरा प्रिय मित्र गायसलाइ लेख्दाछु जइलाइ म साँचो प्रेम अद्दउ।

२ यूहन्ना 1:1

म, यूहन्ना मण्डलिको अगुवा यो चिठ्ठी परमेश्वरले चुनेकि महिला रे तिनरा चेला चेलीलाइ लेख्दाछु, जइलाइ म साच्ची प्रेम अददु रे म मान्तर होइन सत्यलाइ चिन्या सबले प्रेम अददाहान।

१ पत्रुस 5:1

म तमन ताँका मण्डलिका अगुवानलाइ लगइ केइ भणन्न चाहानउ क्याकि म लगइ तमन जसोइ एक अगुवा हु। म आफइले ख्रीष्टले भौत समय अगाडी पाया कष्ट धेक्या छु। जब उन आजी फर्कि आउन्याहुन, म लगइ उनरो महिमामि साजेदार हुन्या हु। आब म तमनलाइ आग्रह अद्दउ,

१ तिमोथी 5:1

आफ भण्ना बड्ता उमेर भया मान्सलाइ अपमान अरिबर जन हप्का, रे आफ्नाइ बालाइ जसेरि तिननलाइ सल्लाह दिय, आफ भण्ना कान्छालाइ आफ्नाइ भाइलाइ जसोइ ब्यबहार अर।

प्रेरित 15:6

यइ बारेमि सोच-बिचार अद्दाइलाइ येशू ख्रीष्टका छान्या शिष्या रे मण्डलिका अगुवान जम्मा भया।

प्रेरित 15:4

जब पावल रे बारनाबास यरुशलेम सहरमि पुग्या, तब तिननलाइ मण्डलि, येशू ख्रीष्टका छान्या शिष्या रे मण्डलिका अगुवानले स्वागत अर्यो। परमेश्वरले तिननसित अर्या सब कुरणी तिननलाइ ताँ भण्यो।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

२ तिमोथी 1:12

तसइका लाग्दा म लगइ याँ झेलमि दुःख पाउना छु। तर म लाज माणनइन क्याकि म ख्रीष्टलाइ जाण्नउ जइमि मइले बिश्वास अर्या छु रे मलाइ पक्‍का छ कि ख्रीष्टले आफ्नो फर्कि आउन्या दिन सम्म तइको रक्षा अद्द सक्दाहान जो कुरणी उनले मलाइ दिया छ।

प्रेरित 15:23

रे यहूदा भणिन्या बारनाबास रे सिलाससित तिननले यो चिठ्ठी पठायो, “एन्टिओखिया सहर, सिरिया प्रदेस रे किलिकिया प्रदेसमि रन्या गैर-यहुदि बिश्वासि भाइनलाइ, येशू ख्रीष्टका छान्या शिष्या रे मण्डलिका अगुवानको अबिबादन।

प्रेरित 14:26

पइ ताँ बठेइ तिनन जहाजमि चडिबर एन्टिओखिया सहरमि गया, जा बठेइ तिननले परमेश्वरको अनुग्रह दिइबर तइ कामकी निउति पठायाथ्यो, जइ काम तिननले पुरा अरबर फर्क्याथ्या।

लूका 23:46

जोरले कला हालिबर येशूले भण्यो, हे पिता, म मेरो आत्मा तमरा हात सुम्पनौ। इति भणबर उनले आफ्नो प्राण त्यागिदियो।

मर्कुस 3:14

तिनरा बिचमि हइ बार जाना छान्यो रे तिन सबलाइ छान्या शिष्या नाउ दियो। येशू चाहान्थ्या कि उन सब येशूसित बसुन रे परमेश्वरका बारेमि प्रचार अद्दाइलाइ बाइर जाउन।

लूका 2:37

रे बिधवा रइबर उन चौरासी बर्षकि थिन। उनले कभइ मन्दिर छाड्नथीन्न, तर उपवास रे प्रार्थनासित रातदिन आराधना अरन्थीन।

प्रेरित 1:24

तिननले यिसेरी प्रार्थना अर्यो, “सब मान्सका मनको कुरणी जाण्न्या प्रभु, यिन दुइमि हइ तमले कइलाइ छानिराइछौ त्यो हामलाइ धेकाइ दिय,

२ कोरिन्थी 8:19

रे इति मान्तर होइन तर प्रभुका महिमाको निउति रे यरुशलेम सहरका बिश्वासिनलाइ हाम सहयोग अददाइ उत्सुक छौ भणि धेकाउनाइलाइ हामले अददार्या असल काममी भेटी लेइबर हामसित यात्रा अददाइ मण्डलि बठेइ तिन नियुक्त भया छन।

मत्ती 17:21

तर इसो भूत प्रार्थना रे बर्तले मान्त्तर भागन्छ।”