प्रेरित 13:29 - डोटेली नयाँ करार

²⁹ रे उनरा बारेमि पबित्र सास्त्रमि लेखिया सब कुरणी पुरा अर्या पछा तिननले उनलाइ क्रुस बठेइ निकालिबर चिहानमि राख्यो।

डोटेलि

²⁹ इसेरि धर्म- सास्‍त्‍तरमि उनरा बारेमि लेखिया सप्‍पइ कुरडि पुरा अर्‍यापाछा तिनुनले उनलाइ क्रुसबटहइ ओरालिबर च्‍याहानमि राख्‍यो।

प्रेरित 13:29 Referans Kwoze

लूका 23:53

उनरो लास तल्तिर झडाइबर मलमलका लत्तामि लपेट्यो, रे पखानमि खोपीबर बनाया एक चिहानमि राख्यो, जाँ कभइ कसइलाइ राख्या थेइन।

यूहन्नाले लेख्या सुसमाचार 19:30

जब येशूले सिर्का चाख्यो तब उनले भण्यो, “पुरा भयो” तइ पछा उनले आफ्नो मुन्टो झुकाइबर मर्या।

यूहन्नाले लेख्या सुसमाचार 19:28

तइ पछा सब काम पुरा भयो भणि जाणिबर पबित्र सास्त्र साचो साबित होस भणि येशूले भण्यो, “मलाइ तिस लागी।”

१ कोरिन्थी 15:4

उन गाडिया रे पबित्र सास्त्र अन्सार तेसरा दिनमि उन मर्या बठेइ जिउना भया।

प्रेरित 5:30

हामरा पिता पुर्खाका परमेश्वरले येशूलाइ मर्या बठेइ जिउना बनायो, जइलाइ तमनले क्रुसमि टाङिबर मार्या।

लूका 24:44

उनले तिननलाइ भण्यो, “तमनसित हुन्ज्या मइले बोल्या बचन यिनइ हुन, मोशाको कानुन, अगमबक्ता रे भजनका किताबमी मेरा बारेमि लेखिया सब कुरणी सत्य हुनुइ पणन्छ।”

प्रेरित 13:27

यरुशलेम सहरका मान्सन रे तिनरा अगुवानले येशू ख्रीष्टलाइ पछणेइन रे अगमबक्तानले पबित्र सास्त्रमि लेख्या कुरणी हरेक बिश्राम दिनमि पड्या लगइ तिनन बुज्जाइन। तबइकिलाइ तिननले उनलाइ दोषि बनायो, रे अगमबक्ताको बचन पुरा भयो।

प्रेरित 4:28

तिननले तेइ अर्यो, तर तिननले तमरो सक्ति रे तमरा इच्छा बठेइ तमले पइल्ली बठेइ बिचार अर्या अन्सार मान्तर काम अर्यो।

प्रेरित 2:23

परमेश्वर बठेइ ठहराया पक्‍का उद्देश्य रे पइल्लिको ज्ञान अन्सार उनलाइ तमरा हातमि सुम्पिदियो। तमनले उनलाइ अधर्मि मान्सनको सायताले क्रुसमि किला ठोकिबर मार्या।

मर्कुस 15:42

बसाइतक योसेफ अरिमाथिया सहरको मान्स आयो। त्यो मान्स यहुदि सभाको इज्जतदार सदस्य थ्यो, जो परमेश्वरको राज्यको परखाइमी थ्यो। त्यो तयारीको दिन थ्यो, तइले, साहससित पिलातस हाकिमका वाँ गइबर येशूको मर्या शरीर माग्यो ताकि तिनले येशूको मर्या शरीर गाडड सकुन।

लूका 23:50

योसेफ नाउँ भया एक जाना असल रे धर्मि मान्स थ्या। उन महासभाका सदस्य लगइ थ्या।

प्रेरित 26:22

तर आजका दिन सम्म परमेश्वर बठेइ मइले सायता पाइराइछु। तबइकिलाइ नाना ठुला सबलाइ गवाही दिनोइ म कल्लिया छु। अगमबक्तानले रे मोशाको कानुन पक्‍का पुरा हुन्या हुन भण्न्या कुरणी बाहिक मइले और केइलगइ भण्या आथिन।