प्रेरित 11:3 - डोटेली नयाँ करार

³ “गैर-यहुदि मान्सनका घर गइबर तिननसित तमले क्याकि खानपिन अर्या?”

डोटेलि

³ “खतना नअद्‌द्‌या मान्‍सनका वा गइबर तिनुनसित तमले क्‍याकि खानिपिनि अर्‍या?”

प्रेरित 11:3 Referans Kwoze

प्रेरित 10:28

पइ पत्रुसले तिनलाइ भण्यो, “हाम यहुदि मान्सनले एक गैर-यहुदि मान्ससित संगति अद्दु वाँ उइका वाँ जानु हामरा कानुनको बिरुद्द हो, तर कसइ मान्सनलाइ असुद्द भण्नु हुनइन भणि परमेश्वरले मलाइ धेकाइराइछ।

गलाती 2:12

पत्रुसले खतना नभया गैर-यहुदि मान्सनसित खान्या अरन्थ्या। तर जब याकुबले पठाया केइ बिश्वासि यरुशलेम सहर बठेइ आया, तब उइले गैर-यहुदि मान्सन सितको संगत रे खान छाडयो। क्याकि पत्रुस यहुदि मान्सन बठेइ डराया थ्या, जइले चाहानथ्या कि सब गैर-यहुदि मान्सनको खतना हुनु पणन्छ।

लूका 15:2

“यइ मान्सले त पापीनलाइ ग्रहण अरन्छ, रे तिननसित खानपिन अरन्छ” भणि फरिसि मान्सनको समुह रे मोशाको कानुन सिकाउन्यावाला गनगन अद्द पस्या।

२ यूहन्ना 1:10

रे यदि उइले ख्रीष्टले सिकायाको शिक्षा भण्ना फरक शिक्षा सिकायो भण्या तइलाइ घरमि स्वागत जन अर्या, तइलाइ अबिबादन अरिबर हौसला जन दिया।

१ कोरिन्थी 5:11

तर इसा मान्सनको संगत जन अर्या भणबर मइले तमनलाइ लेख्या, जइले आफइलाइ बिश्वासि हु भणि भणन्छ, तर साच्ची जो व्यभिचारि, अथवा लोपारि, अथवा मुर्तिपुजक, अथवा निन्दा अद्द्या, अथवा दराहा, अथवा ठग हो। तसा मान्ससित त खानाइ लगइ बसउ जन।

प्रेरित 10:48

पत्रुसले तिननलाइ प्रभु येशू ख्रीष्टको नाउँमि बप्तिस्मा दिय भणि आज्ञा दियो। तब तिननले पत्रुसलाइ केइ दिन ताइ रनदिय भणि बिन्ति अर्यो।

प्रेरित 10:23

पइ उनले तिननलाइ भित्तर बोलाइबर सत्कार अर्यो। रे भोलिबार पत्रुस तिननसित हिट्या रे केइ योप्पा गाउँका भाइन लगइ उनसित गया।”

मत्ती 9:11

जब फरिसि मान्सनले यो धेक्यो, तब उनरा शिष्यालाइ भण्यो, “तमरा गुरु क्याकि कर उठाउन्या रे पापीसित खानाहान?”

यूहन्नाले लेख्या सुसमाचार 18:28

तइ पछा तिननले येशूलाइ कैयाफाका वाँ बठेइ रोमीका ठुला हाकिम, पिलातासका महलमि लैया। त्यो परभातइको समय थ्यो, रे यहुदि मान्सन महलमि पस्या थेइन। तिननमि हइ यदि कोइ भितर पस्या भयाले तिनन असुद्द हुन्थ्या रे तइलाइ निस्तार काजबारको भोज खान्या अनुमति मिलनथेइन।

प्रेरित 10:32

तबइकिलाइ योप्पा गाउँमी मान्सन पठा रे पत्रुस भणिन्या सिमोनलाइ याँ बोला, उन समुद्रका किनारमी छालाको काम अद्द्या एक जना सिमोनका घरमि बस्या छन। जब तिन आउन्याहुन रे तिनले सन्देश भण्न्या छन।’