प्रेरित 10:8 - डोटेली नयाँ करार

⁸ रे तिननलाइ यिन सब कुरणी भण्या पछा उनले पत्रुसलाइ ल्याउनाइ योप्पा गाउँमी पठायो।

डोटेलि

⁸ कर्नेलियसले तिनुनलाइ सप्‍पइ कुरा बताइबर योप्‍पा सहरमि पठायो।

प्रेरित 10:8 Referans Kwoze

प्रेरित 26:19

“तबइकिलाइ, हे राजा अग्रिपास, स्वर्ग बठेइ आया दर्सनलाइ मइले इन्कार अरेइन।

प्रेरित 10:33

तबइकिलाइ उतनजेइ तमरा वाँ मान्सन पठाया हु, रे तम दया अरिबर अरिदिया, आब प्रभु बठेइ तमलाइ आज्ञा भया सब कुरणी सुण्नाइ हाम सब याँ परमेश्वरका अगाडी जम्मा भयाछौ।”

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

प्रेरित 9:38

लुड्डा गाउँ योप्पा गाउँको नजिक भया हुनाले, शिष्याले पत्रुस ताँ छन भणन्या सुणिबर तिनरा वाँ दुइ जाना मान्सनलाइ यिसो बिन्ति अद्दाइ पठायो, “हामरा वाँ छिट्टाइ आस!”

प्रेरित 9:42

आब यो कुरणी सारा योप्पा गाउँ भरि फैलियो, रे भौतले प्रभु येशूमि बिश्वास अर्यो।

प्रेरित 9:43

तिन भौत दिन सम्म एक जाना सिमोन भण्न्या छालाको काम अद्द्यासित योप्पा गाउँमी बस्या।

प्रेरित 10:7

जब तिनसित बोल्ल्या स्वर्गदुत बिदा भया तब कर्नेलियसले आफना घरका दुइ जाना नौकर रे एक जानो भक्त सिपाहिलाइ सदाइ तिनरो सेवा अददाइ बोलायो।

प्रेरित 10:17

आब आफले धेक्याको दर्सनको अर्थ कि होलो भणि पत्रुस मनमि अलमल पण्याथ्या, तसइ बेला कर्नेलियसले पठाया मान्सन सिमोनको घर खोज्जा-खोज्जाइ सिमोनका घरको ढोका अगाडी पुग्या।