प्रेरित 10:22 - डोटेली नयाँ करार

²² तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।

डोटेलि

²² तिनुनले भुन्‍यो, “एक जना कप्‍तान कर्नेलियस, जो सोजा रे परमेस्‍वरसित डराउन्‍या रे सारा यहुदि जातिबटहइ सम्‍मान पाया मान्‍स हुन्‌। तमलाइ उनरा घरमि बोलाया छन् क्‍यालाइकि तमबटहइ परमेस्‍वरको बचन सुन्‍न भुणि एक पबित्‍तर स्‍वर्गदुतबटहइ उनलाइ आदेस मिल्‍या छ।”

प्रेरित 10:22 Referans Kwoze

प्रेरित 11:14

उइले तुलाइ बचन सुणाउन्या हो, जइ बठेइ तु रे तेरा सब परिबारले उद्दार पाउन्या हौ।’”

प्रेरित 10:2

जो परमेश्वरको आराधना अरन्थ्या रे तिनरा सब परिबारले परमेश्वरको डर माणन्थ्या, तिनले गरिब मान्सनलाइ भौत दान दिन्थ्या रे सदाइ परमेश्वरसित प्रार्थनामि अरिरन्थ्या।

३ यूहन्ना 1:12

मण्डलिका सब मान्सनले डेमेत्रियस राम्रो मान्स हो भणि भणन्छ क्याकि उइको ब्यबहार साँचो परमेश्वरको बचन अनसार छ, हाम लगइ भण्नाउ कि उ असल मान्स हो, तमन जाण्न्छौ कि हामरि गवाही सत्य छ।

२ पत्रुस 3:2

म इसो अददाछु, क्याकि परमेश्वरका अगमबक्ताले भौत समय पइल्ली बोल्या बचन रे हामरा प्रभु येशू ख्रीष्ट, हामरो मुक्तिदाताको शिक्षालाइ तमनले याद अर भणन्या म चाहनउ, जो तमरा वाँ आया छान्या शिष्याले तमनलाइ सिकायाथ्यो।

हिब्रु 12:23

तमन परमेश्वरका जेठो सन्तानको सभामी आयाछौ, जइको नाउ स्वर्गमि लेखिया छ। स्वर्गमि भया तिनन धर्मि जनका आत्मा हुन, जो अइल सिद्द बनाइया छन। तमन आफइ परमेश्वरका वाँ आयाछौ, जो सब मान्सनका न्यायकर्ता हुन।

हिब्रु 11:2

हामरा पुर्खाले इसो बिश्वास अर्याथ्या। तबइकिलाइ परमेश्वर तिननसित प्रसन्न थ्या भणबर धेकायो।

हिब्रु 10:38

“जइले लगइ परमेश्वरमि बिश्वास अरन्छ, उनले उइलाइ धर्मि ठहराउनाहान रे अनन्त जीवन दिनाहान, तर यदि उइले मलाइ इन्कार अरन्छ भण्या, म उइसित खुशी हुन्या आथिन।”

१ तिमोथी 3:7

रे मण्डलि भण्ना बाइरका मान्सनले लगइ भणनु पणन्छ कि उ एक असल मान्स हो। ताकि मान्सनले उइका बारेमि न्निकी कुरणी जन अरुन रे सैतानले उइलाइ फसाउन सकद्या आथिन।

२ कोरिन्थी 5:18

यो सब परमेश्वर बठेइ भया हो, जइले हामलाइ ख्रीष्ट बठेइ आफसित मिलापमी लेया, रे उनले हामलाइ आफ रे मान्सनका बिचमि मिलाप अराउन्या सेवा दिया छ।

रोमी 1:17

क्याकि सुसमाचारमि परमेश्वरले प्रकट अददाहान कि कसेरी उनले मान्सनलाइ धर्मि छन भणि घोषणा अद्द सक्दाहान, त्यो धार्मिकता जो सम्पूर्ण रुपले विश्वासइ बठेइ आउन्छ। जसेरि पबित्र धर्म सास्त्रमि लेखिरइछ, “त्यो मान्स जइलाइ परमेश्वरले बिश्वास बठेइ धर्मि बनाया छ, त्यो बाच्या हो।”

प्रेरित 24:15

धर्मि रे अधर्मि दुएइलाइ परमेश्वरले मर्या बठेइ जिउना बनाउनाहान भण्न्या यिन आफइले स्वीकार अर्या जसेरि म परमेश्वरमि आसा राख्दउ।

प्रेरित 22:12

“हननिया नाउँ भया एक जाना मान्स तइ सहरमि बसनथ्या। उन कानुन अन्सार चल्या भक्त मान्स थ्या, जइले ताँ बस्या सब यहुदि मान्सन बठेइ आदर पाइराइथ्यो।

प्रेरित 10:33

तबइकिलाइ उतनजेइ तमरा वाँ मान्सन पठाया हु, रे तम दया अरिबर अरिदिया, आब प्रभु बठेइ तमलाइ आज्ञा भया सब कुरणी सुण्नाइ हाम सब याँ परमेश्वरका अगाडी जम्मा भयाछौ।”

प्रेरित 10:6

तिन छालाको काम अद्द्या सिमोनका घर बस्या छन, जइको घर समुद्रका किनारमी छ।”

प्रेरित 6:3

तबइकिलाइ भाइन हो, जइका बारेमि सबलाइ था भया तमन पबित्र आत्मा रे बुद्दिले भरिया, रे सबको आदर पाया सात जाना मान्सन छान जइलाइ हाम यइ काममी नियुक्त अद्दाउ।

यूहन्नाले लेख्या सुसमाचार 17:20

म शिष्याकि निउति मान्तर प्रार्थना अद्दैन, तर यिनरा शिक्षा बठेइ ममि बिश्वास अद्द्या कि निउति लगइ प्रार्थना अद्दउ,

यूहन्नाले लेख्या सुसमाचार 17:8

क्याकि जइ शिक्षा तमले मलाइ दिया, मइले तिननलाइ दिइराइछु, रे तिननले तिन शिक्षा स्वीकार अरिराइछ। म तम बठेइ आया हु भण्न्या तिननले साँच्चि जाणिराइछ, पइ तमले मलाइ पठाया हौ भणि तिननले बिश्वास अर्या छन।

यूहन्नाले लेख्या सुसमाचार 13:20

साँच्चि, म तमनलाइ भण्नउ, ‘जइलाइ म पठाउनउ उइलाइ स्वागत अद्द्याले मलाइ स्वागत अरन्छ उइले मलाइ पठाउन्या परमेश्वरलाइ स्वागत अरन्छ।’”

यूहन्नाले लेख्या सुसमाचार 6:68

तब सिमोन पत्रुसले जबाफ दियो, “हे प्रभु, हाम कइका वाँ जाँउ? अनन्त जीवन दिन्या बचन त तमसित छ।

यूहन्नाले लेख्या सुसमाचार 6:63

जीवन दिन्या त परमेश्वरका आत्मा हुन। यो काम त मान्सका सक्तिले हुन नसक्द्या कुरणी हो। मइले तमनलाइ भण्या कुरणी आत्मा रे जीवन हुन।

यूहन्नाले लेख्या सुसमाचार 5:24

“साँच्चि, म तमनलाइ भण्नउ, जइले मेरा बचन सुणन्छ, रे मलाइ पठाउन्यामि बिश्वास अरन्छ, तइसित अनन्त जीवन छ। तइले दण्ड पाउन्या आथिन, तर अनन्त मृत्यु बठेइ बचिबर नयाँ जीवनमी प्रवेश अरिसक्या छन।

लूका 23:50

योसेफ नाउँ भया एक जाना असल रे धर्मि मान्स थ्या। उन महासभाका सदस्य लगइ थ्या।

लूका 2:25

तइ समयमि यरुशलेम सहरमि शिमियोन नाउँ भया एक जाना मान्स थ्या। उन धर्मि रे भक्तजन थ्या उन उत्सुक भइबर ख्रीष्ट फर्कि आउन्या रे इस्राएल देशका मान्सनलाइ सान्त्वना दिन्या बाटो हेरिरइथ्या, रे पबित्र आत्मा उनसित थ्या।

मर्कुस 8:38

यदि तमनमि हइ कसइले मलाइ आफ्नो परमेश्वरका रुपमि स्वीकार अद्द रे मेरा शिक्षा पालन अद्द इन्कार अरन्छौ भण्या तमन डराउन्छौ कि यइ समयका पापी रे अबिश्वासी मान्स तमरो मजाग बनाउन्या हुन। पइ म, मान्सको चेलो तमनलाइ आफ्नो शिष्याको रुपमि स्वीकार अद्द इन्कार अद्द्या हु, जब म पबित्र स्वर्गदुतसित यइ संसारमी फर्किबर आउन्या छु। तब सबले परमेश्वर मेरा पिताको माहान सक्ति धेक्द्या हुन।”

मर्कुस 6:20

क्याकि बप्तिस्मा दिन्या यूहन्ना एक धर्मि रे पबित्र मान्स भणि था पाइबर राजा हेरोद तइसित डराउथ्यो, रे तइलाइ रानी हेरोदियास बठेइ झेलमि सुरक्षित राखिराइथ्यो। जब राजा हेरोद बप्तिस्मा दिन्या यूहन्नाले बोल्या सुणन्थ्यो उ भौत बिचइन हुन्थ्या, रे लगइ खुसीसित सुणन्थयो।

मत्ती 1:19

तइको बैकान योसेफ धर्मि मान्स भया हुनाले, तइलाइ शरममि पाड्ड्या मन नभया हुनाले गोप्यमी मगनि तोडया निर्णय अर्यो। उइले इसो सोच्यो क्याकि उन ब्या अद्दाहइ पइल्ली गर्भवती भइन जो कानुनको बिरुद्दमि थ्यो।

मत्ती 2:12

पइ सुइनामी राजा हेरोदका वाँ फर्कि जन जा भण्न्या चेताउनी पाइबर, राजा हेरोदलाइ खबर नअरेइ तिनन अर्खाइ बाटा होइबर आफना देस फर्क्या।

लूका 9:26

यदि कोइ म बठेइ रे मेरा बचन बठेइ लाज माणन्छ भण्या म, मान्सको चेलो तमलाइ आफ्नो शिष्यको रुपमि स्वीकार अद्द इन्कार अद्द्या हु, जब म पबित्र स्वर्गदुतसित यइ संसारमी फर्किबर आउन्या छु। तब सबले परमेश्वर मेरा पिताको माहान सक्ति धेक्द्या हुन।

प्रेरित 10:21

पत्रुस ओल्या रे तिन मान्सनका वाँ जाइबर भण्यो, “हेर जइलाइ तमन खोज्जा छौ त्यो मै हु, मलाइ खोज्या क्याइ हो? कि कामले तमन याँ आया हो?”

प्रेरित 10:30

कर्नेलियसले भण्यो, “चार दिन अगाडीकी कुरणी हो, दिनका तीन बजे म प्रार्थना अद्दाथ्या, मेरा घरमि तसइ बेला एक जानो चम्किला लत्ता लायाको मान्स मेरा अगाडी कल्लियो।

प्रकाश 14:10

परमेश्वर तिनन मान्सनलाइ भौत तितो पिन्या चिज पिउन लाउन्या हुन जइमि केइ मिसावट हुनइन भणाइको अर्थ उन तिननसित पूरारुपमी क्रोधित हुन्या हुन, तिनन मान्सनलाइ आगो रे गनधकमि सताइन्या हो। रे पबित्र स्वर्गदुतले थुमा सित हेद्द्या हुन जब परमेश्वरले तिननलाइ दण्ड दिन्या हुन।