२ तिमोथी 4:2 - डोटेली नयाँ करार

² कि तुइले परमेश्वरका बचनको प्रचार अर, परिस्थिति असल रे खराब जी भया लगइ यइलाइ प्रचार अददाइ तयार बस। तुइले मान्सनले अर्या गल्ती धेकाउनु पणन्छ, रे तिनरा पापकिलाइ तिननलाइ हप्काउनु पणन्छ। तर तुइले धैर्यसित मान्सनलाइ सिकाउङया उत्साह लगइ दे।

डोटेलि

² परमेस्‍वरको बचन सुनाउनाइ रे प्रचार अद्‍दाइलाइ जइबेला लइ तयार भइबर बस्‌। पुरा सहनसिलतामि मान्‍सलाइ सिछ्‍या सिकाइबर अर्ति दे, हप्‍का रे उस्‍साह दे।

२ तिमोथी 4:2 Referans Kwoze

१ थेसलोनिकि 5:14

बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।

तितस 2:15

तबइकिलाइ तितस, म चाहानउ कि तुइले क्रेट टापुका बिश्वासिनलाइ मइले भण्या यिन कुरणी सिका। आफना मान्सनलाइ यिन कुरणी अददाइ उत्साह दे, जी आवश्यक छ त्यो सुधार अर। तुलाइ यो अद्द्या अधिकार छ। पक्का अर कि जो तु सिकाउछइ त्यो कसइले बेवास्ता जन अरुन।

१ तिमोथी 4:13

म ताँ नआउन्ज्या सम्म बिश्वासीनकिलाइ पबित्र सास्त्र ठुलो स्वरमि पड्डाइ, उत्साह दिनाइ रे पबित्र सास्त्रको अर्थ सिकाउनाइलाइ समय दिय।

प्रकाश 3:19

जइलाइ म प्रेम अद्दउ तिननलाइ म हप्काउनउ रे सुधार अद्दउ। तबइकिलाइ सहि अददाइलाइ उत्सुक होउ, रे पाप अद्द छाडिबर परमेश्वरतिर फर्क।

तितस 1:13

क्रेट टापुका मान्सनका बारेमि यिन सब्द अइल लगइ सत्य छन, तबइकिलाइ तिननलाइ कडा सित हकार, ताकि तिननले येशू ख्रीष्टका बारेमि सत्य शिक्षामि बिश्वास अरुन।

२ तिमोथी 2:21

तसेरि तिन बिश्वासि जइले आफलाइ तिन सब ननिका कुरणी बठेइ अलग राखन्छ, त्यो एक मूल्यवान भाडा जसोइ हुन्छ, जो बिसेस अबसरमी मान्तर प्रयोग हुन्छ, उइको जीवन पबित्र भया हुनाले उइका मालिककिलाइ उपयोगि हुन्छ। रे हरेक असल काम कि निउति तयार हुनाहान।

गलाती 6:6

बचनको शिक्षा पाउन्या हरेकले आफसित भया कुरणी बचन सिकाउन्यासित बाँडचुँण अद्दु पणन्छ।

रोमी 12:12

तमनसित भया आसामि तमनले आनन्द अददु पणन्छ, संकष्टमि धैर्य अर, लागातार प्रार्थनामि लागी रअ।

२ तिमोथी 3:10

तर तु, तिमोथीलाइ पक्‍का था छ कि मइले कि सिकाया रे मइले कसेरी जीवन बिताया, मेरो जीवनको उद्देश्य कि हो रे म कि बिश्वास अद्दउ। तु जाणन्छइ कि म सब किसिमका मान्सनसित धैर्य भया रे सबलाइ प्रेम अर्या, मइले कसेरी दु:ख भोग्या,

१ तिमोथी 5:20

जइ मण्डलिका अगुवाले पाप अरिराख्दाहान सब मण्डलिका मान्सका अगाडी तिननलाइ हप्का, ताकि बाकि मण्डलिका अगुवा डराउन।

कलस्सी 1:25

परमेश्वरले मलाइ उनरो सन्देश तमनलाइ पुरा रुपमि ब्याख्या अददाइ नियुक्त अर्याछ तबइकिलाइ म बिश्वासीनको दास बन्या छु।

रोमी 10:15

रे कसइले जाना हइ पइल्ली तिननलाइ भण त्यो मान्स पठाइनु पणन्छ। तबइकिलाइ पबित्र सास्त्रमि इसो लेखिरइछ, “सुसमाचार प्रचार अद्द्या मान्सनका खुट्टा कति सुन्दर!”

प्रेरित 20:7

आइतबारका दिन जब हाम प्रभुभोज खानाइ एकहठ्ठा भया, तब पावलले भोलिबार जान्या मन अर्या हुनाले, तिननसित अधरात सम्म कुरणीकानी अर्या।

प्रेरित 16:13

आब बिश्राम दिनमि सहरका ढोका बठेइ बाइर नदिका किनार गया, क्याकि ताँ यहुदि मान्सन प्रार्थना अद्द्या ठाउँ छ भणि हामले अनुमान लाइराइथ्या, रे ताँइ हाम बस्या रे जम्मा भएइ स्वानीनसित कुरणीकानी अद्द पस्या।

लूका 9:60

उनले तइलाइ भण्यो, “जो आत्मिक रुपमि मर्या छन, तिननले आफना मान्सन मर्या पछा तिननले आफइ खड्ड्याउन, तर तमन गइबर परमेश्वरको राज्यको सुसमाचार प्रचार अर।”

लूका 7:4

तिनन येशूका वाँ आइबर यिसो भणबर उनलाइ नम्र भइबर बिन्ति अर्यो, तिन तमरो यो सहयोग पाउन्या योग्यका छन,

१ थेसलोनिकि 5:20

यो जन सोच कि परमेश्वरले आफना मान्सनलाइ दिया अगमबाणी बिना कामको हो।

लूका 7:23

त्यो धन्य हो, जइले ममि बाधाको कारण पाउनइन।”

२ तिमोथी 2:25

हामसित असहमत हुन्यालाइ नम्र भइबर सत्य सन्देश भणनु पणन्छ, सैतानले यिन मान्सनलाइ पासामी पण्या छ रे आफनो भण्या अद्द्या बनाया छ। सायद परमेश्वरले तिननलाइ आफनो मन बद्दलाइ रे ख्रीष्टका बारेमि सत्य जाणनाइलाइ सहयोग अद्द्या हुन,

हिब्रु 13:22

बिश्वासि भाइन हो, म तमनलाइ निबेदन अद्दउ, कि मइले लेख्या यो उत्साहको सन्देसलाइ धैर्यसित सुण, क्याकि तमनलाइ मइले छोटकरीमी लेखिराइछु।

प्रेरित 28:16

जब हाम रोम सहरमि पस्या, तब पावललाइ एक जाना सिपाइको रेखधेखमि एकलोइ बस्साइ अनुमति मिल्यो।

प्रेरित 13:5

सलामिस सहरमि आइपुग्या पछा तिननले यहुदि सभाघरमी परमेश्वरको सुसमाचार प्रचार अद्द पस्या। तिननलाइ सायता अद्दाइ मर्कुस भणिन्या यूहन्ना तिननसित थ्या।

कलस्सी 4:3

हामरा निउति लगइ प्रार्थना अर, ताकि ख्रीष्टको त्यो रहस्य प्रचार अद्दाइलाइ परमेश्वरले हामलाइ मौका दिउन, म आब झेलमि छु क्याकि मइले यो सनदेस प्रचार अर्याथ्या।

१ थेसलोनिकि 1:6

तमन हामरा उदाहरण रे प्रभुका उदाहरणको अनुसरण अरन्छौ। ताँ भौत कष्ट थ्यो, तर तमनले आनन्दसित सन्देसलाइ ग्रहण अर्या, जो आनन्द पबित्र आत्मा बठेइ आउन्छ।